مغامرات عصابة "حساس"

إرسال موضوع جديد   إرسال مساهمة في موضوع

صفحة 5 من اصل 7 الصفحة السابقة  1, 2, 3, 4, 5, 6, 7  الصفحة التالية

استعرض الموضوع السابق استعرض الموضوع التالي اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 11:56 am

تاريخ المشاركة 06 January 2007 - 01:31 AM
تظهر السيارة علي الناصية بسرعة غير متهورة هذه المرة ... و ينجح سي السيد في الفرملة بطريقة صحيحة و الوقوف بها أمام مكتب البريد .. و يندفع هو و زهيري داخل مكتب البريد شاهرين المسدسات ( مسدسات لعبة استولي عليهم سي السيد من عمر أبنه في الخباثة ) ثم قفز سي السيد ك "توم كرووز" في فيلم ميسيون امبوسيبول الذي شاهده مرات عديدة ليتدرب علي القيام بتلك العملية :
- و لا حركة منك له .. كله ينام علي ضهره عالأرض ...
زهيري : هي علي ضهره ... و الا علي بطنه يا سي السيد ؟
سي السيد : كل واحد ينام عالجنب اللي يريحه .. و اللي حيتحرك حيتلب فِلة ... قصدي رصاصة في الجمجمة ...

ينبطح الجميع علي الأرض بتلقائية شديدة بينما يتجه زهيري الي فولانة التي كانت بجانب الخزنة صائحآ :
- فلوس المعاشات فين ؟
فولانة ( مبتسمة و ناظرة الي الكاميرا ) : في الخزنة جوا الشوال ....
زهيري: طب أفتحي الخزنة قوام ...
فولانة : يا سِم
يصيح زهيري : بقولك إفتحي الخزنة ..
فولانة : مافيش من فضلِك ... هما أهلك علموك كده برضه ...
زهيري : أنتي مالك و مال أهلي يا ست انتي ... ايييييه يا أخواننا ؟؟؟؟ ناظرآ جهة الشلة بتعجب
سي السيد : يا دي النيلة ... حقك عليا انت يا زهر .. ثم ناظرآ الي فولانة ... من فضلك يا ست خربطوللي إفتحي الخزنة ...
فولانة : أهه كده ... بالأدب و الذوق الواحد ممكن يديكم عينيه كمان ...

و تقوم بفتح الخزنة ... و يندفع سي السيد الي الشوال الذي يحتوي المعاشات و يخطفه معطيآ اشارة لزهيري يتجها بعدها الي الشيفورليه اكسلانس بكل سرعة ... بينما ينسحب ابن مصر و موديست و سكوب بكل هدؤ جهة ست أبوها استعدادآ للهروب الكبير ... و لكن في تلك اللحظة بعلو صوت عصام في الميكروفون صائحآ :
- ستووووووووب
ابن مصر : هو ايه اللي ستوب ؟؟؟؟؟ يتسائل مندهشآ
عصام : أنا قلت ستوب يبقي ستوب ... هو مين المخرج هنا .. انا و الا مش انا ؟؟
سي السيد : أنت حمار يالاه ؟؟ ( سوري يا عصام Smile )
نلتف جميعآ في حالة ذهول افقدتنا النطق حول عصام في محاولة للفهم ..
عصام : مالكم ؟؟... المشهد مش عاجبني ... الست اللي عاملة موظفة و بتفتح الخزنة مش مُقنعة في دورها .. بصراحة مش عاجباني ... خلوا اللي واقفة في اول الصف هناك دي .. أم ميني جيب و ديكولتيه .. تقوم بدورها ...
فولانة ( و قد تحول لونها الخمري الي قرمزي مخنوق ) : نعم يا خويا .... مش عاجباك ؟ ... مش عاجباك ده ايه يا ابو برنيطة ؟؟ انت عارف انا مين ... اللي قدامك دي حاصلة علي جايزة الترمسة الذهبية في مهرجان بلطيم الصيفي سنة 78 و 79 ...
عصام : يا ستي علي عيني و علي راسي الترمس و الحمص اللي كسبتيهم بس الدور ده مش بتاعك .. ش لايق عليكي .. مش شايفك فيه ..
فولانة : اجيبلك نضارة يا روح ...
ابن مصر مقاطعآ : ما علينا ما علينا ... مش بتاعها ايه بس يا عصام حتجيبلي كُساح ... يا ابني أخلص .. ايه الفرق بس ؟
عصام : الفرق ... كلك نظر يا ابن مصر ... واحدة زي اللي بالميني جيب دي تخللي الفيلم يطلع فوووووق ...
فولانة : و ديني لجيبك أنت تحت ... و خلعت صندلها متوجهة نحوه .... هي الواحدة لازم تبين الشوية بتوعها علشان تسلك في البلد دي ... آه يا بلد مايملاش عينيها الا التراب ...
موديست ( حاجزآ بينهما ) : حقك عليا انا يا فولانة ... معلهش يا أختي .. اللي ما يعرفك يجهلك ... و دول مش من هنا يا ست الكل ... و ووعد .. الفيلم الجاي دور البطولة ما حدش حياخده منك ...
فولانة : يا اخي بلا وكسة ...( و تبتعد ممصمصة بشفتيها تاركة مكانها و هي تنظر لعصام بكل غضب )... ناس عينيها فارغة ...

يسلم زهيري الشوال بكل حزن الي مدير المكتب .. و الذي يضعه بكل عناية في الخزنة مرة أخري .. بينما تقترب ذات الميني جيب بدلال جهة عصام قائلة :
- ميرسي اوي يا استاذ ... بس انا ما كنتش متوقعة الدور ده فعلشان كده ما روحتش الكوافير ... و طبعآ دلوقتي لازم حد ييجي معايا عنده علشان لازم اعمل ماش قبل ما اتصور ...
سي السيد : تعملي ايه يا حيلة ؟
عصام : تعمل ماش يا سي السيد ... ماش
سي السيد فاقدآ صبره : اللي هو ايه يعني ... أكلة يعني و الا شرب و الا عملية جراحية ؟
ابن مصر ( بخبرة ) : الماش اللي هي الوان في الشعر يا ابو السيد .. حاجة زي العسل و الطحينة كده
زهيري : حتحط عسل و طحينة في شعرها ... يا اخي الدنيا اتقدمت .. علي ايامنا كانوا بيحطولهم جاز .... طيب .. مين بقي سعادتكم اللي حيدفع حق الكوافير دلوقتي ...
سي السيد : طبعآ مش أنا .. انا بطاقتي لسه عند بتاع الكاوتش ... اوصل بيها انت بقي يا سي عصام يا مخرج للكوافير خليها تعمل المِش بتاعها ده ..
سكوب : اسمه ماش يا سي السيد..
سي السيد : انت تكتم خالص يالاه ... مش عايز اسمع حسك .. ما هي فكرتك المهببة دي اللي مخليانا ملطوعين لغاية دلوقتي ...

تمر ساعة أخري .. و اخيرآ نكرر للمرة المائة تصوير نفس المشهد ... و يمر كل شيء بنجاح .. و لكن في نفس لحظة خروج زهيري و سي السيد بالشوال من مكتب البريد .. تظهر فجأة سيارة شرطة و يترجل منها ظابط و ثلاث عساكر ..

أبن مصر : يا نهار أسود ... اجري يالا يا سكوب
و ينسحبا بكل هدؤ جهة ست أبوها ... بينما يتجه الظابط الي عصام و يدور بينهما حديث خافت لفترة .. و عندما ينتهي يعود الظابط الي السيارة قائلآ للعساكر :
- مش قلتلكم .. دول بيصوروا فيلم .. و اللي كلمني ده مخرج مشهور قوي .. بس مش فاكر اسمه ايه .. هو علي طرف لساني ... عالعموم بكره حنرجع تاني ...
و أبتعدت السيارة بينما يتمعن الظابط في وجه عصام كي يتذكر أسمه .. و الذي أمال القبعة القش أكثر فوق وجهه مثبتآ النظارة السوداء .. وامئآ الينا بأن كل شيء علي ما يرام :
- أنا وعدتهم أديهم دور المطاردة لو رجعوا بكره ...

نتنفس جميعآ الصعداء و نأخذ أماكننا للقيام بمشهد السرقة مرة أخري .. و الذي (للمفاجأة الشديدة ) تم بدون أي عقبات ... و يتجه سي السيد و زهيري جهة السيارة بشوال الفلوس هذه المرة بدون أي ستوب .. فلقد أمسك أبن مصر ذراعي عصام شاللآ اياه بينما سد سكوب فمه بيده .. و ما أن ابتعدا بالشيفورليه اكسلانس .. حتي اتجهت بقية الشلة فورآ الي ست ابوها لمتابعة تصوير مشهد الهروب .. طالبين من الجميع الأنتظار لحين عودتهم
"مش عايز اي حركة ... و الا حتبوظولي المشهد .. حنلف الناصية و نرجع علي طول " قالها عصام في الميكروفون بكل ثبات ...

و في خليط من مشاعر شتي .. سعادة .. و قلق ... و عدم تصديق ان العملية قد نجحت .. انطلقت الشلة الي مقرهم ببيت سكوب بكفر ابو شديد .. و ما أن دخلوه حتي انطلقت صيحات السعادة و تبادل الجميع الأحضان و القبلات ...
عصام : أخيرآ ... أخيرآ يا عالم نجحتلنا عملية...
زهيري : شوفتوا وشي كان حلو عليكم ازاي ... حقي يبقي زي حقكم بالظبط بقي و مش عايزين حمرقة ...
ابن مصر : ماشي يا وش السعد ... طلع الفلوس بقي يا سي السيد خلينا نعرف نصيب كل واحد فينا كام ....
يفتح سي السيد الشوال بكل سعادة .. و يمد يده داخله .. و تختفي الأبتسامة و ينظر بكل قلق الي الشوال ...
موديست بكل قلق : مالك يا سي السيد ؟؟؟
سي السيد : جوابات
سكوب : بعدين .. بعدين .. نقسم الفلوس الأول و بعدين أبقي ابعت جوابات لكل اللي أنت عايز ...

يتجه سي السيد جهة سكوب و يشده من قفاه واضعآ رأسه بأكملها داخل الشوال ... ثم يتركه .. يسحب بعد ذلك سكوب رأسه بكل بطء من داخل الشوال ناظرآ حوله و متمتمآ :
- ده شوال جوابات ....
ابن مصر : يادي النحس الدكر
زهيري لموديست : جوابات ؟؟ .. بينا يا مود .. عندي حفلة سبوع الحقها قبل ما نبات من غير عشا النهارده ...

عصام : طب حنعمل ايه دلوقتي ؟؟
ابن مصر : حنعمل ايه ؟؟ طبعآ حنوصل الجوابات دي لأصحابها ...
سي السيد : عندك حق ... تعالي يا ابو الأفكار .. حاملآ الشوال و واضعآ أياه علي كتف السكوب .... وزع بقي يا حلو افكارك الجهنمية ...

أخذ سكوب نفسآ عميقآ .. و هز رأسه مستسلمآ و متجهآ الي الخارج .. و لمدة ثلاث ايام طاف بشوارع القاهرة و ضواحيها لتسليم تلك الخطابات الي اصحابها بصحبة ابن مصر ... فلم يهن عليه أن يتركه لوحده في تلك المهمة ....

انتهت
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 11:56 am

Modest
تاريخ المشاركة 06 January 2007 - 01:55 AM
مش ممكن .. أنا عينيه دمعت من كتر الضحك Smile


سكوب .. هات بوس
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 11:57 am

bentmasria
تاريخ المشاركة 06 January 2007 - 03:08 AM
سكوب
انا بفى لى ساعة ضحك متواصل
وتقريبا ماما اعتبرتنى اتجننت رسمى وبتقوللى انتى بتكلمى الكمبيوتر ولا ايه
والاستاذ ابنى بيقوللى انتى اقرى ايه
رووووووووووعة ربنا يسعد قلبك يارب
على فكرة انا متابعة بس موش عاوزة اقاطع وارد هايل بجد ولازم الشركة المساهمة المحاوراتيه تفكر بجد فى انتاج الحلقات دى
انا حتبرع بالازياء Smile
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 11:58 am

se_ Elsyed
تاريخ المشاركة 06 January 2007 - 12:42 PM
بجد وبدون أي مجاملة وإنت عارفني بأقول للاعور يا سكوب إنت أعور في وشه

سكوب يابني إسمح لي أرفع لك الطاربوش أبو زر صورة وأُهنئك على تلكمو المواهب المتفجرة

ولا أُخفي عليكم سراً بإن العبد لله كان أول من أكتشف موهبة سكوب وذلك يرجع إلى اوخر الأربعينات قبل الحرب العالمية الثالثة عندما وجدت سكوب يهيم على وجهه في شوارع روما صورةوكل يوم يروح يقعد عند الفسقيه بتاعت الاحلام صورة مش عشان يحلم .. لأ

ولكن عشان يلم الفرنكات اللي الناس بترميها وهما بيتمنوا أي حلم ...

ووجدت فيه شاباً مُهذباً .. خلوقاً .. دمث الأخلاق .. عريض المنكبين ... وتوسمت فيه روح الدُعابة المصرية ... بالرغم من إنه كان بقى له ييجي 3 سنين ما أستحماش ولا غير هدومه مع إن الفسقية جنبه وماكانش هايغرم حاجه .. لكن تقول إيه بقى : الطبع يغلب التطبع ..

فتبنيته وأشتريت له بيجامتين وقبقاب وعالجته نفسياً وبثثت - صح كده ؟ - فيه روح التحدي والإصرار وقلت له : أنا عايزك تضرب جورج عيد وعزيز أبيض على عينهم إنت ديتك بس شويه ورق فلوسكاب فاضي وقلم فرنساوي وكوباية شاي وسوجارة بلمونت وساندوتش طعمية سخنه وأنا متاكد إن هايطلع منك بلاوي سودا ..

وقد كان

فهاهو لم يخيب ظني وأصبح يتحفنا بما لذ وطاب من ألوان الكوميديا السوداء ..


سكوب ... إستمر يابني

سكوب : إنت من الاحرار النُضاف يا حبيبي
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 11:58 am

نانو
تاريخ المشاركة 06 January 2007 - 01:27 PM
يعني يا س س احنا ماخلصناش من سكوب واللي عمله فينا جاي تكمل علينا :excl:

بجد تجنن يا سكوب حامد ..... Smile والذو شيئون في الموضوع انك مطلع تفاصيل شخصيه كل نجم من نجومك في موكف معين :rolleyes:

تسلم لنا مواهبك الفنيه الفذه ..

و مستنين سرقه وزاره الداخلي
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

سرقه وزاره الداخليه

مُساهمة  Scorpion في الخميس سبتمبر 25, 2014 11:59 am

إبن مصر
تاريخ المشاركة 14 January 2007 - 02:14 PM



بعد ان انتهى كل من ابن مصر وسكوب من توزيع الخطابات على شوارع وحوارى المحروسه جلسوا وقد انهكهم اللف طوال اليوم على رصيف كوبرى قصر النيل.

سكوب: والله انا بدأت أشك اننا مالناش فى الموضوع ده !!!
ابن مصر وقد نظر اليه بمنتهى الدهشه : بدأت... انت لسه هاتبتدى.. بعد كل الى شوفناه ده وجاى تقول بدأت .. روح الاهى ربنا يسخطك يا بعيد.. حسبى الله ونعم الوكيل..
سكوب: ايه هو انا يعنى الى عليا كل حاجه ..الله .. مانتم كلكم نحس من اولكم لاخركم قولنا الواد عصام لما يجى هايفك النحس.. اتاريه جايبه مجمد معاه.
ابن مصر: بس يا سكوب .. انا عمرى ما هفقد الامل ابدا.. بس انا جعان..
سكوب : قوم تعالى ناكل سندوتشين فول من عند محسن زباله فوله حلو وعلى القد وممكن تعدى منه من غير مشاكل.
ابن مصر: وهاندفعله ايه ان شاء الله... طوابع..!!!
سكوب :لا ياخفيف هاديله فلوس ما نا لسه معايا 57 قرش من الشهر الى فات.!!!
ابن مصر: الى كنت مديهم عديه للواد جونيور... انت خدهم منه
سكوب: لا والله هو الى خسرهم بشرف ... أصلى لاعبته عليكم ملك وكتابه..( قالها وهو سعيد ومبتسم ابتسامه كبيره )
ابن مصر: انعم واكرم... بتنصب على ابنك.. انا مالى يالله بينا..
وفى اثناء اكلهم يلتفت ابن مصر الى ورقه جرنال ملقيه على الارض ويقرأها ....
( القبض على عصابه لغسيل الاموال.. المتحصلات 5 ملايين جنيه .. ايداع الاحراز مصلحه الادله الجنائيه )تلمع عينى ابن مصر ويتوقف عن مضغ الطعام ..
سكوب: ايه فى ايه..انت تنحت كده ليه....مالك...
ابن مصر: ضربه العمر..
سكوب: لااااااااااااااااااااااااااااااااااااااااااااااا ( يقفز بهستيريه ويحاول الجرى بعيدا عن ابن مصر )
ابن مصر وقد امسك بسكوب من قفاه وما زال على هدؤه : أهدا اهدا متخافش... ( ياخذ قطمه من السندوتش بمتهى الهدوءوسكوب مازال يجرى فى الهوا )
سكوب: ابوس ايدك ابوس ايدك انا عارف البصه دى..وهو يبكى انا جتتى ما عدتش متحمله... انا من اخر مره معرفونيش فى البيت.. الواد مرضيش يفتح الباب وقال لامه.. واحده شحاته واقفه بره.. انت ناسى ساعه المزرعه ... احنا دخلنا الخانكه .. والنبى يا اخويا.. انت ايه .. مفترى. انا فيا من ساعتها كهربا تشغل الحاره كلها ..والنبى...أحمد..
ينظر اليه ابن مصر بمنتهى الهدوء وبدون اى تأثر....
ابن مصر: خلصت..؟؟؟
سكوب وهو يلطم: خلصت يا خويا ما دام تربست يبقى خلصت...استر يا رب..
ابن مصر: قوم بينا على القهوه عايزين الرجاله...
سكوب: رجاله!!!؟؟ رجاله ايه...
ابن مصر: سى السيد وعصام يااخى.. هانحتاج واحد كمان..
سكوب وقد تدلى فكه السفلى فى دهشه : حاضر ( وهو يهز رأسه باستسلام )
وعلى القهوه...جلسوا فى انتظار سى السيد وعصام
سكوب: مش تقولى ناوى على ايه؟؟؟
ابن مصر: اصبر بس لما بقيت التحف يجوا.. أه وعلى فكره ايه رأيك فى الواد موديست؟؟
سكوب: لا واد رجوله وابن ناس كده .. تحس انه مرفه.... دا انا سمعت انه بيتعشى كل يوم..
ابن مصر ينظر بسرعه ودهشه لسكوب ): كل يوم.. طب ده يبقى مش محتاجنا فى حاجه.. الله اكبر.. هو ايه رجل اعمال؟
سكوب : معرفش بس مفيش شهر يعدى والاقيه لابس فيه نفس القميص ممكن يغيره مرتين.. أه والنعمه
ابن مصر: انا كانت نظرتى فى محلها .. هو الوحيد الى ينفع
سكوب: ينفع فى ايه؟
أبن مصر: بعدين بعدين....( ينظر الى سكوب ) بيتعشى كل يوم.. متاكد؟
سكوب: أه والنعمه..
يقترب سى السيد وعصام ..
سى السيد : البوسطجيه اشتكوا من كتر مناديلى ...
عصام : اسمها من كتر مراسيلى ... جاهل .
سكوب: نقطكنا بسكاتك منك له واترزوا هنا..
ابن مصر ينظر شزرا الى سى السيد: بتتريق.. ماشى.. اقعد
سى السيد: ايه يا بو انجى الله بضحك معاك .. هو هايبقى حرقه دم وحرقه اعصاب .. ايه فرفش كده امال .
عصام: ايوه بلاش تاخد البوز التراجيدى ده حاول تبقى متفتح اكثر بلاش الميلودراما الى انت ...
( يقفز عليه ابن مصر وسى السيد وينهالوا عليه ضربا )ابن مصر: ان صدقت انك مخرج بجد والا ايه ..
سى السيد : كن ايدك انت يا ابو انجى انا مبقوق منه من ساعه مدخلنا الخانكه ...
سكوب وهو يبعدهم عن عصام : ايه يا خونا حرام عليكم .. هو ناقص.. خلاص خلاص هو مش هايعمال كده تانى ... خلاص بقى..
عصام: جهله كلكم جهله مش مقدرين الموهبه الى معاكم... كتكوا البلا كلكو من اولكم لاخركم.. ايه ...
سكوب يشد عصام ويجلسه: خلاص بقى يا عص.. اعذرهم برضه انت ناسى الى حصل فى الخانكه

عصام : يا سلااااااااااام مانا فيه كهربا تنور الشارع بتاعنا كله
ينظر الجميع اليه ولا يتكلمون ومن وقت لاخر يأخذ سى السيد فى الانتفاض كأن كهرباء صعقته..
ابن مصر : الله ما تهمد ياسى زفت خيلتنى هو انت لوحدك يعنى الى خدت كهربا فى دماغك.
سكوب : الله يا بن مصر ما تبقاش مفترى بقى انت ناسى ان سى السيد اتعامل مع الكهربا قبل كده لما اتقبض عليه..
سى السيد: قوله قوله يا سكوب يا اخويا .. دا انا بعدى جنب التليفزيون بيوش ... عمدان النور الى باسند عليها بتنور لوحدها... كله من بتاع الزباله ده الله ينتقم منه..
عصام : ايه هو انا كنت ضربتكوا على ايديكوا ما انتم ..
ينتبه الجميع اليه وةفى حركه واحده يقفزوا فوقه ..
عصام : خلاص خلاص والنبى والنبى والنبى .....
يضحك ابن مصر وسكوب وسى السيد وهم ينظرون اليه وقد انخطف لونه ويكرر ( والنبى بهستيريه ) ويطبطبوا عليه ..
سكوب : الحمد لله طلعنا منها على خير ..دا احنا كنا هانتبهدل..
عصام : كتكوا القرف على الاقل هناك بناكل ونشرب ونام ومفيش حاجه شاغله دماغنا الا الكتاكيت .. لو ما كانش الكهربا كانت تبقى فل ..
ابن مصر: المهم انا بقا عندى حته دين عمليه.. متخرش المايه.. خبطه العمر ..
ينتفض سى السيد وعصام واقفين فجأه افى رعب وينظروا الى سكوب الذى جلس مستسلما ينظر اليهم ويبتسم
سى السيد: لا يا شقيق مش كل مره..
سكوب: اقعدوا بس واستهدوا بالله .. عينيه لمعت وخلاص.. يعنى كده كده لابسين لابسن فيبقى بمزاجنا احسن..
عصام : لابسين ايه هو احنا خارجين
ابن مصر: انا بس مستنى موديست علسان عايزه معانا..
سى السيد: واشمعنى يعنى موديست.. دا حتى لبخه وشكله ابن ناس .. وليه هيبه كده وسخمه وهوداخل عليك طول بعرض.. وعنين ملونه ..
يقاطعه عصام : خلاص يا سيدى عرفت ان احنا مشاريع قرود وفشلت .. حبيته خلاص..
سكوب: لا وبيتعشى كل يوم..
ابن مصر وهو ينظر الى الارض : وهو دا الى مخوفنى
سى السيد : كل يوم كل يوم؟؟؟!!
سكوب يهز راسه بحسره..
سى السيد: طب ناخد فكره كده يا ابو انجى علشان يعنى نفكر معاك وكده..
ابن مصر وهو ينظر بدهشه على اول الطريق: موديست وصل اهوه..
ينظر الجميع الى موديست وهو يمشى بمنتهى الهدوء مرتديا بنطلونا بنيا قصيرا وحذاء اسود بدون شراب وقميص أزرق بنصف كم بالرغم من انهم فى شهر يناير..
ابن مصر:الان ديلون والله هو الى هاينفع..
سكوب: موديست .. انت يا واد يا موديست تعالى
موديست : انا..؟
ابن مصر وقد انتفض فى غضب: يعنى هو فى حد فى الدنيا اسمه موديست غيرك.. فز اجرى تعالى ..
يجرى موديست بسرعه ويجلس معهم ..
ابن مصر: بصوا بقى انا قريت انهم قبضوا على عصابه غسيل اموال. والحصيله ملايين.... وطبعا الفلوس دى حطوها فى مصلحه الادله الجنائيه.. ومن الاخر...انا حطيت خطه كده... عاشان ناخد الفلوس دى..
سكوب: ناخدها منين ولا مؤاخذ
سى السيد: بالضبط منين سعاتك..
ابن مصر: هانسرقها من مصلحه الادله الجنائيه...
عصام: يا نهار طين .. هانسرق الداخليه ..
سى السيد: نامليه؟؟؟ نامليه ايه؟؟
موديست: اه. ايوه... بس يا سى السيد.. ابن مصر عايزنا نسرق وزاره الداخليه..
ينظر اليهم ابن مصر ويقول.
. قربوا بقى واسمعوا هانعملها ازاى

يتبع
الحلقه القادمه الخطه


عدل سابقا من قبل Scorpion في الخميس سبتمبر 25, 2014 12:02 pm عدل 1 مرات
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:00 pm

se_ Elsyed
تاريخ المشاركة 14 January 2007 - 03:06 PM
الأخ الكريم إبن مصر

بعد التحية

أرجو أن يكون موعد تنفيذ العملية هو

25 يناير

عيد الشرطة وكل سنة وإنت طيب

إبنكم / سين سين الشهير بسبعاوي ديل الفار
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:00 pm


تاريخ المشاركة 14 January 2007 - 11:59 PM
والنبي بلاش يوم 25 احسن انا بتشائم من الرقم ده ... بيفكرني بالتأبيدة اللي حنلبسها كلنا ان شاءالله ...

وزارة الداخلية مرة واحدة يا مفتري ...
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:01 pm

إبن مصر
تاريخ المشاركة 19 January 2007 - 06:43 PM
الخطه:

أقترب الجميع من ابن مصر وقبل أن يتكلم جاء صوت نسائى من الطاوله التى خلفهم..
فولانه: والنبى يا سى الاستاذ ,,ولو فيها سئاله يعنى .. انا كده غصبن عنى والله!!! سمعت انكم هاتغسلوا حاجه.. وكمان سمعت البيه الابهه ده بيقول غسيل نوال.. والله يا سى الاستاذ ما فى غسيل احسن من المغسله بتاعتى..
قامت واعطتهم جميعا كروت مكتوب عليها .. مغسله فولانه أكثر بياضا..
ابن مصر وهو فى منتهى الدهشه : نوال مين؟؟؟مغسله ايه.. انت عايزه ايه بالضبط؟؟
فولانه: هدى اخلاقك يا سى الاستاذ الكلام اخد وغطى..
عصام: غطى ايه.. مين دى؟؟؟
سكوب: استنى يا بنى... بص لابن مصر يا نهار اسود .. الحاله هاتجيله تانى ..
سى السيد: استهدوا بالله يا جماعه الله.. معلش يا ستى ربنا يديك.. الله يحنن .. شوفولها حاجه يا جماعه شكلها غلبانه وبنت ناس..
فولانه: تؤ تؤ تؤ. انتم فاكرينى شحاته .. لا يا عم انا عايزه اشارككم.. يعنى بدل ما تغسلوا عند نوال .. اغسلوا فى المغسله بتاعتى....؟؟
وهنا يصدر صوت نسائى اخر كان يجلس بجانبها ..
نانو: استنى يا فولانه الناس كده اتلغبططت..
ابن مصر وقد بدأت عيناه فى اللمعان ونفرت كل عروق جبهته واتسعت فتحتا منخاره فى تنفس متلاحق :
انا مش هامسك نفسى اكتر من كده
سكوب وقد بدأ فى ازاله الاشياء الحاده من امامه والصلبه : كبر له يا سى السيد اعمل حاجه..
سى السيد : اهدا يا بو انجى .. انتى عايزه ايه ..يا حاجه؟؟
فولانه: هو برضه مش سى الاستاذ قال انهم قبضوا على عصابه سرقت غسيل نوال؟؟؟؟
سكوب: أأأأاه لا انت سمعتى غلط اسمها غسيل اموال ..
نانو : وماله برضه اهو كله غسيل.
فولانه: طب والنبى احنا ورقه العشرين جنيه تخرج من المغسله عندى تبقى ولا الورقه ام ميه .. نضافه وشياكه ..
نانو: مغسله ايه يا فولانه.. الفلوس تلعبك فى الغسالات لا دى ليها طريقه تانيه.. دى بتتحط فى البانيو ويتملى ميه دافيه واوعى الكلور علشان الالوان.. وبراحه خالص تتنقع ..
هنا يهب ابن مصر واقفا فى غضب.فيفزع موديست ويختبىء خلف سكوب الذى بدا فى الارتعاش ..
ابن مصر: قسما بالله لو ما اختفيتوا من قدامى دلوقتى.. لاتعامل معاكم على انكم مطب صناعى .. لا .. مطبين.. وهاخدهم بسرعه ...
نظر الجميع فى دهشعه الى ابن مصر وهو يقف وقد لمعت عيناه
فولانه: ايه.. ايه.. مطب صناعى يا نهار اسود قومى يا بت دول باين عليهم مجانين..
نانو: لا بجد يالله بينا.. يا نهار اسود.. يا نهار اسود هو خده بيترعش كده ليه..
يهب ابن مصر واقفا فى عنف فيصرخ السيدتين ويجريان باقصى ما لديهم من قوه
عصام: ايه العبط ده قال يغسلوا الفلوس قى الغساله ..
سى السيد: لا والتانيه تقولك فى البانيو يتنقعوا..
عصام: اه شوف ازاى ( ينظر خلفه فى اتجاه هروب فولانه ونانو ويعلى صوته ) لمعلوماتك بقى الغسيل كده غلط..
سكوب : امال ازاى يا أور...
عصام: فى الجنينه طبعا تحط الرزم وبخرطوم الجنينه..
ينظر اليه الجميع بمنتهى الدهشه وقبل ان يقولوا اى شىء يسارع سى السيد ويخبطه بزجاجه مياه غازيه كانت امامه: يا أخى ارحمنى بقاااااااااااا.. فينظر االيه عصام بدهشه ثم يغشى عليه .
ابن مصر : خلونا بقى فى المهم..انتم عارفين ان يوم 24 يناير هو عيد الشرطه
يقاطعه سى السيد:اظن انه يوم 25 يا ابو انجى
ابن مصر: لا 24
سى السيد: والنيعمه 25
سكوب: يعنى انت كنت فى وزاره الداخليه قبل كده
موديست: 25 من 24 مش هاتفرق سيبوه يكمل..
ابن مصر: مش قولتلكم.. والله انت يا موديست اضافه لينا شايفين العقل..
عصام يفيق... وينظر اليهم ويمسك رأسه ...
ابن مصر: المهم يا شباب فطبعا تقريبا الداخليه هاتبقى فاضيه..
يقاطعه اسكوب : ليه ان شاء الله؟
ابن مصر : مش عيد يا سى زفت يبقى هايخدوا اجازه..
سكوب : وجهه نظر برضه..
ابن مصر : وطبعا ساعتها اكبر رتبه هاتبقى هناك عقيد..
عصام : ايوه عارفها .. الى بيبقى عنده على كتافه ايه ياواد يا عصام..!!! ايه يا واد يا عصام...!!! أه صقر وحمامتين..
ينظر اليه ابن مصر بدهشه فيشعر عصام انه فعل شيءا حطأ
عصام: قصدى كلب وقطتين ( وبدأ فى التلعثم وقد وقف سى السيد وسكوب ينظران اليه شزرا )
عصام: معزه وخروفين ( بدا فى الشعور برعب وكلهم يقتربوا منه ) هما حاجه وحاجتين ..ويمسك ابن مصر برقبته فى عنف ويرفعه عن الارض فينطق فورا .. نسر ونجمتين نسر ونجمتين
ابن مصر: لو سمعت صوتك تانى هاخلى كل حته فيك مستقله بذانها وازرع عينيك فى قفاك الى يشوفك رايح يفتكرك جاى..
عصام وقد وضع يده على فمه بعنف : ممممم ممممم ( وهو يهز رأسه بالموافقه )
ابن مصر : المهم.. انت عارف الواد كرع المكوجى يا سى السيد..
سى السيد: ايوه الواد ده واصل قوى وزباينه كلهم كبار,,
ابن مصر: الله ينور عليك.. انا بقى عايزك تجيب من عنده 3 بدل ظباط من الى بيكويهم... تقتبسهم يعنى...وياحبذا لو كانت واحده منهم بتاعه اللوا الى فى العمارات الى فى اخر الشارع..
سى السيد: ليه سعاتك..
ابن مصر: اصبر بس.. الواد موديست ليه هيبه وشكله كده ابن ناس
يقاطعه سكوب بحسره: وبيتعشى كل يوم :
ابن مصر وهو يتنهد:.. ايوه.. المهم هايلبس بدله اللوا... وهايبقى مساعد وزير... وانا بدله عقيد والواد سى السيد مقدم... وانت يا سكوب بالطو مخبر..
سكوب: واشمعنى انا يعنى ...
سى السيد: ممكن ابقى انا المخبر.. انا مش عايز اى علاقه بالظباط ابوس رجلك..
سكوب: شوفت اهو ..
ابن مصر :مفيش مشكله المهم..
موديست :ولا مؤاخذه يعنى .. ولو فيها ثقاله.. موديست الى هايلبس لوا ده يبقى أنا..؟
ابن مصر: وهو فيه حد تانى اسمه موديست غيرك؟
موديست: طب استأذن انا علشان سايب المواعين وعندى..
يقاطعه ابن مصر: اقعد بس ما تخافش ما كلنا هانبقى معاك.. انت بس جمد قلبك واعمل الى هاقولك عليه..
موديست: انت مش واخد بالك انا اصلا اصلا...بخاف من عسكرى المرور..
ابن مصر: وبعدين بقيييييييييييي اهمد وخلاص مادام قعدت هنا بقين مننا...
سكوب: طب ما جيب بدله الواد جونيور الى جبتهاله السنه الى فاتت فى عيد ميلاده لما كمل 10 سنين؟
وقبل ان يرد عليه ابن مصر يصرخ سى السيد: يا بنى يا حبيبى بيقولك موديست الى هايلبسها ( يهز ابن مصر رأسه معجبا بذكاء سى السيد ويكمل سى السيد كلامه) موديست هايبقى لوا.. واانت بدله الواد جونيور كانت عميد ما ينفغش..
سكوب: اه صحيح
ابن مصر وهو يضرب وجهه بعنف.. : صبرننننننننني يا رب
عصام: طب وانا...؟ انت وزعت كل حاجه وسيبتنى انا فى الاخر .. بقى كده خلاص.. علشام واحد زى ده تبعنى يا بن مصر.. دى اخرتها ..
موديست: واحد زي ده مقصود بيها انا؟؟
عصام : ودينى لو ما سكت..
ابن مصر بصوت جهورى : عصام..
عصام ينظر اليه فى صمت ..
ابن مصر: انت اهم عنصر فى العمليه.. انت هاتبقى الحرامى الى احنا واخدينه معانا وهانخش بيك المبنى ..
عصام: أخرسسسسسسسسسسسسسسس ..حرامى.. انا .. حرامى.. اخرسسسسسسسسس..
سكوب: يا بنى امال انت ايه.. الى احنا عمالين ننيل فيه دا بقالنا سنتين ده اسمه ايه..
يقفز على عصام ويمسك به سى السيد فى اخر لحظه..وعصام ينظر اليه بدهشه..
سكوب :سيبنى يا سى السيد.. خلاص انا هاضحضحه.. ايوه حرامى كلنا حراميه كلنا حراميه... وينهار على الكرسى فى حزن..
موديست وقد وقف وهو يصفق بمنتهى الحراره..: الله عليك الله عليك يا سكوب يا مبدع.. مش دى برضه من فيلم الاب الروحى..
سى السيدهو ينظر الى ابن مصر: اضافه فعلا .. يا بن مصر .. الحمد لله كدا كملت..
ابن مصر: خلصتوا خلاص.. ممكن نتكلم جد بقى...
عصام وهو يطبطب على ظهر سكوب يهدئه : خلاص يا شقيق هدى نفسك.. مجد سيدك..
سكوب ينظر اليه شزرا
عصام : واشمعنى انا يعنى ؟؟
ابن مصر : اولا لان شكلك يعنى ..
عصام : ماله شكلى بقييييييييييييييييييي؟؟؟ ليه العكننه دى ما تحوش مناظركم انتم يعنى الى جاين من المهندسين والا سى نيله ده الى لابسلى جنينه جرجير
موديست : أنا..
ابن مصر: انت يا بنى مش كنت المخرج المره الى فاتت؟؟ يبقى خلاص بقى دورك المره دى...
ابن مصر: وانت يا سكوب عايزك تكلم الواد على تيفال يعملنا كلبشين علشان نلبسهم للواد عصام علشان تبقى محبوكه..
سى السيد: طب مانت مش لسه عندك الكلبش الى اتكلبشت بيه امتثال طيب الله ثراها ما هو ينفع..
ابن مصر: هاكلبش عصام بكلبش عربيه برضه يا سى السيد ده على اساس لاقيناه وواقف على الرصيف صف تانى ؟؟
سى السيد وهو يهرش رأسه تعجبا : أه صحيح .. سورى سيير
ابن مصر..: انتم عارفين ان مبنى الادله الجنائيه ورا مبنى امن الدوله فى لاظوغلى احنا نمشى ومعانا الواد عصام وكاننا هاندخله المبنى وندخل وبما اننا هانبقى اكبر رتب..هانعرف نخش بسلاسه..
موديست : طب لو حد سألنا على البطاقه .. ؟؟
ابن مصر: ايه؟؟ بطاقه.. يابنى انت لوا مساعد وزير.. شوفت حد بسأل لوا على البطاقه..
سى السيد: انا مقلق منه يا ابو انجى...
ابن مصر : جمد قلبك.. المهم هاندخل المبنى.. وعلى قوضه الاحراز... ندخل نسلم حرز.. ونكنش الشنطتيت وتننا خارجين.. عمليه متقشره وزى اللوز.. ونتنغنغ . بقى.. دول 5 مليون يا بنى...بس ما تنسوش الاحتفال هايبتدى الساعه 9 يبقى احنا نتقابل هنا الساعه 10 الصبح ونتوكل على الله .. اتفقنا .؟
الجميع : اتفقنا ... ورنا يستر ....

الحلقه القادمه الاخيره..
التنفيذ
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:01 pm

مصرية يعني مصرية
تاريخ المشاركة 20 January 2007 - 03:16 AM
إبن مصر

أنا والله بغسل كويس أوي

أنا مزنوقة حبتين اليومين دول

بعد ما بعت كل إلي حلتي عشان فدية الواد أخويا مودست

لما خطفم الخط :angry2: س س

حتى اسأله أهو عندك

و كمان لما ضحك عليا سي السيد و قالي هنلم لك ثمن السكانير

عشان أنقل لواحاتي و خلاني إستلفت و جبته و ما لمليش ولا مليم

و لا تلاقيه بعد مالمهم طمع فيهم

يعني أختك :wub: غارقة لشوشتها

والنبي شوف لي أي حاجة أعملها معاكم

و إدوني نص إلي هتسرقوه بس

أنا مش طماعة :wub:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:03 pm

إبن مصر
تاريخ المشاركة 20 January 2007 - 03:48 AM
والله كان على عينى يا بنتى ,.... اصل المغامره المره دى فى حته ما ينفعش حد من فرولات المنتدى يروحها..
ولما تقرى الحلقه الاخيره الى جايه .. هاتشكرينى..
ربنا يستر بس ويجعل كلامنا خفيف عليهم
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:03 pm

Modest
تاريخ المشاركة 20 January 2007 - 10:07 AM
سعادة البروفيسور ابن مصر

اسمح لي أرفع لك الطربوش على تخطيطك اللوذعي لهذه العملية النوعية

أينعم أنا مش متفائل خير من يوم ما عرفتكم و حاسس إنكم بتستغلوني علشان باتعشى كل يوم سميط و جبنه براميلي لكن أوعدك هاكون قد المسئولية التي شرفتموني بها

إحياة النيعمة يا شيخ ماتتعصبش عليّا و انت بتدينا التعليمات أحسن أنا باتلخبط من أقلّتوها حاجة و ممكن أوديكم في داهية ... و كمان - لو مفيهاش إساءة أدب يعني - ياريت تقسيم الغلة يكون بترتيب الرُتب صورة


لواء غسيل اموال
موديست عبد ربه موديست
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:04 pm


تاريخ المشاركة 20 January 2007 - 09:26 PM
فين يا عم المؤلف الجرنان ابو خرمين بتاعي .... اومال مخبر بروفيشيونال يبقي ازاي من غيره ....
علي العموم المخبر ما بيدخلش جوا الوزارة . بيقعد بره يراقب ... و كده اخر حلاوة .. عشان انتم نهايتكم حتكون زي كل مرة .. انا حاسس...
بس الفكرة مية مية و محبوكة بصراحة ... أحسنت يا شفيق ... :happy:



Quote
إحياة النيعمة يا شيخ ماتتعصبش عليّا و انت بتدينا التعليمات أحسن أنا باتلخبط من أقلّتوها حاجة و ممكن أوديكم في داهية ... و كمان - لو مفيهاش إساءة أدب يعني - ياريت تقسيم الغلة يكون بترتيب الرُتب


ليه يا خويا ... طب انتم كلكم رتب .. و انا المخبر اللي فيكم .. نصيبي حيطلع ايه انشاءالله .. علبة رابسو ؟؟!! لأ يا عم الغلة تتوزع حسب الميول الكروية ... علي العموم خلينا في المفيد .. ممكن لغاية ما ابن مصر ينزل الحلقة الأخيرة بتاعت التنفيس تديني قطمة من الشاندوتش من فضلك ... هي قطمة واحدة و حرجعهالك آخر الشهر لما نقبض .
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:04 pm

Modest
تاريخ المشاركة 22 January 2007 - 06:00 PM
Scorpion, on Jan 20 2007, 09:26 PM, said:
.. ممكن لغاية ما ابن مصر ينزل الحلقة الأخيرة بتاعت التنفيس تديني قطمة من الشاندوتش من فضلك ... هي قطمة واحدة و حرجعهالك آخر الشهر لما نقبض ...

شاندوشت؟؟؟!!! ماكانش يتعز صورة
دول كانوا شاندوشتين يا سيد ... و انا مركّز مع البروفيسير في الخطة :ph34r: عصام لهف شاندوشت الكبدة بالقشطة و طلع يجري قبل ما أخد بالي .... بابُص على شاندوشت الطعمية بالحلاوة لقيته في إيد سي السيد و بيبص لي ببراءة و بيقول لي: إييييه؟؟!! أنا جايبه من بيتنا Laughing

قعدت ساكت بقى خايف من عصبية البروفيسير علشان أنا لسه مُستَجَد 😠

ما تخلّصنا يا عم البروفيسير في يومكم اللي مش فايت ده 😊
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:05 pm

إبن مصر
تاريخ المشاركة 23 January 2007 - 03:06 AM
الحلقه الاخيره
التنفيذ
فى الموعد المحدد تقابل الجميع وارتدى كل منهم ملابس العمليه.. موديست ارتدى بدله لواء وابن مصر عقيد واصر سى السيد على ارتداء المخبر وارتدى سكوب بدله المقدم.. وعصام وقف بينهم وقد وضعوا الكلبشات فى يديه..
ابن مصر: ها يا جماعه كله عارف دوره ايه؟
سى السيد: طبعا يا باشا.. بس انا ليه سؤال ولا مؤخذه....شوفت سعاتك لوا فى الدنيا بياكل سنودتش كرشه بالبيض وهو فى الشارع؟؟؟
نظر الجميع الى موديست الذى توقف عن مضغ السندوتش ونظر اليهم فى دهشه؟؟؟؟
سكوب: انت بتنيل ايه الله يخرب بيتك.. بتطفح ايه؟.؟؟؟
موديست: دا السندوتش الى كان معاك قلت اهو حاجه ارم بيها عضمى على ما نخلص العمليه.. بس بصراحه جميل قوى يا سكوب تسلم ايديك..
ابن مصر:سكوب .. انت مش هاتبطل العاده المنيله دى.. انا يااخى بتشائم كل مره بتطفح فيها قبل الشغل..
سكوب فى منتهى الدهشه: وكتاب الله ما حصل ..أعدمك لو كنت جايب معايا حاجه اطفحها .. انت جبته منين يا سى زفت..
موديست وهو يأخذ اخر قطمه من السندوتش : يا بنى السندوتش الى كان فى اللفه الى معاك... !!!
سكوب وقد فتح عيناه فى دهشه : الله يخرب بيتك دا انا كنت هارميه دا بقاله فى المطبخ 4 اسابيع من العيد والتلاجه كانت بايظه فلما ريحته طلعت قلت ارميه بعيد .. انت ايه.....مبتحسش؟؟؟؟
سى السيد : بيتعشى كل يوم ... مش كده.. انا عرفت بيتعشى ايه .. الله يخرب بيوتكم .. انا بطنى قامت عليا...
عصام: ودينى .. ودينى انا شاكك فيه من الاول انه زى القطط.. وانا اقول كل ما قطه تعدى جنبينا تجرى ليه.. بتاكل زباله يا معفن
موديست وقد توقف عن المضغ ونظر اليهم: ايه فى ايه... مش نيعمه ربنا دى.. ايه يعنى الحاجات الهايفه الى بتقولوا عليها دى.. صحيح حقد..
ابن مصر : انا بقول نلحق نخلص العمليه قبل ما يجيله تسمم.. يالله بينا ..
عصام: استتتتتوب.. الى اوله شرط اخره اييه نور.. أى واحد فيكم هايمد ايده عليا ولا يفتكر انه ضابط بجد يمين بالله .. لاكون رايح فيكم فى دهيه.. انا سبحان من خلانى اوافق على الجنان بتاعكم ده..
ابن مصر: ده اسمه كلام يا صاصا .. عيب..
وبينما هما يتكلمون اذ توقف بجانبهم ميكروباس من ميكروباسات الشرطه ونزل منه 3 ضباط يرتدون الملابس الملكيه..
ضابط 1: صباح الخير يا معالى الباشا ( موجها حديثه لموديست الذى توقف عن المضغ وهم بالجرى )
حضرتك رايح فين ؟؟
ابن مصر وقد امسك بموديست بعنف كي يتمالك نفسه : صباح الخير مين حضرتك؟

ضابط 1: انا المقدم خيرى البعلبكى من أمن الدوله ..
سى السيد وقد رفع يده بالتحيه وهو يرتعش :تمام يا فندم .. تمام يا فندم .. ( وتلفت حوله يريد ان يجرى )
ضابط2: ايه يا تحفه انت مش واخد بالك ان معالى الباشا واقف والا ايه ايه التسيب ده ..
سكوب وقد هم بالانصراف : طيب يا بشوات انا استأذن انا بقى واشوفكم قريب ( وهو يحدث عقله :: يا ريتنى لبست المخبر )
ضابط3: معاليك رايح فين يا فندم ؟
موديست : لاظلوغلى.. ايوه لاظلوغلى..
ابن مصر : لا ظوغلى يا باشا..
ضابط1: والله احنا كمان رايحين مبنى الجهاز .. اتفضلوا معانا واحنا نوصلكم..انتم عارفين بقى الاستعدادات علشان عيد الشرطه ..
يبتسم ابن مصر فى خبث ويكمل الضابط حديثه
ضابط1: بكره الاحتفال وهايبقى كبير فالكل فى الوزاره النهارده..
يفتح الجميع اعينهم من الدهشه والرعب وينظرون الى ابن مصر الذى اصفر لونه ..
سى السيد: الاحتفال بكره مش كده بكره.. هه بكره..( يهم باللطم فيمسك به سكوب)
ضابط 2:ومين الى معاكم ده يا معالى الباشا ..؟؟
موديست: دا ناشط من بتوع النت هانتكلم معاه شويه
ابن مصر وهوي يجز على اسنانه : الله يخرب بيتك الواد راح
طب اتفضلوا معانا ..
يركبوا جميعا الميكروباس وما ان يركبوا الميكروباس حتى يغطى الضباط رأس عصام بكيس أسود ..
عصام : الله الله الله ليه كده فى ايه لا ما اتفقناش على كده ..
ابن مصر هامسا : اثبت .. ما تودناش فى داهيه ..
سكوب : هو ضرورى كده ؟؟
ضابط1: طبعا يا باشا انت عارف الاجراءات ..
ضابط2: اخرس ياد بدل ما انسيك اسمك ....
موديست : ايوه اخرس.. جنينهه جرجير هه ..
ابن مصر: هو ده وقته الله يخرب بيتك هاتعايره دلوقتى ( ويقرص موديست بعنف ..)
موديست : أأأأأأأأأأأااى
ضابط1: ف حاجه يا معالى الباشا؟
موديست: لا لا. أصل أصل الكالو فى رجلى وجعنى فجأه.
وتتوقف السياره أمام مدخل مبنى أمن الدوله ببوابته الحديديه ذات الخمسه امتار ارتفاع ويفتح الباب فى بطء وتدلف السياره الى الداخل.. وما ان ينزل مودست منها الا ويصبح عسكرى الخدمه ..
انتباااااااااااااااااااااااااااااااااااااااااه.
فيسقط موديست على الرض من الخضه ويتساقط باقى افراد الشله فوق بعض..
موديست: ايه فى ايه.. الله يخرب بيوتكوا..
ابن مصر: امسك نفسك لكلنا هانروح فى داهيه ..
سكوب: احنا فين .. والنبى تقولى احنا فين....
سى السيد وهو مذهول : أمن الدوله..
عصام: الحمام عايز أروح الحمااااام..
ضابط1: اتفضل سعاتك انا هاسجل المأموريه بس طبعا حضراتكم عارفين السكه
ينظر الى سى السيد
ضابط1: استنى هنا انت متتحركش..
سكوب: يا بن الايه يا محظوظ... يا ريتنى كنت مخبر.. يا ريتنى كنت مخبر..
يتسلل سى السيد الى الخارج فى هدوء ثم يطلق ساقيه الى الريح وينتظر بعيدا ينظر الى بوابه الداخليه.
ابن مصر: شكرا يا باشا احنا هاناخد الولد ده دلوقتى ونشوف هانعمل ايه..
ضابط1: اتفضل سعاتك..
موديست: ها نروح فين.. انا عايز زى عصام..
سكوب : عايز ايه كتك البلا
موديست: عايز الحماااااام..
ابن مصر: امسك نفسك انت وهو احنا داخلين على البوابه..
يدخلون الى مبنى كبير وفى الدور الاول يجدون مرا على جانبيه حجرات مغلقه بتصاعد منها صوت همهمات غريبه..فيدفع سكوب عصام فى حركه تمثيليه كأنه يمسك مجرما .
سكوب: امشى امشى يا مجرم.
عصام: ودينى لاشرحك...يا معفن
وفى هذا الاثناء يراهم مجموعه من الضباط فيجرون عليهم..
ضابط 1: عنك انت يا باشا انا عارف الاصناف دى تتعامل ازاى ..
ضابط 2: ولايهمك والله لاعلمه الادب
ضابط 3: امشى بقى يا إور..
سكوب ابن مصر وموديست وقد شلتهم المفاجأه ووقفوا ينظرون الى عصام وقد جره الضباط الى أحد الغرف
عصام: .. ودينى لاوريكم ياعفنين..( كان عصام يعتقد ان من يضربه هو سكوب حيث ان ما زال على راسه الكيس الاسود )
ضابط 1: معفنين مش كده طيييييييب...
وبينما هم بالخارج فاتحين افواههم فى دهشه تعالى صراخ عصام من الحجره..
عصام : اى أأأأأأااى لا لا مش ممكن تكون اسكوب ابدا.,..
عصام: لا لا لا .. كده لا.. أى أأأأأاى أأأأأأأأأأأأأأأأأأأأأ..
عصام :بلاش هنا هنا لأ أاى يابببببببببببا يا اممممممممماااااااااااااا..هاعترف هاعترف..
ضابط 1: ومين قالك ان احنا عايزينك تعترف.. احنا بنأدبك بس .
عصام : أى,, لا لا لا لا لا ... هيهيهيهيهيهييييي
ضابط 2: انت بتضحك؟؟؟
عصام : أصلى بغير من قفايا .
وهم بالخارج استمع سكوب ومودبست وابن مصر ,,لكل الوان الضرب والصفه فاصفر لونهم ونظروا الى الباب وهو يبلعون ريقهم فى رعب..
طررررررررررراخ
عصام : قسم يا جدع.. مش كله فى حته واحده....ايوه كده.. ودينى لاوريك يا بتاع الزباله..
ابن مصر بصوت عالى ليسمعه عصام : مليون جنييييييييييييييه... مليون جنييييييييييييييييه يا عصام..
فجأه يصمت الصوت ويفتح الباب ويخرج الضباط هم يدفعون عصام الذى تمزقت ملابسه وازرق وجهه وعلامات من الاصابع المتورمه تملأ وجهه ونكش شعره بصوره مفزعه..
ضابط 1: خلاص يا باشا .. هو مستعد للتحقيق ..
ابن مصر بفزعوهو يبلع ريقه : هو فاضل فيه .. حاجه... يتحقق معاها ....
موديست: قولتلكم عايز الحمااااااااااااااام.
سكوب: وانا كمان....
عصام : مفيث داعى للحمام .. انا اتثرفت خلاث...
سار الجميع بخطوات مرتعشه وهم موديست ان يقع فترنح وحاول عصام ان يسنده بيده فرأه ضباط اخرون فظنوا انه يحاول الاعتداء على اللواء موديست ..
ضابط1: يا نهارك اسود .. انت اتجننت ..
عصام :بسنده وكتاب الله بسنده ورحمه ستى باسنده
جروه بقوه الى الغرفه المقابله وهو ما زال يقول
عصام: ودينى باسنده قولهم يا باشا.. قولهم ياباشا ... يا بابشا..يا معفن بتاع الزباله..
وما ان اغلق عليه الباب .. حتى سمعوا ..
عصام: لا دى جديده.. انا متعود عليها من ايام الخانكه هأو..
وفجأه بدأت الاناره فى الممر ترتعش والضوء يعلو ويخفت.. وبعد قلبل.. خرجوا من الحجره وخلفهم عصام يسير بمنتهى الهدوء وشعر رأسه بالكامل قد وقف من جراء الكهرباء واستمر فى الارتعاش المفاجىء لمده..
ابن مصر: على عينى يا صاصا..
سكوب: ادى اخره افكارك الله يخرب بيتك..
عصام: ممكن تزودوا نصيبى علشان هاحتاج ترنس بدل الى اتحرق.. مش احنا اتكهربنا فى الخانكه....؟؟؟ لا يا حبايبى,,, الكهربا هنا.. شىء تانى خاااااااالص.. كهربا بكر..
ثم انخرط فى بكاء عنيف..
وفجأه يفتح باب ويقترب عدد كبير من اللواءات والعمداء من سكوب وموديست و ابن مصر..
لواء1: معالى الباشا انت اتأخرت على الاجتماع.....
موديست: اجتماع ايه؟؟
لواء2: اجتماع معالى وزير الداخليه مع القيادات علشان الاحتفال بكره ..
موديست: وزير نامليه..؟؟؟؟ نامليه ايه؟؟( وقد كاد يبكى )
لواء1: اتفضل معانا هانلحق ان شاء الله..
وقف ابن مصر وسكوب وقد تدلى فكهم السفلى من الرعب وهم يرون موديست يسير مع اللواءات الى غرفه الاجتماع بوزير الداخليه..
ابن مصر: مفيش قدامنا وقت لازم نلحق نروح دلوقتى نجيب الفلوس غرفه الادله فى المبنى الجاى..عصام استنانا هنا ..
يفتح سكوب حجره ويدفع عصام فيها ..
عصام بعد ان انغلق الباب يلتفت وراءه ليجد 5 اشخاص معلقين من ارجلهم ومجموعه من الضباط تنظر اليه بدهشه بعد ان دفعه المقدم سكوب الى الحجره..
عصام..: والنبى ما انتم قايمين انا جاى لوحدى اتفضل يا باشا.. علق...
ابن مصر: انت فاكر حاطيته فى اى اوضه؟؟
سكوب: ايوه مكتوب عليها فى اى بى.. اكيد بتاعه حد مهم..
ابن مصر: لا حول ولا قوه الا بالله..
يصل اصدقائنا الى غرفه الادله.. ويجدوا عليها عسكرى ما ان يراهم حتى ينتفض فى رعب..
العسكرى: تمام يا فندم..
ابن مصر: استريح انت يا بنى افتح الباب..
العسكرى: بس يا فندم..
سكوب: بس ايه مش شايف الباشا بيقولك افتح.. افتح...
العسكرى: بس يا باشا
ابن مصر : خد سيجاره يا بنى وروح هاتلى شاى..
العسكرى : حاضر يا باشا
وما ان يدخلوا الى الغرفه حتى يفتح اسكوب فمه فى دهشه..
سكوب: يا نهاار دى ولا مغاره على بابا.. بص بص يا بن مصر.. شايف الكراتين دى.. مكتوب عليها نص مليون جنيه.. يالله ناخدها ونفلق...
ابن مصر: لا كل ده على نص مليون جنيه ابدا مش هاتنازل عن ال 5 مليون..
ويجدوا حقيبتين مكتوب عليها.. قضيه غسيل الاموال فيأخذوهم ويجروا..
سكوب: مش الشنط خفيفه شويه على 5 مليون ؟؟
ابن مصر: يا اخى اكيد ورق بميات اجرى خلينا نلحق عصام..
وفى هذا الاثناء كان موديست قد دخلى الى غرفه الاجتماعات بانتظار الوزير و بدأ فى التصبب عرقا.. وبطنه ايضا من جراء سندوتش الكرشه بدأت فى التمغص..
لواء 1: انا شوفت حضرتك قبل كده؟
موديست: هو سعاتك بتقعد على قهوه لينوكس؟
لواء1: مين؟؟؟؟
موديست وهويتلعثم : لينوكس... ابو أمشيييييييييير..
لواء1: هو حضرتك دفعه مين,,
وقبل ان يرد يدخل وزير الداخليه الى الحجره فيقف الجميع ..
الوزير: مساء الخير ايه اخبار الاحتفالات.. انا عايز كل حاجه تبقى فى منتهى الانضباط..
موديست يرتعش فترتعش معه طاوله الاجتماعات ..
الوزير: نبتدى من عندك ( بصوت جهورى وهو ينظر الى موديست )
موديست يقف وهو يرتعش ..
موديست: انا هافهم حضرتك على كل حاجه ..
وهنا يدق الهاتف الاحمر بجانب الوزير فيرد ويقف ثم يقول..
الوزير: الاجتماع اتأجل الريس عايزنى تقدروا تمشوا وابقى اقابلكم بالليل ..
يخرج الجميع وموديست يتلوى من الالم..وينظر الى أحد العساكر ..
موديست: والنبى يا بنى خد بايدى لحد الباب البرانى لحسن تعبان قوى..
فى هذا الاثناء يصل ابن مصر وسكوب الى غرفه الفى اى بى وهم يحملون الشنط ويفتحوا الباب .. وما ان يدخلوا حتى يجدوا عصام
وقد تم تعليقه فى السقف من قدميه ..
سكوب: يا نهار اسود الواد حطوا راسه مكان رجليه..
ابن مصر: اتنيل اسكت دا متعلق..نزلوه انتم فاهمين ايه .. ده معانا ..
ضابط 1: لا مؤخذه يا باشا .. نزله يا كفراوى..
يسقط عصام على الرض وهو يقول
عصام: ما هو لازم يبقى اسمك كفراوى.. انت متنفعش غير كفراوى..داانت كل الكفار بتوع قريش,.,,
ثم يرددعصام : كله علشانك يا مصر ..كله علشانك يا مصر..
وهو يزحف باتجاههم..
ينظر اليه ابن مصر بتعجب
ابن مصر : ايه الوطنيه الى نزلت عليك دى..
عصام: كتك نيله على الوطنيه انا بقول زى الى جنبى ما كانوا بيقولوا ...كل ما يقولوا كده يبطلوا يضربوهم سندونى.. سندونى..انا اتبهدلت يا بن مصر..
سكوب : طب بسرعه على بره..
يخرج الجميع ويجرون بسرعه باتجاه سى السيد الذى نظر اليهم بدهشه..
سى السيد: ايه الى حصل جوه..
عصام : يووه يا شوووووشششوووو الى حصل لا ينكتب ولا ينقرا..
سى السيد : لا بجد.. اصلكم ما شوفتوش موديست.
ابن مصر: هو خرج..
سكوب: هو حى شكرا للرب شكرا للرب..
سى السيد: خرج ده فرج الشارع عليه..اول ما خرج من الباب مشى شويه وراح ساجد يبوس فى الرض واتمرمغ فى التراب وهو بيقول .. انا حى ,.,انا حى.. وقام قالع كل هدومه فضل بالفانله الحاملات .. والامؤخذه الشرط.. وقام جارى وخد فى فوشه وهوبيضحك بعبط والى جاى عليه انا حى ,.... انا حى..
ابن مصر:طب الحمد لله .... خلينا بقى نمشى من هنا...
سى السيد: لا افتحوا الشنط الاول
سكوب: ايوه بقى مره نتنغنغ..
ابن مصر فتح الشنطه .ثم أغلقها فجأه..
ابن مصر..عن اذنكم.. هاجيب سجاير..
سكوب : فى ايه.. فى ايه..
ابن مصر فتح باب السياره وجرى كالمجنون..
سى السيد: افتح البتاعه دى يا عصام..
عصام: صوابعى مش فى مكانها يا سى السيد افتح انت ..
سى السيد يفتح الشنطه فيجد بها ورقه مكتوب بها..
تم ايداع المبلغ البنك المركزى طبقا لما هو متبع لما زاد عن مليون جنيه ..
واترك لخيال القارىء ما حدث بعد ذلك اذا عرفنا ان عصام اغمى عليه وسكوب... ااستمر فى حاله ضحك هسترى..وابن مصر استمر فى الجرى حتى سبق موديست...
تمت
والى لقاء فى حلقه قادمه
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:07 pm

Modest
تاريخ المشاركة 14 February 2007 - 10:31 PM
Quote
ينظر الجميع الى موديست وهو يمشى بمنتهى الهدوء مرتديا بنطلونا بنيا قصيرا وحذاء اسود بدون شراب وقميص أزرق بنصف كم بالرغم من انهم فى شهر يناير..
ابن مصر:الان ديلون والله هو الى هاينفع

Quote
سى السيد: موديست خرج؟!!! .. ده فرج الشارع عليه..اول ما خرج من الباب مشى شويه وراح ساجد يبوس فى الرض واتمرمغ فى التراب وهو بيقول .. انا حى ,.,انا حى.. وقام قالع كل هدومه فضل بالفانله الحاملات .. والامؤخذه الشرط.. وقام جارى وخد فى فوشه وهوبيضحك بعبط والى جاى عليه انا حى ,.... انا حى..

الله يسامحك يا أحمد .. بقى واحد بشياكتي دي و بيتعشى كل يوم ، تقلعوه البنطلوناً البنيّاً القصيراً و الحذاء اللي بدون شراب و تبهدلوه البهدلة دي؟ :wub:
كان لازم طبعاً اخد برد و ولاد الحلال لقوني في الشارع باخطرف قاموا نقلوني ارقد يومين أرم فيهم عضمي في المستشفى الأميري :wub: .. عموماً رجعت لكم و زي ما استغليتوا برائتي في العملية دي لازم تردوا لي الجميل في العملية الجاية.

إنتوا عارفين الواد ابني الكبير بيدرس أي جي أبوستروف إس :wub: و مقشّط على القرشينات أول بأول و كل يوم ييجي لي من المدرسة جواب تهديد يا الدفع يا الحبس... أروح المدرسة أدفع ألاقي الخزنة مش راضية تتقفل من كتر الفلوس اللي فيها :wub:

لذلك قررت نعمل سوى عملية حلوة كده زي بقية عملياتكم :wub:




انتظرونا مع أولى محاولاتي الإجرامية ............... سرقة مدرسة خاصة B)
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:08 pm

MZohairy
تاريخ المشاركة 15 February 2007 - 07:41 AM
موديست :sad:
السيده في ضهرك يا شيخ...

الله يخليك......

انشالله ابوك يحج......

ابوس ايدك....






تسرقوا مدرسة ولادي

المدرسه دي عملت في أخوك زي اللي بتعمله كل يوم شغاله عفيه بتنفض سجاده مش راضيه تنضف :sad:

حبعتلك عنوانها على الخاص -_-

عنوان المدرسه طبعا.... مش الشغاله -_-
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:08 pm

Modest
تاريخ المشاركة 25 March 2007 - 04:14 PM
mzohairy, on Feb 15 2007, 07:41 AM, said:
موديست :unsure:
السيده في ضهرك يا شيخ...

الله يخليك......

انشالله ابوك يحج......

ابوس ايدك....






تسرقوا مدرسة ولادي

المدرسه دي عملت في أخوك زي اللي بتعمله كل يوم شغاله عفيه بتنفض سجاده مش راضيه تنضف :sad:

حبعتلك عنوانها على الخاص mfb:

عنوان المدرسه طبعا.... مش الشغاله -_-
مزهوراتي حبيبي :rolleyes:
أنا مش هالاقي أعز من ابنك اسرق مدرستُه لكن انت عارف النظام و الأولويات .. بالدور يا حبيبي بالدور wst::

أوعدك بعد ما تنجح العملية دي مش هايغمض لي جفن قبل ما نشوف موضوعك :rolleyes:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

سرقة مدرسة خاصة

مُساهمة  Scorpion في الخميس سبتمبر 25, 2014 12:09 pm

Modest
تاريخ المشاركة 25 March 2007 - 04:24 PM
.
بعد الانتهاء من عملية سرقة وزارة الداخلية قام سكوب بمحاولة الهرب إلي جزر سردينيا بعد ما حلف 100 يمين مايعرف ابن مصر تاني و اختفى عصام مؤقتاً في أحراش 6 أكتوبر لإنه بقى معروف لمخبرين مباحث غسيل الأموال و فر سي السيد إلى السعودية مستغلاً باسبور مضروب يظهر فيه بشخصية مهراجا هندي يبيع سيديهات مضروبة في إشارات المرور و بجوار المولات الراقية بالأحياء الشعبية و اختفى ابن مصر عند عيال عمه في الصعيد خوفاً من انتقام أفراد العصابة و قام موديست بعمل تغيير شامل لهيئته بتغيير البنطلون البني القصير إلى بنطلون أزرق قصير.

و بعد فترة ، و كأن إنشغال جميع أفراد المباحث في قمع المظاهرات المنددة بتغيير الدستور جاء كفرصة ذهبية ليظهر الجميع مرة أخرى على القهوة على غير ميعاد.

ابن مصر: صباح الخير ياض يا أمشير
أمشير (مشيحاً بوجهه إلى الناحية الأخرى و متمتماً): يا فتاح يا عليم يا رزاق يا كريم
ابن مصر: بتقول ايه ياض
أمشير: ما باقولش .. انت مش قاعد ليه معاهم على الترابيزة اللي هناك .. ماتتلموا في مكان واحد (متمتماً: جاتكوا الهم)
ابن مصر: هناك فين يله؟
أمشير: مع حبايبك اللي من ساعة ما شافوك عملوا نفسهم مش عارفينك (متمتماً و قاضباً حاجبيه: إلهي تغوروا كلكم من هنا)

ابن مصر ينظر وراؤه ليجد 3 اشخاص على ترابيزة أحدهم مغطي وشه بجرنال مخروم و التاني لابس نضارة شمس مغطيه وشه كله و التالت نايم على الترابيزة و مغطي راسه بإيديه الاتنين.

ابن مصر: يا سكوب .. طيب يا عصام .. انت يا سي السيد


محدش عبَّرُه


يأتي من بعيد موديست بشياكته المعهودة و بالنيولوك المتمثل في البنطلون الأزرق القصير و الفانلة الحمالات في عز الشتا و الحذاء البني بدون شراب.. يمشي الهوينة بمنتهى الثقة و في يده ساندويتش .. ياخد قطمه و يمشي خطوة و ياخد قطمة و يمشي خطوة و هكذا إلى أن وصل إلى القهوة و هو مخلص الساندوتش خوفاً من أن يستولي عليه سكوب كالعادة.
يذهب مباشرةً إلى ترابيزة الاصدقاء التلاتة و يصبّح عليهم صائحاً بصوت عااالي.

موديست: صباح الخير .. عملتوا خير إنكم لوحدكم .. أنا مش طايق أشوف وش النحس اللي ... و قبل ان يكمل الجملة انقض عليه سي السيد بحركة تايكوندو هوائية حلزونيه يخنقه بيده و يكتم فمه حتى كاد أن يفيص في إيده
سي السيد: اسكت يا زفت.. احنا مستخبيين منه و انت جاي تفضحنا؟ .. ما تتنيل تقعد و انت ساكت.
سكوب: جبت لنا حاجة ناكلها؟
قبل أن ينطق موديست سمع الجميع ابن مصر يصيح
ابن مصر (بصوت عالي): آه يا أندال.. و فاكرين إني مش هاعرفكم؟ عرفتك يا سكوب من أول نظرة .. مش هاتغير شبشب الحمام اللي بتخرج بيه ده؟ و هايكون مين معاك غير عصام و سي السيد ..و ادي موديست فضحكم ... هاتيجوا هنا و لا آجي أنا اقعد معاكم؟
عصام: خليك عندك .. لو جيت هابطحك
سي السيد: الجدع ده يا أنا يا هوه في القهوة
موديست: خلوه ييجي هنا و على ضمانتي .. الجدع صعبان عليا و شكله ندمان .. نديله فرصة تانية
سكوب: قلبك الرهيف ده هايودينا في داهية .. هاته بس تكون آخر فرصة .. و كمان يقعد ساكت و مالوش دعوة لا بتخطيط و لا بتفكير من أصله
موديست: حاضر .. ده أنا اللي هاشترط عليه كده قبلكم .. انتوا ناسيين اللي جرى لي من ورا تخطيطه الاسود؟
موديست : تعالى هنا يابني
ابن مصر (فرحاً): كنت متأكد إني مش هاهون عليكم و بعدين احنا لينا مين غير بعض.. طيب ده أنا حتى امبارح كنت لسـ....
سي السيد: انت هاتحكي لنا تاريخ حياتك... يا تقعد ساكت زي الكرسي اللي انت قاعد عليه يا تغور من هنا
ابن مصر (بانكسار): حاضر.
موديست: ايه الأخبار يا شباب .. شكلكم مأشفرين و حالتكم كرب زي حالاتي ... أنا من يوم سرقة وزارة الداخلية و انا حالتي زفت (و هو ينظر شذراً إلى ابن مصر اللي عمل نفسه مش واخد باله).. العيال مصاريفهم قاطمة وسطي و خصوصاً مصاريف المدارس
أنا كان مالي و مال موال التعليم ده.. ياريتني سمعت كلامك يا عصام و زقيت كل عيل من عيالي على ورشة من بتوع اصحابك يتعلم صنعة و ألهف أنا اليومية بتاعته .... ثم ينخرط في بكاء شديد.
سكوب: ماتفكرنيش .. أنا جريت استخبيت عند ابن خالتي في اسكندرية لغاية ما شاف لي فلوكة مع جماعة هربانين على ايطاليا زقني عليها بس طلع علينا حرس السواحل الليبي أكلونا علقة ما أكلهاش .... ياللا هايروحوا من ربنا فين..... ثم ينخرط في بكاء شديد.
سي السيد: أنا ضربت باسبور بإسم مهراجا هندي و طلعت السعودية أقلّب عيشي هناك.. سرحت بسيديهات مضروبة في إشارات المرور لغاية ما قفشوني و اترحلت و اديني هنا معاكم يا فقر .... ثم ينخرط في بكاء شديد.
عصام (و هو ينظر في كل الاتجاهات خوفاً من المخبرين بعد أن أصبح وجهه مألوفاً لمباحث غسيل الأموال): أنا مش هاتكلم.. ثم ينخرط في بكاء شديد.
ابن مصر: أنا بقى كنت فـ ...
سي السيد: انت ما تنطقش خالص ... و ينهال على رأسه بالكرسي فيسقط مغشياً عليه.
موديست: و بعدين يا جدعان .. هانفضل نولول و ننخرط في بكاء شديد كده زي الولايا؟ .. لازم حل .. و انا عندي الحل
و بينما مازال ابن مصر مغشياً عليه ، ينظر إليه الثلاثة باستغراب شديد
سكوب: حل ايه ياللي داخل علينا بإيدك فاضية .. حل ايه جك حل وسطك..
سي السيد: انت كبيرك تسرق حبلين غسيل من على سطوح عمارة بوابها في اجازة
عصام (يهمس في أُذُن سي السيد): بوابها في أجازة؟ !!!

موديست: استنوا بس.. يوضع سره في أضعف خلقه
انتوا عمركم جربتوني في ايوتها تخطيط؟ جربوني المرة دي و بعدين احكموا
دي عملية مضمونة مية في المية .. و يوم ما يقف لنا فيها حد كبير هايكون مُدَرِّسة ألعاب ..

احنا هانسرق خزينة مدرسة الواد أحمد ابني..


يتبع.....
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:10 pm

se_ Elsyed
تاريخ المشاركة 25 March 2007 - 04:49 PM
قشطه يا موديست

إحنا وراك يا معلم وخش في الخزنة بصدرك ولا يهمك
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:10 pm

تاريخ المشاركة 30 March 2007 - 10:56 PM
إيه ده :wub:
إيه ده ؟؟؟؟

كنت مخبيهم فين دول يا موديست ؟؟؟
ربنا يخليك يا عسل ... أخيرآ حد مطلعني مفتري .. فين بقي الباقي ... هه..فين ... هه ؟

أوعي تتعدي من أحمد محمود و لا من سي السيد اللي ساب رحلة في نصها و كَت .. اللي يكتبوا حلقة و بعدين يروحوا يشتوا في اسواااان
و لا عصام ... اللي منزل اعلانين لحد دلوقتي من غير حتي ما ينزل التترات ....

بس بجد ... بداية شديدة :happy:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:11 pm

Modest
تاريخ المشاركة 31 March 2007 - 08:43 AM
بينما مازل ابن مصر مغشياً عليه تحت تأثير ضربة سي السيد، ينتبه أفراد العصابة إلى موديست الذي اعتدل في جلسته و وضع رجل على رجل

موديست: حد فيكم يطلب لي سحلب
سي السيد (و قد احمر وجهه من الغضب) : وله .. خلَّص في يومك اللي مش فايت .. مش ناقصينك
موديست: مش ناقصينّي؟!! و انا اللي كنت مجهز لك دور مدير التربية و التعليم ؟!!! ..
سكوب: دور مدير التربية و التعليم ده مرسوم عليّا ياض يا موديست .. انت عارف إن عندي عقدة من يوم ما خرجوني من المدرسة في تانية إعدادي لما اكتشفوا إني مش باعرف اكتب اسمي.
موديست : مايغلاش عليك يا سكوب يا حبيبي .. بس حد يفوّق لنا ابن مصر علشان يسمع الخطة
عصام: سيبوهولي .. انا فاكر كان المخبرين بيفوقوني ازاي بعد الضرب .. دي شغلانة بسيطة جداً بس حد منكم يقرّب شرابُه منه و يخليه يشمُّه و هو هايقوم زي الرهوان
سكوب (و هو يشاور على شبشب الحمام الذي يرتديه): شراب؟!! ماكانش يتعز
موديست: مش بالبس شرابات علشان بتجيب لي حساسية .. قصدي علشان الدنيا برد .. أقصد علشان الدنيا حر .. قصدي يعني علشا...
سي السيد: برد ايه و حر ايه .. احنا عمرنا ما شفناك لابس شراب من أصله .. قول بصراحة علشان ماعندكش شرابات.
موديست (باكياً): كان عندي شرابات ياما .. كان عندي .. بس آخر شراب بعتُه مع الأنتريه الأسبوع اللي فات علشان ادفع قسط مدرسة الوله ابني.. (و ينخرط في بكاء شديد)
سكوب : خلاص بلاش موضوع الشرابات ده .. ياض يا أمشير شوف لنا فحل بصل بسرعة
أمشير : بصل؟!! طاب اشوف لكم فحل بصل و تغوروا من هنا؟
سكوب (غاضباً) : هات ياض فحل البصل و انت ساكت .. الرجل مفيّص مننا
يقذف لهم أمشير من بعيد بفحل بصل أتى به من صفيحة الزبالة
يمسك عصام فحل البصل و يقرّبه من أنف ابن مصر الذي بدا على وجهه السكينة و الهدوء و هو يستفيق من غيبوبته ، و كانت أول كلمة ينطق بها بمجرد ما فتح عيناه: مفيش طبق فول و رغيفين مع فحل البصل ده؟
موديست: هايكون فيه كباب و كفتة .. هايكون فيه فراخ بالماوانيز كمان يا ابن مصر ياخويا .. هايكون فيه اللي عمرك ما شفته بس صحصح معانا علشان تفهم العملية اللي هاتأكلنا الشهد.
ابن مصر ( و قد فغر فاه من الدهشة محاولاً تذكُّر معنى كلمة فراخ): فراخ؟ فراااخ آآه عارفها .. أتذكر إني كتبت عنها كلمتين في مساجلة شعرية مع داروين بعنوان "كلمات عن العشا في الهوا"
آهٍ آه عالفرخة و هيا مشوية
و ممددة قدامنا على الطبلية
أمسك بها فتتزفلط مني
فأعود مطأطأ و رأسي محنية
آهٍ آه عالفرخة و هيا مشوية
سي السيد: هوا ايه و هباب ايه في البرد ده .. خلصونا في يومكم اللي مش فايت
موديست: حاضر حاضر .. انت على طول عصبي كده؟ الموضوع يا إخوانّا ابسط ممّا تتخيلوا ... لكن محتاج دقة في التخطيط و كفاءة في التجهيز و سلاسة في التمييز ثم براعة في التنفيذ و هو ما أثق أنكم قادرون عليه... الموضوع يا جماعة إنــ
سي السيد (مقاطعاً): يااااادي النيلة ..ماتدخل في الموضوع يله.. كفاءة ايه و براعة ايه و نيلة ايه و احنا عمرنا ما نجح لنا عملية... الأخ حزب وطني؟
موديست: حد يسكّت لنا الأخ ده لإنه بعصبيته هايبوظ العملية قبل ما تبدأ
سكوب: تعالى جنبي يا سي السيد و انا أفهمك على كل حاجة .. قول يا موديست .. قول يا حبيبي .. قول مادام فيها فراخ
ما أن جلس سي السيد بجوار سكوب حتى همس له سكوب في أذنه : مش الواد ده معرفتكم انت و اللي ما يتسمّى (يقصد ابن مصر)؟ ما تبقاش تشتكي بقى .. احنا مستحملينه علشان خاطركم.
موديست: مش عايزين نضيع وقت يا جماعة .. العملية باختصار زي ما قلت لكم هيا سرقة خزنة مدرسة الواد احمد ابني .. انتوا عارفين إنه بيدرس أي جي و إنه...
سكوب (مقاطعاً و فاغراً فاه): هه؟.. ايه الآى جى دى.. قبل الثانوية العامة ولا بعد الإعدادية
عصام (واثقاً): لأ دي مجموعات تقوية في الصيف
سي السيد: جتكم الهَم كلكم مش فاهمين حاجة .. دي بتاعة نحو الأمية
سكوب: آه آه خلاص فهمت .. يعني بتدي دبلون يا موديست ياخويا.. لأ حاجة تفرح صحيح يعني
ابن مصر: كلكم جهلة .. أدي اللي عايزهم ينفذوا معاك العملية .. اقول لكم أنا ايه هيا
دي إعدادي تجاري .. و تتميز بأنها نظام تعليمي مختلف تماماً .. يعني من الحضانة للجامعة على طول .. و بتدي شهادة أمين خزنة
موديست: بصُّوا .. اللي أنا فاهمُه إنها شهادة واخدة القرشينات اللي حيلتي و خلاص.. غير كده أبقى أجيب لكم الواد احمد يفهّمكم لإنه قعد يشرحها لي 55 مرة و برضه ما فهمتش حاجة.



يتبع (خطة ماتخرّش الميه).... Crying or Very sad
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:11 pm

إبن مصر
تاريخ المشاركة 31 March 2007 - 10:10 AM
وانا الى فاكر انى هاخش الاقيك نزلت بالحته التانيه...
انت هاتقضيها تحيات متخلص فى ليلتك.....
انا... كلمات فى العشا والهوا.......موديست لو القصه مخلصتش موقفك معايا هايبقى سييييييييييييء للغايه.......
ماشى اما نشوف أخرتها.!!!!!!!!!!!!!!!!!!!!!!




بس بجد... حلووووووووووووووووه قوى قوى قوى.....شوط ولا يهمك..
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:12 pm

Folana
تاريخ المشاركة 31 March 2007 - 01:53 PM
السلام عليكم ورحمة الله ...

ايه الخطة اللى تفتح الشهية دى.....حاجة كده بتفكرنى بحلم اعادة الاموال المتأممة والنبى يا سى الاوستاز موديست باشا باعتبارك العقل المدبر نونكن تضع فى الحسبان المرور بمدرسة كريمتنا الغالية
نزيلة عنبر الاى جى اكس واى زد ابوسترف اس؟...


أحسن الموضوع زاد عن حده جداااااااا


اوستاز موديست باشا ماتحاولش تفهم معنى الاى طاخ جى طريخ ابوسترف سجن....خلينا كده مش فاهمين....لعل الله يرحمنا ويدخلنا فسيح جناته...


فى استنتظار عودة الاموال الضالة من خزينة المدرسة...

كان معكم المعذبة والمفلسة

ولية امر طالبة بالاسمها ايه دى
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مغامرات عصابة "حساس"

مُساهمة  Scorpion في الخميس سبتمبر 25, 2014 12:13 pm

Modest
تاريخ المشاركة 02 April 2007 - 09:22 AM
.
اشعل موديست عُقب سيجارة يحتفظ به دائماً في جيب البنطلون لزوم المنظرة ثم بدأ في سرد الخطة و الجميع ينظر إليه

موديست: قرب انت و هو شوية علشان الرزق يحب الخفية .. قصدي علشان اليوم الاسود ينفع في القرش الأحمر .. قصدي علشان إن كبر ابنك خاويه.. أقصد يعني
عصام (مقاطعاً): قصدك علشان الحيطان ليها ودان
ينظر الجميع لعصام بإعجاب شديد لثقافته و لموديست بقرف
سكوب: خلّص يابني .. اللهم طوّلك ياروح
موديست: طيب .. حاضر .. هاختصر...يعني باختصار شديد .. بصّوا
سي السيد: يااااادي اليوم اللي مش فايت .. هو انت شايفنا بنتفرج على التليفزيون ياض؟!!!.. ماحنا باصّين لك أهو
موديست: انت واخد مني موقف يا سي السيد من ساعة ما جيت (و ينفجر في بكاء شديد)
ابن مصر: اسكت يا سي السيد دلوقتي .. هو واخدك حِجَّة و تلاقيه لا عنده خطة و لا نيلة .. إهدى يابني و كمّل في يومك اللي مش فايت
موديست: حاضر .. هاكمّل بس اسمعوني
سكوب: سمعت الرعد يا بعيد .. أنا أعصابي خلاص فلتت .. يا تنطق يا تغور من هنا يله
موديست: انت كمان واخد مني موقف يا سكوب؟؟
عصام: لأ يا موديست .. لأ يا حبيبي .. كمل يا ضنايا .. محدش يخضُّه يا جماعة.. محدش يخضه
موديست (متأثراً): حاضر .. بصوا .. الخزنة موجودة في مكتب الحسابات و مش بيكون موجود في المكتب غير واحدة ست اللي هيا المُحاسبة و ..
سكوب (و هو يعدِل القُصَّة "بضم القاف"): ست؟
موديست : أيوة يا سيدي .. لكن علشان نوصل للمكتب ده اللي هو موجودة في الإدارة لازم نمر الأول من بوابة المدرسة و بعدين الحوش و منه على ممر طويل مليان مكاتب و فصول و بعدين ندخل الإدارة في آخر الممر.
ابن مصر: أنا أقترح ننُط ندخل من شباك الإدارة مباشرةً توفيراً للوقت يعني.
سكوب: آه .. علشان يمسكونا و الموضوع يبوظ من أوله .. اخرس خالص
ابن مصر: حاضر .. أنا كنت باحاول افيدكم بخبرتي.. انتوا حُرِّين
موديست: دلوقتي مع الخطوط العامة للخطة.. لازم يكون فيه سبب لدخولنا كلنا المدرسة في وقت واحد
أنا هاعمل إني رايح أدفع المصاريف ..لكن قبل كده عايزين نتصرف في كام هِدمَة حلوة علشان يكون علينا القيمة و احنا داخلين المدرسة.. آه أنا عايز اشرّف الواد ابني ..لازم يعرف إن أبوه شغال مع عصابة محترمة مش أي كلام
المكوجي اللي على ناصية حارتكم يا سي السيد بيقبل ميزة كارد؟ .. اقصد بيزا كارد .. قصدي ليزا كارد .. يعني...
عصام (مقاطعاً): قصدك فيزا كارد
ينظر الجميع لعصام بإعجاب شديد لثقافته و لموديست بقرف
سي السيد: هه؟ و عايز فيزا ليه يله؟ فيزا لأنهو بلد بالضبط ؟ ناوي تهرب على فين بعد العملية؟
موديست: حد جاب سيرة هروب دلوقتي؟ أنا أصلي اتحصّلت من الواد ابن اختي على كارت صغير كده اسمه اللي قال عليه عصام ده، لقاه واقع في محطة مترو الانفاق.. بيقول لك سرُّه باتع و مش ضروري يكون معاك فلوس لإنك ممكن تدفع بيه في أيوتها حته من غير ما ياخدوا منك فلوس.
ابن مصر: أنا سمعت عن الهباب ده بس بيقولوا إنك في آخر الشهر تدفع للبنك كل اللي صرفته بالكارت.. هاتدفع منين يا فالح؟
موديست: لأ أنا سمعت بس لغاية إنك تصرف بيه و بعدها نِمت.. و بعدين يا سيدي لما يبقى ييجي آخر الشهر هاتكون حالتنا فُللي .. ده أنا بافكر أشتري البنك نفسه.
سي السيد: حيث الحكاية كده و كارت و مفيش فلوس.. لأ يا سيدي مش بيقبل... و أنا اصلاً باخاف اعدّي من قدامه علشان ما اديتوش حق إيجار البنطلون اللي عليّا.
موديست: طيب يبقى سكوب يلهف قرشين من حصالة جونيور و يأجر لنا كام بدلة على مقاسنا.. 4 بدل آخر شياكة و الخامسة بدلة سواق لابن مصر و ماتنساش البرنيطة و الفوطة الصفرا.
ابن مصر: سواق؟
موديست: آه و هاتجيب امتثال معاك.. أمّال يعني عصابة محترمة هاتروح متشعبطة في أوتوبيس؟ ماتنساش إنك بعد العملية هاتعمل عَمرَة لامتثال من نصيبك في اليغمة و ها ترجعها عروسة
ابن مصر: أما لو حصل ياض يا موديست .. هاركّب لها 4 فِرَد كاوشت نص عُمر و أخليها عروسة صحيح يعني.
موديست: طيب نرجع للخطة:


يتبع... Razz
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 5 من اصل 7 الصفحة السابقة  1, 2, 3, 4, 5, 6, 7  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى