600 جنيه خلو رجل

اذهب الى الأسفل

600 جنيه خلو رجل

مُساهمة  Scorpion في الخميس سبتمبر 25, 2014 8:41 pm


تاريخ المشاركة 13 July 2008 - 06:51 PM
هناك موضوع أود أن اناقشه معكم ... و مدخلي اليه سيكون هذا المبلغ الذي وضعته كعنوان (مؤقت).... فحتي أكون محايدآ أريد أن أعرف ...

مبلغ 900 جنيه سنة 1971/ 1972 كم يساوي الآن سنة 2008 ؟؟
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:42 pm

bentmasria
تاريخ المشاركة 13 July 2008 - 08:07 PM
يا مواضيعك يا سكوب أقولك انا عربية ابويا الله يرحمه الباسات ال 2000 سى سى موديل 72 كان تمنها ال 900 جنيه اللى بتحكى عليهم زيرو ودلوقتى الباسات ال 1600 سىسى واللى مافيهاش ربع الصاج اللى فات وموش المانى تمنها 225000 جنيه وموش بكل الكماليات وبحسبة بسيطة يبقى 250 ضعف بس ده لو حسبنا بالقيمة الشرائية وحسبتى على ادى بس رسالتك وصلت لان المرسيدس ام 750000 كان تمنها وقتها 2500 جنيه مصرى ولما غليت سنة 82 بقت تخيل بعشرة الاف جنيه بحالهم تقريبا تلت ثمن عمارة فى شارع شريف ايامهاشفت بقى بقينا فين
البنت المصرية
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:42 pm

MZohairy
تاريخ المشاركة 13 July 2008 - 09:53 PM
كان عندنا شغاله مقيمه سنة 72 بتاخد 3 جنيه في الشهر
متهيألي حاليا مش حتاخد اقل من 900
يعني 300 ضعف
يعني ال 900 دلوقتي كأنهم 27000 جنيه تقريبا

و لو عايز الصح شوف سعر الدهب وقتها و اعمل مقارنه
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:43 pm


بس يا زهيري يا حبيبي 300 ضعف يعملوا 270.000 جنيه .. مش 27.000 .. أعتقد ان فيه صفر طار منك ....

عالعموم تحليلك وصل بالمتوسط الي 300 ضعف
و العزيزة البنت المصرية متوسط تحليلها كان تقريبآ 250 ضعف

و لو أخدنا متوسط تحليلكم انتم الأتنين يديني 275 ضعف ...

نقدر نشتغل علي المتوسط ده و الا فيه حد من الأخوة الزملاء له رأي آخر ....
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:43 pm

أبو محمد
تاريخ المشاركة 13 July 2008 - 10:53 PM
Scorpion, on Jul 13 2008, 06:51 PM, said:
هناك موضوع أود أن اناقشه معكم ... و مدخلي اليه سيكون هذا المبلغ الذي وضعته كعنوان (مؤقت).... فحتي أكون محايدآ أريد أن أعرف ...

مبلغ 900 جنيه سنة 1971/ 1972 كم يساوي الآن سنة 2008 ؟؟

كان جرام الدهب عيار 21 فى الوقت ده بحوالى جنيه واحد ... وزى انت ما تعبتنى بموضوعك ده ... حسيبك تتعب وتجيب سعره اليومين دول وتقول لى مرتب الحكومة للخريج الجديد أيامها واللى كان 20 جنيه يساوى كام دلوقت :closedeyes::sad:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:44 pm

تاريخ المشاركة 13 July 2008 - 11:05 PM
بعد بحث سريع يا ابو محمد لقيت ان متوسط سعر الجرام للدهب عيار 21 ... 140 جنيه
و بناء عليه متوسط الزيادة يكون 140 ضعف

:closedeyes:
بس ده فرق كبير بينه و بين المتوسط اللي وصلناله من شوية .. تقريبآ الدوبل .... معقول مافيش طريقة رياضية سليمة تخلينا نقدر نحسبها صح ....

يا محاسبين المحاورات و بانكيراهاتها ... ما تدلدلوا جردلكم في الموضوع ده ...
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:44 pm

Simba
تاريخ المشاركة 13 July 2008 - 11:31 PM
شوف يا سيدي
انا ابويا في السبيعينات اشتري ارض بيتنا المتر بجنيه وربع واشتري في نفس الشارع ارض لية انا واخويا بنفس التمن وقال لما نكبر كل واحد يبنيها بس اول ما جاله في المتر تلاتة جنيه هاص وزقطط وباعها وبني لنا شقتين في البيت
ليت الزمان يعود يوما
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:45 pm

حسام يوسف
تاريخ المشاركة 13 July 2008 - 11:45 PM
بحييك يا سكوب ع الموضوع
ولونة هيرفع الضغط برضة
انابحب اعمل حاجة عشان اعرف الفلوس دى تعمل اية دلوقتى
اقارنة بسعر الدهب وقتها
وتفضل الفاضل ابو محمد وقالها قبلى
والحاجة التانية
اللحمة
بس شوف بقى سعرها كان كام
انا مواليد 74مش هعرف افيدكم
احسبهالنا وقول
لأنى حاسس انها هتدى رقم مهول
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:45 pm

Alshiekh
تاريخ المشاركة 14 July 2008 - 06:12 AM
متوسط سعر الذهب كان 90 قرش ، ( 87 قرشا أو 78 قرشا ، الارقام مش مجمعة كويس ! ) وحاليا 14000 قرش يبقى حوالى 160 ضعفا ،

طيب ليه النسبة لم تظهر بنفس المعدل ؟ لان سنة 1971 الرزاز اللى اخترع ضريبة المبيعات ماكانش اشتغل وزير بعد ، كان لسه غفير ، فلو خصمنا ضريبة المبيعات من الفرق الحالى سنجد انها تقريبا الـ 160% لأن ضريبة المبيعات والتى تقع عليها الزيادة الرهيبة فى اسعار المستورد لانها تفرض على السعر الكلى بعد اضافة الجمارك

والسؤال المهم ، هل يمكن تطبيق هذه النسبة على كل السلع؟

أشك انها تصلح حتى على المواد الغذائية الرخيصة كالفول والطعمية مثلا.
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:46 pm

somayasaleh
تاريخ المشاركة 14 July 2008 - 10:14 AM
في الوقت ده انا كنت صغيرة

بس افتكر لما والدي اشتري ارض مدينة نصر وكانت صحراء جرداء والعائلة كلها ضحكت علينا

الارض الناصية اللي بعد رابعة العدويه يعني في مكان رائع وعلي ناصيتين :closedeyes:

كانت 500 متر ودفع فيها 1500 حنيه كاش؟

وبعها سنة 1988 بمائه وتلاتين الف 130000L.E

احسبوا انتوا بقه؟؟؟؟؟ :roseop: :roseop: wst::
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:47 pm

أسد
تاريخ المشاركة 14 July 2008 - 10:20 AM
في عام 1972 تقريباً .. سمعت والدي وصديقه يتحدثان أثناء زيارتنا لصديق والدي والذي بنى عمارة حديثً عبارة عن خمسة طوابق وبها عشرون شقة .. وكان يحكي لوالدي أن تلك العمارة كلفته 10000 جنيه .. عشرة آلاف جنيه .. مش عارف ده بما فيه سعر الأرض أم المباني فقط ..
ولكن على أية حال ..

يعني 900 جنيه يبنوا لك شقتين مساحة 100 متر على الأقل .. للشقة الواحدة .. في هذا الوقت ..

يعني قول بأسعار اليومين دول .. 400.000 جنيه ..

صباح الفل
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:47 pm

طه بدر
تاريخ المشاركة 14 July 2008 - 11:15 AM
شوف يا سيدى
سنة 70 وحتى 73 كان الجنيه المصرى بيجيب 5 ريال سعودى يعنى 900 جنيه كانوا يجيبوا 4500 ريال

الان الريال بحوالى جنيه ونصف _ تقريبا علشان نسهل الحساب_ يعنى 4500 فى 1.5 يعملوا 6750

واحسبها سعادتك بقى

فى مسرحية السكرتير الفنى لفواد المهندس قاله له نظيم شعرواى ان مرتبه سيكون 30 جنيه مصرى
فرد فواد المعندس بكل لهفة
انشاء الله سعودى ؟؟؟؟؟؟؟؟؟؟؟؟؟؟؟؟؟؟؟؟؟؟

دول ثلاثين جنيه
تحياتى
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:48 pm

ahmedarab
تاريخ المشاركة 14 July 2008 - 11:34 AM
موضوع جميل استاذ سكوربيون ..ولو انة على راى اخويا الدكتور حسام هايرفع الضغط برضة ...
من الواضح ان المشكلة مش في المقارنات .... المشكلة فى إختيار المقارنة السليمة ... لان بالشكل دة حضرتك هتلاقى زيادة فى القيمة تترواح من حوالى 7 أضعاف (بمقارنة سعر صرف الريال) ... وحتى 300 ضعف ؟؟؟؟
انا فى رايى المتواضع أعتقد ان افضل طريقة للمقارنة هى الخاصة بأسعار الدهب ...يعنى فى حدود 140 - 150 ضعف

عموما لو فية حد عندة طريقة اكيدة .... وأضمن من الدهب للمقارنة يا ريت يفيدنا بيها
تحياتى
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:49 pm

MZohairy
تاريخ المشاركة 14 July 2008 - 11:42 AM
الدهب اكثر الوسائل منطقيه

واعتقد اللحمه كمان ممكن تدي معيار

كانت بحوالي 40 قرش او اقل

دلوقتي ب 40 جنيه او اكثر
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:49 pm

مهيب
تاريخ المشاركة 14 July 2008 - 12:28 PM
ملاحظة بسيطة ..

سكورب العزيز حدد المبلغ بـ900 جنيه .. بالرغم من ان السؤال المنطقى الجنيه فى السبعينات بكام جنيه دلوقتى .. ايه يا سكوب؟؟ هو كان فى حد سالف منك المبلغ ده بالتحديد فى السبعينات .. و ضارب عليه لحد دلوقتى Very Happy ؟؟ على العموم احتمال برضه .. بالرغم انه واضح من كلام الأفاضل و حساباتهم ان لو كان معاك المبلغ ده فى السبعينات .. كان زمانك دلوقتى ملك الحديد مثلا و تبقى سكوربيون عز .. و لا كان زمان سكوربيون ساويرس .. حاجة كده يعنى :pasha: .

مهيب
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:50 pm

محمد عبدالعزيز
تاريخ المشاركة 14 July 2008 - 12:28 PM
أتفق مع الرأى القائل بأن الذهب أكثر الوسائل دقة للمقارنة.
المبانى والأراضى والسيارات والغذاء تصعب المقارنة بها نظراً لوجود عوامل كثيرة تحدد السعر غير القيمة الحقيقية للسلع.
على سبيل المثال, أسعار الأراضى الآن مبالغ فيها جداً, وكذلك المبانى, وأسباب ذلك كثيرة ومنها زيادة الطلب بشكل مبالغ فيه وزيادة الاتجاة للاستثمار فى العقارات وبالتأكيد السعر الحالى لا يمثل القيمة الحقيقية للأرض أو المبانى.
سبب آخر يدعم اتخاذ الذهب كمعيار وهو تحديد نصاب زكاة المال فى الإسلام بمقدار ثابت من الذهب وهو فى حدود 85 جرام من الذهب الخالص, والسبب فى ذلك هو أن الذهب الأقرب إلى الثبات من غيره.
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:50 pm

حسام يوسف
تاريخ المشاركة 14 July 2008 - 01:33 PM
الف شكر يا عم زهيرى على معلومة اللحمة
التى اراها المقياس الاقرب لمدى تناسب الاجور والاسعار
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:52 pm

تاريخ المشاركة 14 July 2008 - 01:35 PM
أشكر الجميع بالفعل علي ردودهم ... و تعديل واجب بعد أن صحح لي الوالد المعلومة .. المبلغ كان 600 جنيه فقط و ليس 900 ....

حسنآ .. حتي لا ندخل في متاهات و يطول الموضوع دون أن أبدي سببه الرئيسي ... فمن الواضح انه من الصعوبة تحديد نسبة دقيقة .. و لكن لأن الرد علي سؤالي هو اساس هذا الموضوع .. فسوف الجأ الي متوسط الأسعار التي تم طرحها حتي الآن ...

متوسط المجموعة الأولي ( لحزمة معينة من الأسعار تضم السلع المعمرة ) : 255 ضعف
متوسط المجموعة الثانية ( لحزمة أخري و تضم الذهب ) : 145 ضعف

و بأخذ متوسطهم يكون المتوسط النهائي حوالي 200 ضعف ( و هي نسبة ليست دقيقة 100 % ) و لكنها نوعآ ما هي الأقرب الي الواقع ..

الموضوع المطروح للنقاش سادتي الأفاضل يدور حول ايجارات الشقق القديمة ...

فلطالما قرأت (متعاطفآ) مع أصحاب عقارات .... أصحاب ملك .... يشتكون من تواضع العوائد في زمن تضاعفت فيه الأسعار 200 مرة مثلما توصلنا .... اضع نفسي مكان صاحب بيت به 10 شقق مثلآ و في نهاية الشهر يكون متوسط ما دخل جيبه 50 / 60 جنيه ...
و أشعر بالظلم ...

و في نفس الوقت اضع نفسي مكان مؤجر الشقة ....و سأجعل من أبي العزيز مثال حتي لا يكون الكلام بدون امثلة محددة ...

الوضع هكذا :

اوائل السبعينات
شقة واسعة ... (بِرحة) في حي شبرا
ايجار 7 جنيه

لُقطة يا ابو سكوب بدل الجحر اللي احنا عايشين فيه .. و العيال بتكبر ...
لكن ده طالب 600 جنيه خلو رجل
نبيع السيغة .. علي كام جمعية ... و شوية سلفيات ..و بابا حيساعدنا ... حندبرهم

و هذا ما حدث .... و مازال ابو سكوب بعد حوالي 35 سنة يدفع نفس السبع جنيهات اليتيمة كايجار ....

و لكن مع وضاعة هذا المبلغ يجب أن نقوم بحسبة صغيرة ..حتي نستطيع ان نصل الي ما كلفته فعلآ تلك الشقة :

600 جنيه خلو X ضعف 200 = 120.000 جنيه
84 جنيه ايجار سنوي منذ السبعينات و حتي الآن سيكون من الصعب بمكان تحديد قيمتهم التصاعدية و لكنها ستكون مبلغ كبير بالفعل في وقتنا هذا لن يقل بأي حال عن 60 / 70 الف جنيه

علي هذا الأساس لا أعتبر ان صاحب الشقة قد تعرض لظلم شديد في هذا الأمر .. فما وصله حتي الان يزيد عن سعر الشقة ذاتها لو كان قد قرر أن يبيعها تمليك ...
أعلم أن هناك أيضآ أصحاب الضمير .. و هم قلة ... من لم يأخذوا خلو الرجل هذا في البدء .. و هم المظلومين في رايي ... و لكن المثال الذي طرحته هو الغالبية و هو الذي يدور حوله مناقشة هذا الأمر ....

بالطبع طرحي السابق و لأنه غير دقيق في حساباته قد يكون خاطيء الي حد كبير .. لذا طرحته للنقاش لتبادل الأراء ..
اشكركم لسعة صدركم .. و أستأذنكم في تغيير عنوان الموضوع ليعبر عن فكرته الحالية ....
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:53 pm

أبو محمد
تاريخ المشاركة 14 July 2008 - 01:38 PM
إتوكل على الله يا سكوب وقارن بأسعار الدهب .. فهو مادة بسيطة .. درجة التصنيع والتطوير فيها تكاد تكون منعدمة .. حتى موضوع دخول أنف الرزاز فى تحديد سعره له علاقة قوية بحالة الاقتصاد وهى المؤثر الأكبر فى تحديد القيمة ...

الأرض سعرها صحيح مرتبط بحالة الاقتصاد وقيمة العملة ولكنه مرتبط ايضا بعمليات التطوير فى موقع الأرض وتسقيعها .. بمعنى أنه لو تم شق طريق رئيسى إلى جوارها فده بيرفع سعرها بشكل كبير .. ولو اتبنت جنبها مرافق وخدمات سعرها برضه بيرتفع .. حتى لو اتبنى جنبها سوبر ماركت سعرها بيتأثر

السيارات برضه بيدخل فى تحديد سعرها أشياء كثيرة أخرى غير قيمة العملة زى تطور التصاميم وإضافات الرفاهية من تكييف ووسائل أمان وأشياء أوتوماتيكية لم تكن معروفة من 40 سنة

وبدون تريقة .. اللحمة والفراخ هى تانى أفضل معيار وبالهنا والشفا .. ومتنساش قهوتنا :pasha:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:54 pm

أبو محمد

كلامك معقول يا سكوب بالنسبة للى دفعوا خلو رجل .. ده بدأ يحصل عند اشتداد الأزمة بسبب قوانين الإسكان الجاهلية

ولكن فاتك أن تحسب مبلغ بيت إشتراه صاحبه فى الأربعينات أو التلاتينات بخمسة آلاف جنيه .. الأيام دى يا سكوب لما كنت تروح تشترى حاجة بجنيه .. لو أعطيت للبائع جنيه دهب كان يقولك لسه ناقض خمسة تعريفة .. لأن الجنيه الدهب كان سعره 97 قرش ونصف .. البيت ده بقى صاحبه بدأ يلم إيجاره وكان حوالى 70 جنيه فى الشهر .. جت القوانين الجاهلية وخلت الإيحار أقل من أربعين جنيه .. ومن يومها والشقق بيتوارثها المستأجرين حفيدا عن أب عن جد .. وبياخدوا الخلوات بينهم وبين بعض وورثة المالك الأصلى فى الطراوة .. ده غير إن الأربعين جنيه كان بياخدهم المالك الأصلى أصبحوا بيتوزعوا على أحفاده

قلبى مع سكوب ومع عمى أبو سكوب .. بس قلبك انت فين من ورثة المالك الأصلى اللى دفع كل ما يملك لشراء بيت يتركه لأبنائه وأحفاده ؟ ...

على فكرة البيت ده لو سكانه طلعوا منه وورثة المالك الأصلى باعوه يجيب لهم حوالى 8 مليون جنيه ... وكل ما ييجى مشترى للبيت بتطلع حسبته إنه حيدفع للسكان والمحلات حوالى 6 مليون جنيه .. والرقم ده بعد ما يفاصل السكان فى المبلغ اللى طالبينه عشان يتنازلو عن عقد الإيحار ... يعنى سكن تلات أجيال + 6 مليون جنيه ..
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:55 pm

Alshiekh
تاريخ المشاركة 14 July 2008 - 06:48 PM
طيب ياسكوب ياخويا مش كنت تقول كده من الصبح ، بدل ماكنا نجيب اللحمة على العربيات على الرزاز ونخلطهم مع بعض ونقارنهم بالذهب.

كما تفضل اخونا ابو محمد ، فى حالة دفع خلو رجل ( بكسر الراء ) فالمقارنة لاتصح ولاتصلح ، حيث ان خلو الرجل باطل ( زى جواز عتريس من فؤادة ) ولأننى كنت ممن دفع خلو رجل ، فقد كنت اعتبر نفسى شريك فى الملك وماادفعه من ايجار هو فقط من قبيل المشاركة فى الصيانة او العوايد ، لان تقريبا ماكان يدفع كخلو رجل يماثل القيمة الحقيقية لثمن الشقة.

أما من أجروا شقق بيوتهم بدون خلو رجل كما كان متبعا قبل قوانين تخفيض الايجارات وتثبيتها وتوريثها لكل من يريد الساكن ان يهبها له فموضوع خارج عن موضوعنا بتاع الــ 600 جنيه.
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:56 pm

Scorpion
تاريخ المشاركة 20 September 2009 - 11:18 PM
عودة الي هذا الموضوع مرة أخري .. و الذي جد عليه جديد تحول فيها من موضوع ذو بعد اقتصادي حاولت ان اناقش فيه وضع عام ... الي شأن شخصي لم أفكر فيه أبدآ من قبل .. و لم أجد غيركم كي أسأله المشورة ..

في نقاط ...
الشقة كما تم شرحه سابقآ ايجار قديم ( اوائل السبعينيات )
أنتقل الوالد الحبيب الي رحمة خالقه ....
ايصال الإيجار الذي تدفعه الوالدة الآن ( متعها الله بالصحة ) أصبح بأسم "ورثة فولان الفولاني"
أصحاب البيت نفسهم ورثة متصارعين و المسئول عنه حارس قضائي


الجانب الشخصي :
هذا المنزل بالنسبة لي هو رصيدي الحي من الذكريات ... هو غطائي .... هو ابي و أمي
و لا أستطيع ان أتخيل انه يومآ ما لن يكون باستطاعتي لا أنا و لا أخوتي ( الموجودين بالغربة هم أيضآ ) ان ندخله

لذا و بعيدآ عن الحقوق القانونية و الدخول في سكك المحاميين و البيروقراطية التي أكرهها بشدة .. عملت عملية "جس نبض" مع أحد الورثة لتغيير العقد بأسمي .. و كان الطلب 50.000 جنيه .. و ايجار شهري 100
و العقد اعتقد انه سيكون شيئآ اسمه عقد انتفاع لمدة 99 سنة ( حاجة كده زي قناة السويس )

الآن و لعدم خبرتي و معرفتي اطلاقآ بمسائل مماثلة ...

هل هذا من الممكن ان يكون عقد سليم .. و الثمن عادل ؟؟

هناك من أخبرني ان الشقة بحكم القانون من حق ورثة الجيل الأول فقط .. لذا من حقي بعد عمر طويل ان تستمر في حوزتنا مع دفع الأيجار بصفة مستمرة و في تلك الحالة لا أحتاج لأبرام عقد جديد..

هل هناك من مر بتجربة مماثلة ... او من يستطيع ان يشور علي بالأسلوب الصحيح في حالة مماثلة ...

و أشكركم بالفعل مقدمآ علي أي اهتمام تولونه لهذا الطلب .... و لكن يشفع لي أنكم العائلة التي أنتمي لها ...
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:58 pm

doha
تاريخ المشاركة 21 September 2009 - 10:27 AM
اول ماقرأت سؤالك في البداية ولاني مكنتش انولدت لسه في التاريخ الي حضرتك سالت عليه فاول ماتبادر الى ذهني لمعرفة فرق السعر كان ايجارات العقارات .. اخذنا في الكلية زمان بأن الايجارات تعرضت لنقلة كبيرة جدا بعد 73 بحيث زادت العشر اضعاف مرة وحده نتيجه مايطلق عليه ( الانفتاح ). قبل التاريخ ده كانت الاسعار جنيهين وثلاثه للشقق المتوسطة وبعده بدأت في التزايد لغايه ماوصلت الشقة الي كانت وقتها تساوي 4 او 5 جنيهات النهرده بـ 500 او 600 على اقل تقدير ..


قرأت مداخلتك التانيه والخاصة بموضوع الشقق القانون القديم ولي ملحوظه صغيره ..

عشان تكون حسبتك صح فاحسب مادفعه الوالد رحمه الله كخلو رجل فقط لكن لا تحسب الايجار لانه انتفع به فعلا .. يعني هو طول السنوات الي فاتت كان بيدفع ايجار مقابل سكنه في الشقة وبالتالي فمينفعش انك تحاسب المالك على هذا الايجار او تقول ان حقه وصله كأنه باع الشقة لانه اخذه كأيجار مش تمن بيع بالتقسيط .. يعني لو قلت شوف المبلغ ده من وقتها يساوي كام والنهرده يساوي كام مينفعش لان الشقة كانت في حيازتكم طول الفترة دي وبالتالي مهما كان الايجار يساوي وقتها فانتم اخذتم منفعه مقابله وفي نفس السنة يعني لو بتدفعوا جنيه ايجار او حتى مليون فده مينحسبش بتاريخ النهرده لانكم انتفعتم بشقة تساوي الايجار ده سواء قل او كثر ..

عاوز تحسبها بطريقة اكثر دقة فقسم الخلو الي اندفع على السنوات الي قضيتوها في الشقة واعتبروه من ضمن الايجار .. يعني مثلا اجرت شقة بالف وميتين جنيه خلو رجل وخمسين جنيه كل شهر لمده عشر سنين فهنقسم الالف وميتين دي على العشر سنين فترة استئجار الشقة يبقى مية وعشرين جنيه كل سنة بواقع عشرة جنيه كل شهر .. اذا الايجار الفعلي للشقة في الحالة دي ستين جنيه شهريا مش خمسين وقيس على ذلك ..


احسبها كده وانت تعرف هل صاحب البيت ظالم ولا مظلوم في الحكاية ..


بالنسبة لاستفسارك الاخير انا مش ملمه بملابسات الموضوع اوي بس انا شيفاه عرض مغري ليك لدرجه تخليني اشك ان صاحب البيت عارف حاجه انتم مش عارفينها او انا معرفهاش لان المبلغ الي طالبه متواضع مكانش هيطلبه الا لو هو فاقد الامل نهائيا في استعادة الشقة او العكس انه متوقع ياخذها قريب بطريقة ما فبيعظم مكسبه بالعرض ده .. انا مش عارفه كل التفاصيل فمقدرش اؤكد رايي ده بس اجمالا هو مااميل للاعتقاد بيه ..


على كل حال هقولك معلوماتي المتواضعه بخصوص موضوع الشقق ده ..

على حد علمي القانون بيسمح بتوارث عقد الايجار لمرة واحده فقط .. يعني فلان لو مات ابنه او زوجته او احد احفاده بيورثوا العقد وفي حالة وفاة وارث العقد مينفعش يتجدد لحد جديد.

شرط عشان العقد يورث ان الشخص الي هيورثه يكون عايش في الشقة دي قبل وفاة المالك لمده سنة على الاقل .

الطبيعي ان عقد الايجار بيتحول باسم واحد من الورثة بس مش عارفه ايه الوضع القانوني لما يكون العقد ( مشاع ) بين الورثة وبعضهم ..

عقد ( حق الانتفاع ) الي المالك عارضه عليكم ده لايشمل فيما لو لاقدرا لله انهار البيت او صدر له قرار ازالة .. في الحالة دي لازم تتأكد من العمر الافتراضي للبيت قبل ماتمضي العقد لان لو لاقدر الله كان في عيوب هندسية او ماشابه هيكون من حق المالك يهدمه وفي الحالة دي السكان ملهمش حاجه حتى لو معاهم عقود ايجارية طويلة المدى ..

سمعت بس مش متأكده من المعلومه دي ان القانون القديم الي بيسمح بتوريث عقد الايجار الغي للمستأجرين ( الي هيموتوا ) بعد تاريخ معين مش متاكده بالظبط .. يعني مثلا لو قلنا انه مطبق لحالات انتقال الملكية قبل 2000 فحاليا لو حد مات ملكية العقد لا تنتقل لورثته بغض النظر عن تاريخ الايجار للعقد الاصلي .. الحكايه دي سمعتها في نقاش مابين اشخاص عندهم بيت فيه مستأجر وكانوا هم الملاك بس مش متاكده منها لكن الي عرفته فيما بعد ان الساكن وافق على الخروج من البيت بدون اي تعويضات تقريبا موقفه كان ضعيف لان العقد منتقل له من الساكن الاصلي الي مات يعني مينفعش يورثه للمرة الثانيه .. معرفش بقى هو تنازل بدون مقابل عشان كده ولا عشان القانون الي سمعته ده ومش متأكده منه ..

برضه معروف ان الشخص لو مالك عقار تاني مش من حقه ياخذ شقة ايجار قديم .. بمعنى لو العقد انتقل لاسم احد الورثة ثم اثبت المالك بطريقة او باخرى ان الوارث ده له شقة تمليك في مكان تاني في نفس المدينة يبقى العقد في الحالة دي لاغي والشقة من حق المالك ..

على كل حال انت لو الموضوع يهمك وافق مبدئيا واطلب منه عقد عشان تدرسه ووريه لمحامي يكون مختص في توثيق العقارات وهو يطلع لك الثغرات الي فيه لان ممكن يكون في كلمه وحده في العقد تقلب الدنيا كلها وللاسف الي عايش في مصر بس هو الي يقدر ينتبه لمثل هذه الامور خاصه لو كان شخص قانوني .. المحامي هو الي يفيدك اكتر في الحكاية دي وهو برضه الي يقدر يقولك السعر العادل الي المفروض تدفعه في حالة زي دي ..
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 600 جنيه خلو رجل

مُساهمة  Scorpion في الخميس سبتمبر 25, 2014 8:59 pm

bentmasria
تاريخ المشاركة 21 September 2009 - 06:35 PM
انا حدخل فى الموضوع بشكل مختلف
سكوب انا زوج اختى واخد شقة بنفس النظام يعنى دفع مبلغ للورثة وبيدفع معاها ايجار حوالى 170 جنيه مع حق انتفاع 99 سنة مابيزيدش فيهم الايجار
العقد صحيح ومسجل والمحامى هو اللى عمله بنفسه وده نظام سارى فى شامبليون وشبرا ومعظم الاماكن اللى فيها العمارات القديمة والورثة بتوع اصحابها عاوزين اما الهدم او ايجارات أعلى علشان يستفيدوا من املاكهم بشكل ما
انا موش معاهم بس موش ضدهم كمان لانه فيه ناس لسه بتدفع 7 جنيه فى الشهر
واقتراحى تحاولوا تتفاوضوا معاهم حوالين المبلغ الكبير يعنى ده موش تمليك وتتكلموا على الاساس ده ده حق انتفاع ولمدة محددة لو عاوزين تبيعوا نشوف المتر بكام وممكن ينزلوا معاكم شوية
انا طبعا فاهمة ارتباطكم العاطفى بالمكان خاصة ده اللى اتربيتوا فيه طول عمركم بس سامحنى ما تخلوش دى نقطة الضعف او الضغط عليكم وربنا يديم البيت الكبير واصحابه يا اخى الكريم
كل سنة واحنا طيبين
اكلت كحك طاليانى ولا لسه
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى