أخي المسلم صباح الخير

صفحة 2 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 9:56 pm

ssmaly
تاريخ المشاركة 29 March 2010 - 05:32 PM
استاذ سكوربيون
مش عارف انت قرأت مداخلتى السابقة ولا لأ
عموما
كل عام وانت طيب وبصحة وعافية
كنت طلبت طلب صغير
انك تعطينا ملخص عن تواريخ الاعياد بدون تفصيل
وتجعل التفاصيل فى معياد العيد نفسه
اذا لم يستجاب الى طلبى مش حتفرج عليك فى التلفزيون يوم الخميس
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 9:56 pm

pink rose
تاريخ المشاركة 29 March 2010 - 09:54 PM
سنيور سكوربيون

سؤال تاني بس خايفة اكون باتقل عليك

التوراة نزلت على سيدنا موسى عليه السلام

و الانجيل نزل على المسيح عيسى بن مريم عليه السلام

ليه تم ضم الكتابين تحت مسمى (الكتاب المقدس) و انقسم الي العهد القديم و العهد الجديد
و امتى تم ضم الكتابين؟و هل في امر الهي بضمهم؟
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 9:57 pm

joo
تاريخ المشاركة 29 March 2010 - 10:01 PM
remo, on Mar 29 2010, 08:54 PM, said:
سنيور سكوربيون

سؤال تاني بس خايفة اكون باتقل عليك

التوراة نزلت على سيدنا موسى عليه السلام

و الانجيل نزل على السيد المسيح عليه السلام

ليه تم ضم الكتابين تحت مسمى (الكتاب المقدس) و انقسم الي العهد القديم و العهد الجديد
و امتى تم ضم الكتابين؟و هل في امر الهي بضمهم؟

السيد المسيح لما جاء قال ( جئت لكى اكمل لا لأنقد ) لذلك العهد الجديد مكمل للقديم

ثانيا العهد القديم به كثيرآ من التنبوءات بمجيء السيد المسيح
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 9:59 pm

تاريخ المشاركة 29 March 2010 - 10:38 PM
أهم الأعياد و المناسبات المسيحية


ssmaly, on Mar 29 2010, 04:32 PM, said:
استاذ سكوربيون
مش عارف انت قرأت مداخلتى السابقة ولا لأ
عموما
كل عام وانت طيب وبصحة وعافية
كنت طلبت طلب صغير
انك تعطينا ملخص عن تواريخ الاعياد بدون تفصيل
وتجعل التفاصيل فى معياد العيد نفسه
اذا لم يستجاب الى طلبى مش حتفرج عليك فى التلفزيون يوم الخميس

يا خبر ... انا آسف من عدم انتباهي لسؤال حضرتك يا استاذي الفاضل ...
أولآ .. و حضرتك طيب و بخير و سعادة و راحة بال ....

ثانيآ بالنسبة للأعياد ... الأعياد القبطية عندنا في مصر نوعان:

الأولي ما يطلق عليها " أعيادسيدية" وهى الخاصة بالسيد المسيح له المجد وهى بدورها تنقسم الي أعياد سيدية كبري ... وأعياد سيدية صغري

التانية هي " الأعياد الغير سيدية" وهى الخاصة بالسيدة العذراء والملائكة والرسل والشهداء و القديسين.


الأعياد أيضآ بها ما هو ذو تاريخ ثابت لا يتغير أبدآ و أهمهم :

عيد النيروز و هو عيد رأس السنة القبطية : 11 سبتمبر
رفاع صوم الميلاد : 24 نوفمبر
ابتداء صوم الميلاد ومدته 43 يوماً : 25 نوفمبر
دخول السيدة العذراء الهيكل : 12 ديسمبر
عيد الميلاد المجيد (عيد سيدي كبير ) : 7 يناير
عيد الغطاس المجيد : 19 يناير
نياحة السيدة العذراء مريم : 29 يناير
عيد البشارة المجيد : 7 أبريل
تذكار ميلاد البتول العذراء مريم : 9 مايو
دخول السيد المسيح أرض مصر : 1 يونيو
رفاع صوم السيدة العذراء : 6 أغسطس
أول صوم السيده العذراء (15 يوماً) : 7 أغسطس
عيد التجلي (عيد سيدي صغير ) : 19 اغسطس
صعود جسد السيدة العذراء : 22 أغسطس

أما الأعياد الغير ثابتة المواعيد فأهمها حسب السنة الحالية هي :

رفاع صوم يونان : 24 يناير
أول صوم يونان : 25 يناير
رفاع الصوم الكبير : 07 فبراير
أول الصوم الكبير : 08 فبراير
أحد الشعانين : 28 مارس
خميس العهد : 01 إبريل
الجمعة العظيمة :02 ابريل
سبت النور : 03 آبريل
عيد القيامة المجيد : 04 إبريل
أحد توما : 11 إبريل
عيد الصعود : 13 مايو
عيد العنصرة : 23 مايو
أول صوم الرسل (49 يوماً) : 24 مايو

أتمني أن أكون أجبت بصورة وافية عن سؤالك ...

تحياتي و احتراماتي الفائقة .
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 9:59 pm

تاريخ المشاركة 29 March 2010 - 10:47 PM
علي فكرة ... بعد ما كتبت المداخلة اللي فاتت جه في بالي حاجة مهمة ...
اشعر بالأضطهاد و اطالب بالمساواة في المعاملة :roseop:

زي ما بناخد اجازات في اعيادكم .. انا كمان عايز آخد اجازات مدفوعة في اعيادنا .....
bag):
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:00 pm

fatfouta
Scorpion, on Mar 29 2010, 10:47 PM, said:
علي فكرة ... بعد ما كتبت المداخلة اللي فاتت جه في بالي حاجة مهمة ...
اشعر بالأضطهاد و اطالب بالمساواة في المعاملة :roseop:

زي ما بناخد اجازات في اعيادكم .. انا كمان عايز آخد اجازات مدفوعة في اعيادنا .....
bag):

طب ماهو 7 يناير بقى اجازة رسمى يا سكوب يا خويا

ابقى انزل مصر عيد فيها وانت تاخدها اجازة
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:00 pm

pink rose
تاريخ المشاركة 29 March 2010 - 11:28 PM
joo, on Mar 29 2010, 11:01 PM, said:
remo, on Mar 29 2010, 08:54 PM, said:
سنيور سكوربيون

سؤال تاني بس خايفة اكون باتقل عليك

التوراة نزلت على سيدنا موسى عليه السلام

و الانجيل نزل على السيد المسيح عليه السلام

ليه تم ضم الكتابين تحت مسمى (الكتاب المقدس) و انقسم الي العهد القديم و العهد الجديد
و امتى تم ضم الكتابين؟و هل في امر الهي بضمهم؟

السيد المسيح لما جاء قال ( جئت لكى اكمل لا لأنقد ) لذلك العهد الجديد مكمل للقديم

ثانيا العهد القديم به كثيرآ من التنبوءات بمجيء السيد المسيح

ميرسي يا جو على ردك على السؤال الاول

طيب السؤال التاني ايه ظروفه معاك؟

و الله انا باسالكم عشان حسيت ان الموضوع دا فرصه اني افهم

انا اعز صديقة ليا مسيحية بس مش بسالها في اي حاجه خوفا انها تتضايق من كتر الاسئلة اللي عندي

فا ما صدقت سنيور كامل فتح الحوار دا و قولت اسالكم و اكيد هالاقي اجابات
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:01 pm

ssmaly
تاريخ المشاركة 29 March 2010 - 11:53 PM
شكرا عزيزى سكوربيون لردك الوافى وارجو الا اكون اثقلت عليك
ايه ياعم الأعياد دى كلها
احنا ياعينى مساكين عيد صغير وعيد كبير وبارك الله فيما رزق
وبعيد تيجى تقول فيه اضطهاد

Scorpion, on Mar 29 2010, 10:47 PM, said:
علي فكرة ... بعد ما كتبت المداخلة اللي فاتت جه في بالي حاجة مهمة ...
اشعر بالأضطهاد و اطالب بالمساواة في المعاملة :roseop:

زي ما بناخد اجازات في اعيادكم .. انا كمان عايز آخد اجازات مدفوعة في اعيادنا .....
bag):
مافيش مرة فى حياتى اخدت اجازة يوم واحد فى اى عيد لكم
معلش ناس ليها حظ وناس ليها ترتر

avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:02 pm

عنبو
تاريخ المشاركة 30 March 2010 - 12:12 AM
Scorpion, on Mar 29 2010, 09:47 PM, said:
علي فكرة ... بعد ما كتبت المداخلة اللي فاتت جه في بالي حاجة مهمة ...
اشعر بالأضطهاد و اطالب بالمساواة في المعاملة :roseop:

زي ما بناخد اجازات في اعيادكم .. انا كمان عايز آخد اجازات مدفوعة في اعيادنا .....
bag):

وانا من هنا باطالب الحاااااكومه بتنفيذ رغبة اخونا سكوب حفاظاً على جدار الوحده الوطنيه وحتى لا يشعر اخواننا المسحيين بالاضطهاد

وياريت نعمل جروب على الفيس بووك نطالب فيه بالكلام ده

وصدقونى ياجماعه ده هيبقى خير لينا كلنا زى السياحه بالظبط

بس ياريت القرار ده لا يُنفذ الا لما انزل مصر واتعين فى الحاااكومه علشان اقدر استفاد منه يعنى لان القطاع الخاص فى مصر

لا يعترف الا بعيد الفطر وعيد الاضحى فقط لا غير وحتى لو كان صاحب المال مسيحى تلاقيه بيقولك لا يجوز الاحتفال باعيادنا

وشكراً
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:03 pm

اريخ المشاركة 30 March 2010 - 12:44 AM
فكرة مبسطة عن الكتاب المقدس

remo, on Mar 29 2010, 10:28 PM, said:
joo, on Mar 29 2010, 11:01 PM, said:
remo, on Mar 29 2010, 08:54 PM, said:
سنيور سكوربيون

سؤال تاني بس خايفة اكون باتقل عليك

التوراة نزلت على سيدنا موسى عليه السلام

و الانجيل نزل على السيد المسيح عليه السلام

ليه تم ضم الكتابين تحت مسمى (الكتاب المقدس) و انقسم الي العهد القديم و العهد الجديد
و امتى تم ضم الكتابين؟و هل في امر الهي بضمهم؟

السيد المسيح لما جاء قال ( جئت لكى اكمل لا لأنقد ) لذلك العهد الجديد مكمل للقديم

ثانيا العهد القديم به كثيرآ من التنبوءات بمجيء السيد المسيح

ميرسي يا جو على ردك على السؤال الاول

طيب السؤال التاني ايه ظروفه معاك؟

و الله انا باسالكم عشان حسيت ان الموضوع دا فرصه اني افهم

انا اعز صديقة ليا مسيحية بس مش بسالها في اي حاجه خوفا انها تتضايق من كتر الاسئلة اللي عندي

فا ما صدقت سنيور كامل فتح الحوار دا و قولت اسالكم و اكيد هالاقي اجابات

الفاضلة remo

بالنسبة للجزء الأول من سؤالك فرد الفاضل joo يجيب بوضوح و بساطة شديدة عليه ... العهد الجديد هو تكملة للقديم و هذا ما قاله السيد المسيح نفسه ... بالنسبة لباقي سؤالك .. فأسمحي لي أن أحاول الرد واضعآ نصب عيني رأي أخوتي المسلمين حول كتابنا المقدس .. لذا كالعادة لن ندخل في التفاصيل ...

الكتاب المقدس عزيزتي بعهديه القديم والجديد يؤلف وحدة لا تتجزأ ولا تنفصل ... فالقديم أساس والجديد امتداد له وتكميل... و يعتقد المسيحيين انه لو فصلنا أحدهما عن الآخر لما اكتملت خطة الله للبشر ..... ومن يؤمن بالكتاب المقدس يؤمن به بعهديه معاً على أساس أنه كلمة الله الموحى بها التي لم ولن تتبدل لأن الله هو هو أمس واليوم وإلى الأبد.

تعاليم الكتاب المقدس متفقة فيما بينها تماماً .... ولها اتجاه واحد هو إعلان مقاصد الله للبشر....
حين نقرأ العهد القديم نفهم كيف خلق الله السماء والأرض وكل شيء.... كيف خلق آدم وحواء و أين وضعهما وكيف أخطئا .... ثم كيف أصبح نسلهما خاطئاً مثلهما.... وهنا يظهر وعد الله بخلاص الإنسان أي بإنقاذه من الورطة التي وقع فيها ومن نتائجها.... احداث و تنبوءات عديدة مثلما ذكر Joo محورها هو التحضير لمجيء السيد المسيح الذي هو المخلص بالنسبة للمسيحيين ..

من يقرأ توراة موسى ونظام الذبائح والرموز يدرك قصد الله من حيث نعمته إلى ذلك المخلص .... وهكذا فصل الله بين الوثنية واليهودية واختار شعباً يأتي منه المخلص لجميع الأمم.... وفعلاً جاء السيد المسيح من امرأة عذراء وكما تنبأ عنه الأنبياء في التوراة والزبور.
هنا كانت نهاية العهد القديم ...
أول من آمن بالمسيح عندما بدأ يبشر بالخلاص رجال بسطاء سمّيوا بعد ذلك تلاميذ.... و نظرآ لأنهم كانوا يرافقونه ويعملون بحسب تعليمه فقد أطلق عليهم اسمه ودعيوا مسيحيين.
وهؤلاء التلاميذ حملوا بشارة الخلاص ... حملوا رسالة الإنجيل إلى الأمم فيما بعد ... فالمسألة إذن ليست مسألة انفصال بين العهد القديم والعهد الجديد ... ولا بين يهودي ومسيحي.... الله لا يتبدل ورسالته لم تتبدل.... منذ القديم أعلن الله نفسه وكلم الناس بالأنبياء ... وفي ملء الزمان كلمنا بالمسيح يسوع... و هذا ما رواه كتبة الأنجيل الأربعة في العهد الجديد ....

هذا كان ملخص ( و ان كان يبدو مطول نوعآ ما للعلاقة بين العهد القديم و العهد الجديد ) أتمني ان يكون واضحآ قليلآ

الآن .. لماذ تسمية الأنجيل المقدس و الكتاب المقدس ... فبالرغم أن الإنجيل يشكل فقط القسم الأول من العهد الجديد ... فإن الاسم يطلق على كل الكتاب المقدس من باب تسمية الكل باسم الجزء ... وأيضاً لأن كلمة إنجيل أي "البشارة السارّة" تعبر بصدق عن حقيقة الكتاب المقدس.

ويتكون العهد الجديد من :
1. الإنجيل: بأقسامه أو أجزائه الأربعة: متى ومرقس ولوقا ويوحنا
2. التاريخ: ويشمل كتاب أعمال الرسل الذي يتحدث عن نشأة الكنيسة وانتشارها.
3. رسائل بولس الرسول: وعددها أربع عشرة رسالة.
4. الرسائل العامة: وعددها سبع رسائل.
5. سفر رؤيا يوحنا اللاهوتي.

وتعتبر مخطوطة قمران التي يرجع تاريخها إلى القرن الثاني قبل الميلاد من أقدم المخطوطات التي عثر عليها حتى الآن للعهد القديم، أما أقدم نسخة من العهد الجديد ... فهي أجزاء من الإنجيل بحسب البشير يوحنا التي يعود تاريخها إلى بداية القرن الميلادي الثاني ( حوالي سنة 110-سنة 115م ) وقد اكتشفت في نجع حمادي في مصر.

بالطبع لا يوجد أمر الهي بمعني آيات محددة تطلب بجمع العهد القديم الي العهد الجديد .... فلقد كان طبيعيآ متي انتهي الرسل من كتابة الأنجيل ان يصبح بالنسبة للمسيحيين استمرارية للعهد القديم و تكملة له ....

و هو عكس ما يعتقده اليهود ... و المسلمين ...
لكن هذا ليس بموضوع حوارنا ...

الآن ... هل أطمع من الجميع ان نؤجل الأسئلة الأخري الي ما بعد عيد القيامة .. فأمامنا اسبوع مليء بالمناسبات المسيحية التي سيتم عرضها تباعآ في هذا الموضوع مثلما تم ذكره في المداخلات التمهيدية .. و الان هو وقت الصوم الكبير و الذي سيكون محور التعريف القادم ...

كل الشكر .. بل كل المودة علي التشجيع الدافيء الذي يجده مسيحيي محاورات المصريين من أخوتهم في تلك المساحة ...

bag): :roseop: Laughing
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:03 pm

pink rose
تاريخ المشاركة 30 March 2010 - 01:07 AM
Quote
الآن ... هل أطمع من الجميع ان نؤجل الأسئلة الأخري الي ما بعد عيد القيامة .. فأمامنا اسبوع مليء بالمناسبات المسيحية التي سيتم عرضها تباعآ في هذا الموضوع مثلما تم ذكره في المداخلات التمهيدية .. و الان هو وقت الصوم الكبير و الذي سيكون محور التعريف القادم ...

يا فندم حضرتك تؤمر

بس خاليك عارف اني لسا ما سالتش اي حاجه Laughing

مش عاوزاك تتضايق مني :roseop:

لاني عندي كم هائل من الاسئلة

شكرا لادبك و ذوقك في الرد عليا bag): Laughing
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:04 pm

الدكتورة أم أحمد
تاريخ المشاركة 30 March 2010 - 09:00 AM
السلام عليكم ورحمة الله وبركاته
في أحد موضوعات هذا المنتدى من فترة ليست بالقصيرة علمت أن هدي الإسلام ليس للمسلمين فقط بل هو لكل الديانات .
وأعتقد أن غضب الفاضل محمود مصطفى يرجع لأنه يظن أن هذا المنتدى للمسلمين فقط
فهو كمن يرى أن نصراني ذهب إلى المسجد ليتكلم عن المسيحية
والحقيقة منذ أن علمت هذه المعلومة وانا أستغرب لماذا لا يتكلم النصارى عن دينهم في هذا المنتدى كما نفعل ؟؟؟
إلى أن جاء الأستاذ سكوربيون بهذا الموضوع
ولكني أيضا لاحظت عدم دخول كثير من النصارى في الموضوع ليدلوا بدلوهم فيه
فلم أرى حسب متابعتي سوى اثنين

تفضل
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:05 pm

اغابي
تاريخ المشاركة 30 March 2010 - 10:07 AM
فكرة عامة عن الصوم في المسيحية



اولا ارحب جدا بالعزيزة الدكتورة / ام احمد - نورتينا

اما انت يا ريمو اسالى - زى ما انت عاوزة - احنا تحت امرك
ومرحبا بيك اخى ssmaly - وشكرا لمحبيتك

اول حاجة انا حأجل اسرار الكنيسة السبعة دلوقتى وبما اننا فى الصوم الكبير نتكلم شوية عن الصوم :

اهمية الصوم فى حياتنا ؟
الصلاة والصوم لازمان للأنسان لنموه فى العشرة مع الله والأنتصار على الحروب الشريرة . .

ضرورة الصوم
يقول الكتاب المقدس
أرجعوا الىﱠ بكل قلوبكم وبالصوم والبكاء يؤ2: 12

تعريف الصوم :
الصوم هو انقطاع عن الطعام فترة من الوقت, يعقبها طعام خالى من الدسم الحيوانى. وفترة الأنقطاع لابد منها لأننا لو أكلنا من بدء اليوم بدون انقطاع لصرنا نباتيـين وليس صائمين. وتختلف فترة الأنقطاع من شخص لآخر, حسب صحتهم – حسب نوعية عملهم – حسب سنهم – حسب قامتهم ونموهم الروحى - هناك أيضا تدرج فى الأنقطاع .

لماذا نصوم؟ وما هو الهدف من الصوم؟

الصوم حالة يتجه فيها الانسان نحو الله, مقـللا من الروابط التى تربطه على الأرض بالعالم , وضابطا عناصر طبيعته نحو السماء, فيأخذ نعمة تساعده على نموه فى الطريق الروحى والأنتصار على شهوات الجسد, فالصوم ليس غاية ولكنه وسيلة. وهدف الصوم والنسك والزهد ليس الألم أو الحرمان بل تحرير النفس من قيود الحس والمادة والخطية. فالصوم الحقيقى هو التوبة والرجوع, والشبع بالله.

الصوم وصية الهية :
الصوم اقدم وصية عرفتها البشرية فقد كانت الوصية التى أعطاها الله لأبينا آدم وأمنا حواء, وهى ان لا يأكلا من شجرة معرفة الخير والشر (تك2: 16-17), وهكذا نحن بالصوم نختبر ذواتنا ورغبات جسدنا. ونحن نسمع عن الأنبياء فى العهد القديم عن اصوامهم, فداود النبى قال : "اذللت بالصوم نفسى" (مز35: 13) وأيضا "أبكيت بالصوم نفسى" (مز66: 10), وهكذا دانيال وحزقيال ... وغيرهم.

والسيد المسيح أيضا علم تلاميذه أن يصوموا فقال : "هذا الجنس لا يخرج بشىء الا بالصلاة والصوم" (مت17: 21) , (مر9: 29),
وأوصاهم : "حينما يرفع العريس عنهم حينئذ يصومون" (مت9: 15),
وهذا ما يحدثنا عنه الكتاب فى حياة التلاميذ والرسل, فبولس الرسول يقول : "فى اتعاب فى اسهار فى اصوام" (2كو6: 5),
"فى اصوام مرارا كثيرة" (2كو11: 27),
والرسل يقول عنهم الكتاب "وبينما هم يخدمون الرب ويصومون" (اع13: 2).

هل هناك وصية الهية فى الصوم بأكل الطعام النباتى ؟

+ (الطعام النباتى هو المعين من الله للانسان قبل السقوط. فالانسان كان نباتيا) :
"وقال الله انى قد اعطيتكم كل بقل ... وكل شجر ... يكون طعاما" (تك1: 29).

+ (لم يصرح للانسان بأكل اللحم الا بعد الطوفان) :
"كل دابة حية تكون لكم طعاما كالعشب الاخضر" (تك9: 1-4).

+ (بالرغم من ذلك كان الأكل النباتى هو طعام قديسيه) :
قال الله لحزقيال النبى "وخذ انت لنفسك قمحا وشعيرا وفولا وعدسا ... واصنعها لنفسك خبزا" (حز4: 9) –
وقيل عن دانيال ورفاقه "لم يدخل فى فمى لحم ولا خمر" (دا10: 3)
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:05 pm

jasmin hamed
تاريخ المشاركة 30 March 2010 - 10:44 AM
سؤالين بعد اذنكم

امتى صيام النجمه للنجمه ( اذا كنت بقولها صح و كام يوم تقريبا )

كان ليا واحده صحبتى ماجتش فرصه انى اسئلها بس كانت بتقول انها بتصوم على ميه مش زيت ؟ ( يعنى ايه مش فاهمه )

و اسفه على الازعاج
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:06 pm

MZohairy
تاريخ المشاركة 30 March 2010 - 11:22 AM
اعتبر هذا الموضوع نقله نوعية غير مسبوقه في سلوك اخواني المسيحيين

و احمد الله على ان مشاعري و معاملتي للمسيحي كالمسلم كاليهودي كالبهائي كالبوذي كالملحد..لا تتغير

اتعامل مع الجميع بصفتهم الانسانية و بحسن نيه الا اذا ظهر و ثبت العكس

اما موقفهم عند الله فأتركه لله

كمل يا سكوب
كملي يا اغابي
يا إخواني المسيحيين الشرفاء لكم مني ارق تحيه
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:06 pm

اغابي
تاريخ المشاركة 30 March 2010 - 02:16 PM
الوصايا التي تحدد مواعيد الصوم


شكرا ليك يا اخويا زوهير وفعلا انا معاك فى الراى
ما نقدرش نحكم على علاقة اى شخص بربنا دي فى الخفاء ولا يعلمها غير الله فاحص القلوب
ومانقدرش ادين اى شخص - و اقول انا احسن من فلان او انا حادخل الجنة و وهو ... لاء ----
لا تدينو لكى لا تدانو .

الاخت الفاضلة Jasmin Hamed

اشكرك على مداخلتك
وتحت امرك بس انا حابة اولا اكمل سؤال كنت انهيت بيه مداخلتى اللى فاتت
وبعدين اجوبك على سؤالك فاسمحى لى -


هل هناك وصية كتابية بتحديد مواعيد للصوم – فى العهد الجديد او العهد القديم ؟

* قيل فى العهد القديم :

"وكان الى كلام رب الجنود قائلا هكذا قال رب الجنود ان صوم الشهر الرابع وصوم الخامس وصوم السابع وصوم العاشر يكون لبيت يهوذا ابتهاجا وفرحا" (زك8: 17-19) – "ويكون لكم فريضة دهرية انكم فى الشهر السابع فى عاشر الشهر تذللون نفوسكم" (لا16: 29).
ايضا من أمثلة الصوم في العهد القديم:
صوم الشعب أيام استير (أس4).
صوم أهل نينوى (يونان 3)
صوم الشعب أيام عزرا، ونحميا ( نحميا 1-9 / عزرا 8- 21 )
الصوم أيام يوئيل ( 2:2 1 – 17 )

+ قيل فى العهد الجديد :

"اذ كان الصوم ايضا قد مضى جعل بولس ينذرهم" (اع27: 9).
صام الرب يسوع أربعين يوما وأربعين ليلة (أنجيل متى 2:4) صام عنا وقدم لنا مثالا لتتبع اثر خطواته. - وداه الصوم اللى احنا حاليا بنصومه وهو الصوم الكبير -
صام الرسل قبل القداسات (سفر اعمال الرسل 2:13).
صاموا أيضا عند اختيار الخدام ورسامتهم (أع3:13،27:14).
الصوم فى وقت الخطر خلال رحلة بولس الرسول لروما (أع 21:27).
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:07 pm

أبو محمد
تاريخ المشاركة 30 March 2010 - 02:29 PM
Scorpion, on Jan 12 2008, 04:36 PM, said:
أخي العزيز ابو محمد ... بل يجب ان نكمل جميعآ ... يجب ان نلتقط الخيط من حيث انتهي الآخرين و ليس من حيث بدأوا لندور مرة أخري في نفس الدائرة ...
دعني أوجه لك سؤال أستاذي الفاضل .. بل دعني أوجهه لجميع أخوتي المسلمين الذين يتابعون تلك السطور .. ماذا تعرفون عن الأقباط ؟
بمعني آخر ... اذا سألت ( سؤالي موجه للجميع ) أي قبطي في مصر عن الأسلام ستجده يعرف عنه الكثير ... يعرف عقائده .. عباداته ... طقوسه ... يقول لك كلامآ كثيرآ عن الصلاة و الصوم و الزكاة و الحج ... و يعرف بدقة الشيء الكثير عن العلماء المسلمين و آرائهم و أفكارهم و هذا شيء طبيعي للغاية ... فنحن نعيش في اجواء تمتليء برائحة الأسلام و الحديث عنه .. بل اننا نضبط ايقاع حياتنا علي ايقاع حياة المسلمين .. فكما تحددون مواعيد لقاءاتكم علي مواعيد الصلاة المختلفة فنحن نفعل المثل .. ( في حوزتي كارت تعريف لطبيب قبطي و في آخره مواعيد الزيارة مكتوب حرفيآ : من آذان الظهر الي آذان المغرب ) ... و لن يكن غريبآ أن تجد كثيرآ من الأقباط يرددون في كلامهم كلمات من صلب الثقافة الأسلامية ... فليس غريب أن تجد من يقولون مثلآ : " يا عم صلي عالنبي " دون أن يبدو في عيونهم دهشة أو في ألسنتهم سخرية ...
في مقابل ذلك لا يعرف المسلمون أي شيء عن الأقباط ... كيف نعيش ... ما هي عبادتنا و لا طقوسنا ... لا تعرفوا شيئآ عن صلاتنا أو أصوامنا الكثيرة و المتعددة و الطويلة ... لا تعرفوا شيئآ عن طقوس خطبتنا أو زواجنا ... لا تقرأوا شيئآ من كتبنا ... لا تعرفوا رجالنا الكبار اللهم الا بعض المسئولين في الكنيسة بحكم ظهورهم الأعلامي الضئيل ... يحدث ذلك كله و كأننا غير موجودين في مصر أو اننا لا نعيش بينكم.. نتنفس نفس الهواء و نتبع نفس العادات و التقاليد و نشكو من نفس الهموم و نعاني من نفس الآلام ...


أبو محمد, on Jan 12 2008, 08:27 PM, said:
أعترف أننى كنت أجهل الكثير عن الدين المسيحى ومذاهبه وطقوس المسيحيين فى الزواج وخلافه ... إلى أن وقعت فى موقف محرج لى ولزوجتى ..

لى صديق مسيحى من أيام الدراسة .. صديق .. وليس مجرد زميل .. تزاملنا أيام الدراسة ، وتخرجنا وفرّق بيننا التجنيد فى المواقع مع أننا كنا فى نفس السلاح .. والتقينا ثانية فى موقع واحد فى بورسعيد أثناء حرب أكتوبر .. وكنت قد تزوجت قبل الحرب بشهر واحد .. وخرجنا من الجيش بعد سنتين من الحرب ، وكان صعبان علىّ أنه لم يتزوج إلى ذلك الحين .. كانت تقطن فى الشقة المجاورة لنا أسرة مسيحية عندهم بنت متخرجة من الجامعة .. أخلاق عالية وجمال محتشم .. بعد أخذ رأى زوجتى .. وجسها لنبض جارتنا (الأم) .. رشحت البنت لصديقى ووصفت له حال الأسرة مع "هاى لايت" على الأخلاق العالية التى تمتعت بها تلك الأسرة .. وحددنا ميعاد للزيارة فاستعد الأب والأم والبنت لاستقبال العريس .. وجاء إلى منزلى فاصطحبته أنا وزوجتى إلى شقة جيراننا .. ويادوب قعدنا والبنت قدمت العصير .. ومفيش خمس دقايق ولقيت صاحبى بيستأذن فى الانصراف .. تركت زوجتى ونزلت معه وأنا فى غاية الدهشة لتصرفه .. وعندما سألته عن سبب انصرافه بهذا الشكل المحرج ... أجابنى بأنه فهم من صورة مار جرجس وهو يطعن التنين أنهما على مذهبين مختلفين ولايمكن إتمام الزواج .. ما لم أفهمه وانا قاعد زى الاطرش فى الزفة هو أنه أخبرهم عن اختلاف المذاهب بطريقة لبقة عندما أخبرهم "ردا على سؤال الأب :أين يقطن" بأنه يقطن بجوار الكنيسة الفلانية التى يحضر فيها القداس بانتظام .....

من يومها عرفت إن الأرثوذكسى لا يتزوج من الكاثوليك والعكس ...

فبدأت أسأل وأقرأ حتى عرفت أن كنيسة الإسكندرية الأرثوذكسية هى أعرق الكنائس (ربما فى العالم كله) .. وبالمناسبة فكلمة Orthodox مشتقة من الكلمة اليونانية Ortho ومعناها "الصحيح" أو "المستقيم" وكلمة Doxa ومعناها "الفكر" أو "العقيدة" ... حتى فى هذا نحن متشابهان يا عزيزى md2:

وللحديث بقية

يبقى نكمل هنا يا كامل إلى أن يخرج موضوع "ترميم جدار الوحدة الوطنية" من غرفة الإنعاش بعد الإصابات - المتعمدة - التى لحقت به Smile

صاحبى وصديقى ورفيق سلاحى اللى ورطنى انا وام محمد وخللى عرقى مرقى قدام الأستاذ "عياد" جارنا .. كان بيبقى صايم أيام الكلية بس كان بياكل سندوتشات فول وفلافل من بوفيه الكلية واحنا بناكل جبنة وحلاوة بالقشطة (وش محمد سعد فى اللى بالى بالك) .. وكنا بنضحك ونقول له صيام إيه ده اللى انت صايمه ؟ .. أكل وشرب وتدخين وآخر منجهة ... يومها شرح لى حكمة الصيام كما شرحتها أختنا "أغابى" .. وقال لى حاجة لسه فى بالى لحد دلوقت .. قال لى إن والده ووالدته بيصوموا "صيام مسلمين" .. والله قال لى كده : "صيام مسلمين" لحد الساعة 3 او 4 وبعدين يكملوا "صيام مسيحيين" .. شايف البساطة والعفوية فى التعبير ياسكوب ؟ ...

نيجى بقى لسؤال الحلقة .. إيه هو الصيام اللى بيبقى 55 يوم ؟
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:08 pm

تاريخ المشاركة 30 March 2010 - 03:07 PM
الصوم الكبير


أبو محمد, on Mar 30 2010, 02:29 PM, said:
نيجى بقى لسؤال الحلقة .. إيه هو الصيام اللى بيبقى 55 يوم ؟




استاذي الفاضل ابو محمد / اسمحلى اتكلم عن صوم ال55 يوم ..........

اولا : صوم ال55 يوم او كما يطلق عليه الصوم الكبير لأنه أطول أصوامنا أياما ولأنه يمتد إلى ثمانية أسابيع فهو اهم اصوامنا

س : لماذا يعتبر اهم اصوامنا ؟؟

السبب الأول:
هو أنه الصوم الذى صامه السيد المسيح و قدسه بنفسه، وهو الذى أسسه وبدأه، فصام أربعين نهارا و أربعين ليله.

السبب الثانى:
لأنه يبتهى بأعظم أعيادنا أهمية وهو عيد القيامة المجيد، فخر أعيادنا و أهمها، هو عيد الأعياد، عليه يقوم كل كيان المسيحيه .

لهذا فإن هذا الصوم له المكانة الأولى بين جميع الأصوام العامه المعروفة فى الكنيسة المسيحية .

س : لماذ 55 يوما وليس اربعين يوما ؟؟ ما سر اضافة اسبوعين للصوم الكبير ؟ ؟

ج:

1-الأسبوع الأول ويسمى بـــــــ مقدمة الصوم الكبير.

هذا الأسبوع أضافتة الكنيسة على الأربعين المقدسه التى صامها السيد المسيح .كبدايه
والسبب

+ لما كان صوم الأربعين المقدسة من أهم أصوامنا واقدسها، فقد أمرت الكنيسة أن يصام انقطاعيا إلى ساعة متأخرة ولا يفطرون إلا على القليل من الطعام الخالى من الدسم
*فإشفاقا منها على المؤمنين وضعت لهم هذا الأسبوع ليتدرج به الصائم فى فترة الانقطاع عن الطعام حتى لا يتعب ولا يحس بالارهاق إذا ما دخل فى الاربعين المقدسة بعد ذلك وصام فترة انقطاع طويلة. وفى هذا حكمة لصحة الروح والنفس والجسد.

2- الاسبوع الاخير او أسبوع الالام:
وهو الأسبوع الذي أضافتة الكنيسة على الأربعين المقدسه التى صامها السيد المسيح وهو :
صوم أسبوع الفصح و يبدأ بعد انتهاء صوم الاربعين المقدسة، أى بعد جمعة ختام الصوم وينتهى بعيد القيامة المجيد. والسبب تذكار الالام المسيح فوق الصليب .

ما المقصود بالصوم في المفهوم الأرثوذكسي؟!

هو الامتناع عن الطعام الحيواني طوال فترة الصوم، لضبط الجسد عن الشهوات
يمتنع عن الطعام والشراب إبتداء من منتصف الليل إلى ساعة متأخرة من النهار التالي، ثم تناول طعام نباتي(خالي من الدسم).

اهم التدريبات فى الصوم الكبير

1- تدرب على محبة الخطاة كمرضى في حاجة لعلاج لا عقاب.
2- تدرب على الصفح والسماح والرحمة لكل من يسئ إليك.
3- تدرب على الإختلاء للصلاة والقراءة الروحية.
4- تدرب على نقاوة القلب والفكر والحواس الخمس.
5- تدرب على عمل الخير للغير(للعدو والصديق).

صوم اللسان:-

هو الذي يوقع المرء فى 64 خطية، ويدفع بالنفس للهلاك.
+ راجع إصحاح 3 من رسالة القديس يعقوب الرسول.

دقق الان فى هذة الكلمات الإلهية عن اخطاء اللسان :

- الموت والحياة في يد اللسان (أم 19:21).
- بكلامك تتبرر، وبكلامك تدان (مت 12:27).
- من قال لأخية {ياأحمق} يكون مستوجب نار جهنم (مت 5:22 ).
- كلمة بطالة (لا نفع منها) يتكلم بها الناس، سوف يعطون عنها حسابا يوم الدين (مت 12:36).

داه محاولة لشرح مبسط للصوم الكبير ....
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:08 pm

MZohairy
تاريخ المشاركة 30 March 2010 - 03:08 PM
سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟


شكرا
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:09 pm

jasmin hamed
تاريخ المشاركة 30 March 2010 - 03:18 PM
أبو محمد, on Mar 30 2010, 02:29 PM, said:
صاحبى وصديقى ورفيق سلاحى اللى ورطنى انا وام محمد وخللى عرقى مرقى قدام الأستاذ "عياد" جارنا .. كان بيبقى صايم أيام الكلية بس كان بياكل سندوتشات فول وفلافل من بوفيه الكلية واحنا بناكل جبنة وحلاوة بالقشطة (وش محمد سعد فى اللى بالى بالك) .. وكنا بنضحك ونقول له صيام إيه ده اللى انت صايمه ؟ .. أكل وشرب وتدخين وآخر منجهة ... يومها شرح لى حكمة الصيام كما شرحتها أختنا "أغابى" .. وقال لى حاجة لسه فى بالى لحد دلوقت .. قال لى إن والده ووالدته بيصوموا "صيام مسلمين" .. والله قال لى كده : "صيام مسلمين" لحد الساعة 3 او 4 وبعدين يكملوا "صيام مسيحيين" .. شايف البساطة والعفوية فى التعبير ياسكوب ؟ ...

على فكره بمناسبة الصيام

كان لينا جاره الست ام وائل ذى اخت لامى مسيحيه و ست متشدده جدا صايمه طول السنه تقريبا و ابنها مش عايز يصوم ابد و تيجى تشتيكلنا منه

ابنها يجى يصرخ مش هصوم ده صيام المسلمين اسهل انا ماقدرش اعيش من غير لحمه المهم اترهنت معاه انوا مايقدرش على صيامنا

و اتفقنا كل واحد يصوم صيام التانى اسبوع وا نا مش عارفه اصوم اذاى

الصبح اكلمها ينفع اكل جبنه لا بيض لا طب كورن فلكس تقولى من غير لبن طب افطر ايه فول و طعميه

نجى على الغدا ممكن اكل خضار و رز لا امك عاملهم على شوربه فراخ ايه ده هو انا كمان مش هشرب شوربه

طب اتغدى ايه طعميه و فول

و العشا شرحه ماكملتش يومين الا و رحت اشوف اخونا وائل اخباره ايه اسئال الست ام وائل تقولى هو صايم عن الاكل انما بيشرب ميه


خيانه ........................

انا ماصدقت بصراحه نفسى اشرب شوربه


بجد صيامكم مش سهل ابدا
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:10 pm

joo
تاريخ المشاركة 30 March 2010 - 03:41 PM
الآخر في المسيحية


mzohairy, on Mar 30 2010, 02:08 PM, said:
سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟


شكرا

عزيزى مزهرى احنا كلنا بشر ربنا خلقنا على صورتة ومثالة وديننا علمنا الا نحكم على الغير انة هيدخل الجنة او النار لان ربنا هو العالم

بالقلوب وهو اللى بيحاسب

لذلك ليس لى الحق ان انتقد غيرى وادينة فيقول لنا اليسد المسيح ( يا ابنى قبل ان تخرج القذى اللذى فى عين اخيك اخرج الخشبة

التى فى عينك ) وهى تعنى اننا قبل ان نحاسب غيرنا يجب ان نحاسب انفسنا اولا

وقال ايضا السيد المسيح ( احبو ا اعدائكم 0 باركو لا عنيكم 0 احسنو الى مبغضيكم )
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:10 pm

اغابي
تاريخ المشاركة 30 March 2010 - 03:46 PM
mzohairy, on Mar 30 2010, 03:08 PM, said:
سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟


شكرا



استاذ زوهير

اسمحلى اجاوب الاخت jasmin الاول على سؤلها لانه من صلب الموضوع وله علاقة بصوم ال 55 يوم حاليا

ثانيا انا انبسطت بسؤالك لانه مهم بالنسبة لى شخصيا - وهما مجموعة اسئلة - انت سالت 3 - اسئلة - وانا حارد عليك

بس اهم حاجة ما نخرجش يره سياق الموضوع - لان فيه معلومات الكل يعرفها الاول عن الدين المسيحي - كدين - وبعدين يجي دور الاسئلة - اتفقنا

احنا كبداية وبما اننا فى الصوم المقدس يبقي نتكلم علشان تسلسل الافكار والاحداث نتكلم عن الصوم المقدس واسبوع الالام
ولنفس السبب انا اجلت الكلام عن اسرار الكنيسة



اختى الفاضلة / Jasmin Hamed

انا حاعمل مقدمة بسيطة حتفهمى منها ليه صحبتك المسيحية بتصوم على المية مش زيت

الصوم الكبير - قال عنه احد الاباء الرهبان هو - خزين السنة – المقصد روحانى طبعا

وحابسط المعنى - زمان عارفين ان اجدادنا كانو فى موسم حصاد القمح يخزنو القمح اللى يكفيهم سنة – وهنا الصوم من كثرة التدريبات الروحية اللى موجودة فيه وانه صوم طويل وصعب جدا بيبقي روحانياته خزين سنة كاملة . والتدريبات الجديدة اللى اتعلمتيها فيه ممكن تفضل معاكى وقت كبير فليكن كنت قبل الصوم بتشتمي او بتديني الناس او بتكذبي ... الخ .... واثناء الصوم اتدربتى انك ما تعمليش الصفات دى وتتغيري وفعلا بتاخدى قرار وربنا بيساعد الانسان لما يكون صادق - وبعد الصوم ما يخلص بتلاقى نفسك وقت كبير لغاية ما تلف السنة ويجي تاني الصوم الكبير السنة اللى بعدها وانت لسة محتفظة بالصفات الجديدة اللى اتدربتى عليها روحانيا او اى صفة دربتى نفسك عليها خلال الصوم وهنا اتغيرتي ومن هنا هو خزين السنة روحانيا .

فمن هنا كل واحد بيشوف اللى يناسبه فى تدرج الصوم وقدرته فمثلا فيه ناس زي صاحبتك بتصوم على الميه مش الزيت

بمعنى انها بتوصل للتقشف فى انها اى حاجة حتى لو مقلية بالزيت مش بتاكلها وكل اكلها سوتيه وبس مسلوق بالميه – بس دي قدرات مش اى حد يوصلها وانا كان عندي - تيتة الله يرحمها كانت ست كبيرة فى السن وكانت تصوم الصوم الكبير كله عادى كترتيب الكنيسة - لكن الاسبوع الاخير من الصوم وهو اسبوع الالام كانت تصوم على العيش والملح والدوقة يعنى بس تدق دقة سمسم وملح وعيش لاسبوع الالام - دي كلها درجات صوم وكل واحد ومقدرته والصوم وسيلة توصلنا للزهد واننا نوصل لدرجة نرفع فيها قلوبنا بعيد عن اى خطية فى العالم - او اننا نبطل خطية كنا مدمنين عليها قبل الصوم
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:11 pm

jasmin hamed
تاريخ المشاركة 30 March 2010 - 03:57 PM
شكرا اغابى . يعنى الصيام الكبير 55 يوم هو صيام النجمه لنجمه ؟ صح كده
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:12 pm

ozoozo
تاريخ المشاركة 30 March 2010 - 03:59 PM
mzohairy, on Mar 30 2010, 03:08 PM, said:
سؤال صغير

ما هي رؤيتكم و وجهة نظركم في الآخر؟ (الغير مسيحي)

سواء كان يعتنق ديانه سماويه او غير سماويه (حسب معتقدكم)

هل تعتقدون بدخوله النار في الحياة الآخرة ؟ و كيف اوصاكم دينكم بالتعامل معه في الدنيا؟


شكرا

ارجوك ابوس ايدك سيب الموضوع يكمل لغايه الاخر وبلاش تقفله من نوعيه الاسئله الصادمه بتاعه من انت؟

طبيعي كل فريق شايف التاني هايخش النار فبلاش اسئله محرجه
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أخي المسلم صباح الخير

مُساهمة  Scorpion في الخميس أكتوبر 02, 2014 10:12 pm

عنبو
تاريخ المشاركة 30 March 2010 - 04:18 PM
هل كل مسيحى لابد ان يكون راسم الصليب على يده ؟

واين يتم رسم الصليب ؟

وهل له سن معين للرسم يعنى

ولماذا تختلف اماكن رسم الصليب فى اليد ؟


ولما تختلف ايضاً اشكال الصليب ؟
avatar
Scorpion

المساهمات : 1712
تاريخ التسجيل : 30/09/2012
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 2 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى