رجالة في المطبخ

إرسال موضوع جديد   إرسال مساهمة في موضوع

صفحة 2 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:12 pm

Scorpion
تاريخ المشاركة 14 February 2008 - 11:23 PM
أحنا كمان حنتأّمَر .... مش كفاية داخلين تفليتة في موضوع رجالي بحت .... شوف يا اخي الفضول النسوي .. لأ و كمان عايزينا نقفله ... هو احنا لسه كتبنا حاجة .....
بلاش انتي يا قرنفلة هانم .. احنا محتاجين سعادتك في موضوع الكتاب ..

يا استاذ ايمن ...
اولآ سي السيد من حزب البراغيت زينا كده ... اللي فتح صدره و عزم الكل عالحاجات الأمبريالية الرأسمالية طحن دي بتاعت الكابوريا و السيفول و السنجاري فده الريس ابو محمد ... ربنا يسامحه بقي ....
و بمناسبة المكرونة و اللي عملتوه ... خلتني افتكر زمان ايام اسوان ... لما كنت حموت علي أكلة محشي ... و اتصلت بالوالدة ربنا يخليهالي دايمآ يا رب علشان اعرف طريقة الخلطة .. و بكل صبر شرحتلي الوصفة بالمقادير .. و حاجة غريبة فهمت كل حاجة من أول مرة ... و نزلت و استنضفتلي حتة كورومباية بنت حلال كده علي كل مكونات الخلطة .. و قبل ما اروح عديت علي العيال في الشركة اعزمهم اخيرآ علي اكلة من صنع ايديا...المهم علشان ما اطولش .. قول طول يا خواجا .... رجعت البيت ... و بكل ذمة و ضمير ابتديت اقرطف .. لأ ... أقشر ... ابتديت افك الكورومباية ورقة ورقة زي الكتاب... و بعدين الخلطة اتعملت برضه زي الكتاب .. و كل دقيقة تمر اكتسب ثقة أكتر في نفسي ... و العملية كان شكلها حينجح و حعمل اخير سوكسيه في المطبخ ..
لحدالخطوة الأخيرة .. لف صوابع المحشي ...
امسك ورقة المحشي ... و احط الخلطة جواها .. آجي الفها ... تتفرد تاني
الفها ... تتفرد تاني ...
الفها ... تتفرد تاني ...
ازنق صباع جنب صباع .. احشرهم ... الصوابع تتفك تاني لما زهقت ...
وبما اني كنت علمي علوم .... بعد فترة صغيرة من التركيز .. رحت جبت بكرة خيط اسود ( ما كانش عندي غير لونين ابيض و اسود ) و الأسود كان لايق اكتر عالكورومباية
و بقيت الف الصباع و اربطه بالخيط و اعمل عقدة و ارص ... و فضلت كده صباع صباع لما جالي احباط بحق و حقيقي ....
طبعآ ساعة العشا الشباب بكل قرف كانوا بياكلوا في محشي ني و الفتل متدلدلة من كل صباع ...
حتي الوز اللي كان عند ام طارق اللي في اول دور ... الوز اللي بياكل كل حاجة .. مارضاش ييجي جنب المحشي ده ....

تاني يوم الوالدة بتتصل بي علشان تتطمن عملت ايه ...
فلما شرحتلها خيبتي ... سكتت شوية ... واضح انها كانت بتفكر ....
لكن لما سألتني انت سلقت ورق الكرومب الأول
قلتلها لأ .. انتي ما قلتليش ....


سمعتها :roseop: علي ذكائي الناحية التانية ....
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:12 pm

aimen
تاريخ المشاركة 14 February 2008 - 11:33 PM
طيب الناس كلها سمعت عن عشاء على ضوء الشموع ؟؟ لكن عشانا كان غير
من يومين الكهرباء قطعت عندنا فى الروضه - دى حاجه نادرة جدا ومش بتحصل الإ كل سنتين مرة المهم احنا للأسف كنا بنجهز الأكل علشان العشاء طيب نأكل على نور ايه ؟ مافيش كشافات ولا شموع - عزاب ياعالم نعمل ايه نستخدم الجوالات لأ صعبة دى

كل واحد جاب اللاب توب الخاص بيه و استمتعنا بعشاء ظريف على ضوء اجهزة اللاب توب :roseop:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:14 pm

se_ Elsyed
تاريخ المشاركة 16 February 2008 - 11:41 AM
الأخ سكوب

أرجو توجيه إنذار لكل واحده مش راجل تدخل تحنسنا وتخلينا نصوصو من الجوع :roseop:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:15 pm

nash
تاريخ المشاركة 16 February 2008 - 12:24 PM
صحه وعافيه يا سي السيد مش مهم الفراخ....احترم أنا الاذواق الشخصيه ..اصلي مش باكل البط :roseop:

مش قصدي والله بس كمان سمعت أنه بياكل ذباب...اسفه اسفه والله :roseop: Smile :old:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:18 pm

إيزيس
تاريخ المشاركة 16 February 2008 - 03:02 PM
إييييييييييييييييه يا رجالة البنت هبهوبة جعانة ولازم تاكل كويس علشان تذاكر

حد يوصف لها طريقة العيش أو الأسهل نشوف العنوان وكل واحد يقف لها يوم في الطابور عشان ما تضيعش الوقت

أنا أول واحدة هابعت لها الواد سمسم آخر العنقود يقف في الطابور

عايزة بكام عيش يا هبة ؟ بس تاخدي العيش باليمين وتديله الفلوس باليمين بردة و ما عرفش إزاي
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:19 pm

se_ Elsyed
تاريخ المشاركة 16 February 2008 - 03:18 PM
nash, on Feb 16 2008, 12:24 PM, said:
مش قصدي والله بس كمان سمعت أنه بياكل ذباب...اسفه اسفه والله :roseop: :roseop: Smile


نعععععععععععمممم يا شوشو

بياكل إيه ؟

ذوباب ؟!!!

أومال الفراخ والوز والحمام والطيور التانية بتاكل إيه ؟

مربى بالقشطه ؟!!

والجواميس والبقاقير والمعاعيز ... هما كمان بياكلوا إيه ؟

سانيبون بالمكسرات ؟


يا أم ياسر .. زيحي العيا مُر وما تعلميش زي أختي أم سلمى .. البنت عندها عقده بشنطية من الفراخ البلدي لإنها يا حبت عيني زمان وهي صغيرة شافت فرخاية بلدي ماشية حافيه وبتاكل حشرات ...

حتى لما بتيجي من الدنمارك عشان تولد في مصر وماما تجيب لها فراخ بلدي عشان تتقوت ، البنت بيجيلها حالة عصبية وحديد وبعيد ما تقرب منها وما بتاكلش الا الفراخ البيضا اللي لا تسري ولا تمري يا أختي .

وبعدين هي الفراخ تزقلط وتحلى ويبقى لحمها زي السكر إلا بالذباب .... بروتينات دي ولا مش بروتينات ؟ إتكلمي بقى ... وبعدين خلي بالك إنفلونزا الطيور والحركات دي ما أنتشرتش إلا بعد ما بقوا يأكلوا الطيور أكل نضيف ...

-----------


بالنسبة لسؤال بنتنا المهندسة هبه ... فهارد عليها بكلمة واحده

واحد سواق تاكسي زهق من حياته فهج وطلع يعيش في الصحرا ... وهو ماشي كده جنب غيط قصب في الصحرا طلع له عيفريت - مش عفريت لأ عيفريت - وقاله : إتشقلط وإتبقلط .. أؤمر وأتأمر ... فقاله أنا زهقت من حياة اللي جابوني ونفسي ومُنى عيني طريق صلاح سالم يبقى فاضي ومافيش غيري أنا اللي أمشي فيه طووووووووووووووووووول الوقت ... فالعيفريت قاله : صعب ... ده الريس كل شويه معدي من هناك ومعطل الدُنيا .. ما تشوفلك أمنية تانية ... أي أمنية وأنا أحققها لك ... فقاله مراتي شخصيتها كوية وبتقهرني وتجبرني إني لازم أجيب العيش كل يوم طازه بطازة وبأقعد بالساعات واقف في الطابور لحد ما حالي وقف وأقساط التاكس إتكومت عليه وبأفكر أنتحر .. فنفسي ومونا عيني يبقى عندي فرن بتاعي ملكي لوحدي وما يبقاش غيري بس في الطابور ... فالعيفريت قال له بالنسبة لصلاح سالم تحب أقفلك أهله ومعاه طريق العروبة هدية ؟
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:19 pm

إيزيس
تاريخ المشاركة 16 February 2008 - 03:26 PM
بتبالغ يا سي السيد انت والله بتبوظوا سمعة العيش يا أخي

طب تلاتة بالله العظيم كلنا عيش طازة وسخن و من غير مسامير قبل ما تيتة الله يرحمها تروح الحج بتلاتيام ولسه فاكرة طعمة لحد النهاردة

تيتة ماتت إمتى؟؟؟

لا دي أسئلة شخصية ماقدرش أجاوبك عليه
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:20 pm

تاريخ المشاركة 17 February 2008 - 12:22 AM
وسسسسسسسسع .... وسسسسسع ...
الحلو جه ....

الحلو .. يعني الحلويات و المسكرات ....

احمد : ايه ده ... انت ليك في الحلويات يا سكوب ؟؟
سكوب : يا ابني ده انا المادة الخام بتاعت الحلويات نفسها .. ايه مش شايف و الا ايه ؟
سي السيد : آه .. اللافاندي يبقي خميرة بيرة ....
احمد :استني بس يا سي السيد.. علشان حتة الحلويات دي انا بعزها قوي ... الحلو ايه يا سكوب ؟؟؟
سكوب : قشر برتقان
احمد : قشر برتقان ده يطلع ايه ؟؟
سي السيد : يا ابني اشتري دماغك انت لسه بتسمعه ... الحق علينا اننا مصاحبين واحد لاسع .. آل قشر برتقان آل ... يا ابني احنا وز و لا بط عايز تطفحنا قشر برتقان....
سكوب : بتاع الواك واك اتكلم ...يا ابني اهمد بقي ... الله ... انا وصفاتي سهلة و بسيطة و مقطقطة .... الحلويات عادة بتحتاج ايه ؟؟
احمد : يعني انا حسب السمع اعرف انه يحتاج دقيق .. و سكر .. و بيض .. و خميرة .. و سمن ... و حاجات تانية ما اعرفهاش ...
سكوب : انا بقي كل الهالومة دي مش محتاجها ... مش محتاج غير سكر و بس ...
سي السيد : و قشر برتقان ؟؟
سكوب : هو انا بتكلم موزمبيقي يا سي السيد .. الحلو اسمه قشر البرتقال .. يبقي المكونات قشر برتقان .. و السكر ...
سي السيد : بصُرة و لا سكري و لا بلدي ؟
سكوب : اي صنف .. احنا بتوع التبسيط ....
احمد : و المقادير ؟؟؟
سكوب : واحد لواحد ... يعني ميت جرام قشر .. قدامهم ميت جرام سكر ... نص كيلو قشر .. قدامهم نص كيلو سكر ... 10 كيلو قشر
أحمد و سي السيد : قدامهم عشرة كيلو سكر ...
سكوب : اسم الله عليكم ... ما انتم شاطرين في حساب المثلثات اهه ..
احمد : اخلص بقي يا سكوب و اطلع بالروشتة ..
سكوب : شوفوا ... زي ما قلتلكم المقادير واحد لواحد ... و بعدين الطريقة في منتهي البساطة البساطة يا عيني عالبطاطا

انتوا تجيبوا قشر البرتقان و تسيبوه غاطس في حلة ميه 24 ساعة .. و تغيروا المية 3 مرات كل 8 ساعات و ابقوا اظبطوها مع ميعاد دوا الكحة .... ماشي ؟
سي السيد : ماشي...
سكوب : بعد ما يتنقعوا 24 ساعة .. تغلوا الحلة بالقشر بس شوية صغيرين .. يعني نص غلية و ارفعوا الحلة ... اوكيه ؟
سي السيد : اللهم طولك يا روح ... اوكيه يا سيدي ...
سكوب: يتصفي القشر و يتنشف علي حتة قماشة .. تسيبوه ينشف من الميه لوحده .. زي ما انتم عايزين ... و بعدين تقطعوه سلايزس بالطول ..
أحمد : هه؟
سكوب : سلايزس
أحمد : اللي هو ايه يعني ؟
سكوب : سلايزس يا احمد اللي هي ترنشات .. شرائحٌ ليست رفيعةٌٌ و لا سميكةٌ
سي السي : كمل يا سيبويه ...
سكوب : توزنوا بقي الشرائح دي كام جرام .. كام كيلو .. و قدهم يتحط عليهم نفس الوزن سكر .... و بعدين كله يتقلب في وعاء و عالنار مع بعض .. و بعدين افضل اقلب فيهم علشان السكر يتوزع كويس و هو بيسيح ... و اول ما يسيح أقوم طافي النار .. و محضر صينية احط عليهم السلايز منفصلين عن بعض .. و اسيبهم لغاية ما يبردوا و ينشف السكر علي القشر ... و زييييييييح
سي السيد ينظر لأحمد : و ده يطلع حلو ...
احمد : احنا خسرانين حاجة ... القشر علي قفا من يشيل ... نجرب و بعدين نحكم ..

و اللي حيجربها فيكم يبقي يقوللي النتيجة علشان ابقي اعملها بجد .... :closedeyes:
و سمعني نشيد ابلة نظيرة
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:21 pm

إبن مصر
تاريخ المشاركة 17 February 2008 - 04:43 PM
كده يا سكوب؟؟؟؟
كده برضه تطلعنى جاهل ومش عارف يعنى ايه سلايدس؟؟؟
طبعا عارفها .. سلايدس دى عاصمه كوستاريكا..
المهم انك فكرتنى بدرس التدبير المنزلى واحنا فى ابتدائى فى الفرير...؟؟ فاكر؟ كانوا بيدونا نعمل مربه برضه...
بس انا بقى افتكرت حاجه احلى من طريقه المحشى بتاعك....
انت عارف انى عملت المحشى صينيه؟؟؟؟؟؟
أه و النيعمه :closedeyes:

كنت مسافر فى بدايه حياتى .. ايام مكان عندى حياه؟؟ :blush2:
وقبل الجواز وكانت دوره بتاع 3 شهور كدهوت ..
المهم قررت اعيش بقيييييييييييييييييي..... وامارس هوايتى فى المطبخ..
اولا .. اشتريت الخس على انه كرومب.. عادى عادى بتحصل.. وخصوصا الى اسمه ايه ده الكابوتشا..
الى تحس كده ان واحد بيعطس وهو بيقول اسمه..
المهم.. علشان مطولش عليك.. قول طول...
سلقت الكابوتشا...
وفصصت الورق.. وشيلته على جنب....
وعملت الخلطه بقى ..
ايه ياسكوب يا خويا .. تماتم.. وكرفص.. وكا حدجه خاضرا ورفيعه لقيتها فى الماركت.. ولحمه مفرومه ورز وكل البهارات وعليه صلصه..
ياااااااااه كانت ريحتها روعه..
وعملت الصينيه (6)....

راق ورق..


وراق حشو..


راق ورق..


وراق حشو..

راق ورق..
وراق حشو..


ورحت مسقيها شوربه .. وحاططها فى الفرن..
وكلمت الحاجه ( على فكره بتسلم عليك )... وقولت لها عملت كذا و كذا....

بس..
وانت عارف بقى الحاجه تقريبا الخط فصل من مصر :yes: ...

وكانت احلى مره اتعشى فيها فى كنتاكى فى اليوم ده .............. :angry:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:21 pm

إيزيس
تاريخ المشاركة 17 February 2008 - 06:29 PM
بنحيي الرجالة و بنحيي وقفتهم الصامدة في المطابخ

ونهديهم أغنية رجالة وطول عمر ولادك يا بلدنا رجالة
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:22 pm

Folana
تاريخ المشاركة 17 February 2008 - 10:26 PM
السلام عليكم ورحمة الله....

ياسلالام!! :angry: ..ما المطبخ مليان أنسات أهو....اشمعنى انا يعنى لما دخلت فضلتوا تزعقوا لى؟...ولا ماهو علشان شايفنى عيلة صغيرة وسطكم بتتشطروا علىّ.. :blush2: :closedeyes:
:yes:

:wub:



عيمومان أنا كنت عايزة اتحدث عن محشى الكرنب اللى وصف طريقته الشيف سكوب رمزى...

أنا اتأكدت كده اننا فى محشى الكرنب عباسية...تصور يا مون بيه ان انا كمان مش بأعرف الف محشى الكرنب...رغم محاولاتى الدائمة عبر مئات السنين...ودائما ابدا أستعين بصديق للف الكرنب....

لكن صراحة يعنى طريقتك ياسكوب هايلة..مش عارفة كانت تايهه عنى فين فكرة لف صباع المحشى بالخيط دى...ده انت جبااار وملهم
انا وجدت فكرة أجمل...علشان ندى الارز فرصة انه يستوى...نونكن نربط صباع المحشى من الطرفين زى البونبونية كده....واخد بالك؟...ايه؟...طب استنى انا حاقولك...شوف كده...

صورة



ايه رأيك بقى؟....




صورة
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:22 pm

إيزيس
تاريخ المشاركة 17 February 2008 - 11:52 PM
سلام كبير لمحشياية فولانة هانم وسمعونا مقطوعة وحدي قاعدة في الطبق00000000000000 قصدي في البيت
من النوع ده فعلا واحدة في كل طبق كفااااااية





عرفت يا سكوب قيمة محشي حماتك
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:23 pm

أبو محمد
تاريخ المشاركة 18 February 2008 - 12:12 AM
أنا موافق على طريقة سكوب فى لف المحشى ... ويعنى .. مفيش مانع من فيونكات بنتنا فولانة

بس كل ده لو مفيش Tooth Picks .. دى الطريقة اللى انا بافضلها :closedeyes:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:23 pm

nash
تاريخ المشاركة 18 February 2008 - 09:49 AM
يعني يا سي السيد إمبراطور اليابان احسن من أم سلمي وأم ياسر في ايه ..؟

طيب ماهو بياكل فراخ بتاكل كرز بس ...علشان لونها يبأة أحمر ..وكمان بيعملولها تدليك الأول...........بس مش فاكرة بيكون التدليك ده قبل ولا بعد الذبح...

والله المعلومه حقيقيه ....

تقدر بأة تقول عادي نروح احنا ناكل فراخ بتاكل ****** لأ كده كتير قوي...علي الأقل الفراخ البيضا مضمون أنها محبوسه وبتاكل ذرة..
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:32 pm

واحد تاني
تاريخ المشاركة 18 February 2008 - 10:31 AM
nash, on Feb 18 2008, 09:49 AM, said:
يعني يا سي السيد إمبراطور اليابان احسن من أم سلمي وأم ياسر في ايه ..؟

طيب ماهو بياكل فراخ بتاكل كرز بس ...علشان لونها يبأة أحمر ..وكمان بيعملولها تدليك الأول...........بس مش فاكرة بيكون التدليك ده قبل ولا بعد الذبح...

والله المعلومه حقيقيه ....


صادقة يافندم ... طيب هتروحي بعيد ليه ... من غير اميراطور ولا يابان ولا حاجة ... احنا عندنا في البيت طول عمرنا لما الوالدة باشا تحب تعمل لنا كده فضلة خيرك طبق كوردان بلو كانت لازم تجيب الفراخ من وهي كتاكيت وتفضل تأكل فيها جبنة قشقوان ... جبنة قشقوان ... جبنة قشقوان
لغاية ما الفرخاية من دول تكبر وتحلو كده وتبقى كوردوناية بلو ماشية كده بتتمخطر ...

مش يقولك بط بياكل موسكيتوس وفراخ بتشرب فليت العسكري ... يا رااجل
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:33 pm

se_ Elsyed
تاريخ المشاركة 18 February 2008 - 12:45 PM
Quote
ايه رأيك بقى؟....

صورة



يععععععععععععععععععععععععععععععععع

بتفكرني بالفطار اللي كانت عاملاه نيكول سابا في فيلم التجربة الدنماركية .....

مرة أخرى يعععععععععععععععععععععع

----------

واحد باشا تاني كتب

وتفضل تأكل فيها جبنة قشقوان ... جبنة قشقوان


Quote
عقلي الباطل بيقولي : الله يرحم تثمن الجبنة الإسطنبولي ولحس سكينة البقال

أنا معاك يا مسيو واحد ... بس جرب كده تاكل الإتشيكن اللي متغذية على الجبنة البرميزان ؟ وااااااااااااااااااو

أو الفراخ الأورينتال اللي متربية على اكل الجبنة القريش ؟
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:34 pm

Scorpion
تاريخ المشاركة 18 February 2008 - 05:55 PM
ايه ده يا ملاااواني :roseop: .. ده انا بقي كنت سايق عصري ... موضوع ربط صباع المحشي بفتلة ده كنت فعلآ عملته ايام اسوان ... يعني آواخر التمانينات ...
يقوم ييجي ابنك انت ,,,, و يضحك عليكم انتم .... و يبيعلكم البتاع ده و يقول عليه Nouvelle Cuisine
لأ و من حلة كاملة العملية تصفصف علي صباع محشي واحد ... و علي طبق بيتسا كمان ....

بس بجد يا فولانة الطبق ده بيتقدم كده فعلآ ؟؟...

علي كده يا قرنفل عندك حق .. و محشي حماتي طلع محشي بجد و انا مش واخد بالي ....

و اللي يعيش ياما حيشوف ...

بس مافيش حد قاللي رأيه في القشر ابو سكر ...عايز اعمله بس مستني ان حد يجرب الأول ..
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:34 pm

إيزيس
تاريخ المشاركة 18 February 2008 - 06:12 PM
دي نتيجة القشر أبو سكر يا سكوب
:roseop: Laughing


bngn::



:kez:

🆘


ودي ورقة الطلاق بعد قصة حب وعشرة وأولاد أمامير قضت عليهم قشرة برتقال :roseop:

ودي كانت حكايتي يا ريت ألاقي القلب الرحيم اللي يعطف علي و على أولادي و ينقذنا من الضياع والتشرد وباقول لسكوب بيه يمهل ولا يهمل :cry1:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:35 pm

Folana
تاريخ المشاركة 18 February 2008 - 06:44 PM
السلام عليكم ورحمة الله....

قرنفلة الغالية....احنا رافعين شعار "صباع محشى لكل مواطن"....ده الطبيعى..لكن انا باعمل صباع محشى واحد..فاميلى سايز ونقطعه ترنشات ...انا مش لاقية صحتى...

سى السيد...يييع؟؟...انا يتقالى يييع؟....طييييييييييب...ابقوا شوفوا مين حيغديكوا فى الاشراف...والساعة اللى بناخدها غدا من ورا استاذ عادل...ابقى اتغدى من السوق بقى...لا فيه يخنى...ولا مهلبية بالمايونيز...ولا مربى بالشطيطة ...ولا حاجة خااااالص...وخليكم شاهدين ياجماعة.... :roseop:

ياصادىء افندى....ده صباع المحشى ده مكلفنى كتير جدا...ده صنعة عنييه وحياة ايديا....مش باقولك انك الهمتنى ازاى اسيطر على تمرد صباع المحشى وكتفته من الناحيتين...
هيركليز كانت قاعدة تلف المحشى العادى ده ..فاختلست منها فرخ كرنب ولفيته بهاتوكا الطريقة المبتكرة..وصورته علشان تتطلع على احدث ماتوصل اليه المطبخ الحديث...يعنى ماطخافيش واصل...انت صاحب الاختراع من الثمانينات...الى الان....يا مخلص افندى...فهمت منى حاجة ياسكوب؟
بخصوص قشر البورتكان ده...يعنى المفروض انه حيبقى ايه؟..مربة مثلا...ولا بعزقة سكر ...ولا فواكه مسكرة...اديلوه اسم طيب...
بس حاعمله....استنى بس اما اجمع محصول البورتكان واعصر القصب للحصول على السكر..واقولك على اللى حوصل....

اعمل لنا مسقعة بقى....
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:35 pm

تاريخ المشاركة 18 February 2008 - 07:35 PM
ربنا يسامحك يا فولانة .... للحظة أفتكرت انك ناقلة الصورة من سايت عالمي للنوفال كويزين و الا مجلة متخصصة .. و فرحت بنفسي ان افكاري القديمة جه يوم و عرفت طريق العالمية ...تقوم تطلع في النهاية حركة دبلرة لهيركليز ... و ما حصلتش حتي صينية المحشي بتاعت أحمد ...

عالعموم ... شكرآ بجد علي الوقت اللي ضيعتيه علشان تحققي فكرة المحشي ابو خيطه ... لأ و بالديكورات كمان ....

بالنسبة للقشر .. حضرتك ممكن تصنفيه تحت باب الفواكه المسكرة ....
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:36 pm

~Heba~
تاريخ المشاركة 21 February 2008 - 07:23 PM
Quote
إييييييييييييييييه يا رجالة البنت هبهوبة جعانة ولازم تاكل كويس علشان تذاكر

حد يوصف لها طريقة العيش أو الأسهل نشوف العنوان وكل واحد يقف لها يوم في الطابور عشان ما تضيعش الوقت

أنا أول واحدة هابعت لها الواد سمسم آخر العنقود يقف في الطابور

عايزة بكام عيش يا هبة ؟ بس تاخدي العيش باليمين وتديله الفلوس باليمين بردة و ما عرفش إزاي
ربنا يبارك لك فى سمسم Laughing Laughing و انا اسفة انى سألت السؤال ده اصلا اكيد كل الاعضاء هنا من نوع اللى بيوصلهم العيش لبيوتهم
لانى لما بروح الفرن يا اما بلاقيه زحمة يا اما بيودى لناس معينيين فى بيوتهم طبعا الناس اللى فى الابراج الدكتور و المهندس و الخ الخ الخ
انا كنت عايشة فى عز فى بيتنا بنعمل عيشنا لوحدينا صاينيين كرامتنا لكن اقول ايه كللللللللللله فى سبيل طلب العلم و من لم يحب صعود الجبال عاش ابد الدهر بين الحفر Laughing :blink: :blink:
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:36 pm

إيزيس
تاريخ المشاركة 21 February 2008 - 09:13 PM
انا كنت عايشة فى عز فى بيتنا بنعمل عيشنا لوحدينا صاينيين كرامتنا

يدوم العز في بيتكم العامر يا باشمهندسة

أنا عندي اقتراح بجد إنتي تجيبي من بيتكم العيش اللي يكفيكي فترة وارمي في الفريزر وبعدين سخني في الفرن وفري وقت وبهدلة وأكيد العيش من عند ماما أنضف وأطعم وربنا معاكي
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:37 pm

تاريخ المشاركة 21 February 2008 - 11:10 PM
سكوب يلف راسه بمنديل أزرق .. و يهم بالخروج الي البلكونة ...

أحمد : أقفل الزفت ده يا بني آدم ... سافور الهوا خرم قفايا
سكوب : انت مش سامع تلقيح الكلام .... مش كفاية سيبناهم يدخلوا .. اهم ابتدوا في النأوزة ...
سي السيد : دي مين دي اللي بتتنأوز
سكوب : الباشمهندسة يا سيدي ... الباشمهندسة ... آل ايه ( و غير صوته ليقلد صوت نسائي هايلايف ) انا اسفة انى سألت السؤال ده اصلا اكيد كل الاعضاء هنا من نوع اللى بيوصلهم العيش لبيوتهم لانى لما بروح الفرن يا اما بلاقيه زحمة يا اما بيودى لناس معينيين فى بيوتهم طبعا الناس اللى فى الابراج الدكتور و المهندس ....
أحمد :و أنت دكتور ؟
سكوب : لأ
أحمد : مهندس ؟
سكوب : لأ
سي السيد : أم الشقة اللي في بيت آيل للسقوط زي اللي إحنا عايشين فيه ده جنابك بتعتبره برج ؟
سكوب : مالكوش دعوة بيا انتوا الجوز .. انا في اللي قلبي لازم اقوله .. و خرج الي البلكونة
سكوب : صباح الخير يا ست قرنفل.. فيه ايه سامع الباشمهندسة مقريفة عالصبح
قرنفل : يسعد صباحك يا سي سكوب .. إدلعدي هبة كانت قرفانة من العيش اللي بتجيبوه ابو سوس... و كانت بتسألني علي وصفة كده تعملها عندها في البيت و لا الحوجة ليكم ...
سكوب : صباح الخييير يا هندزة .... و ايه اللي جاب مسطرة تي لقرف الفرن .. بس لو عايزة الوصفة انا شخصيآ أديهالك ... بس علي شرط .. زي ما حتعملي عشرة اعملي عشرين .. و ابقي ادينا كام رغيف ..
هبة : بجد ؟؟ بجد يا استاذ سكوب حتعمل فيا الجميل ده ؟؟
سكوب : وصفة ما تطلعش الا لأعز الولد ... ولد الولد .....
احمد من الداخل : انخع يا جدو ... ما هي متنطورة في كل حتة ...
سكوب و هو يجز علي اسنانه : إكتم يالااه .. مش كفاية برسملكم علي كام رغيف بحق و حقيقي ... ثم ملتفتآ جهة هبة .. شوفي يا ستي ... نبتدي بالمقادير .. حضرتك علي ترابيزة المطبخ تحضري ... ماجور و ...
هبة مقاطعة : ماجور ؟؟؟ ايه هو ده ماجور ..
سكوب : بدايتها مسك ... الماجور يا حبة عين ماما هو البتاع اللي بيعجنوا فيه .. مافيش ماجور جيبي فنطاس .. مافيش فنطاس هاتي حلة ..اي حاجة تعجني فيها ... ماشي ؟
هبة : ماشي يا أونكل
سي السيد ينفجر في الضحك : أونكل .. ها هاه اه.. سكوب آخد اللقب .. صبرت و نولت يا حبيبي ....
سكوب : ما علينا .. نرجع للوصفة ... حتجيبي اي حاجة تعجني فيها .. و علي جنب كسرولة صغيرة فيها شوية ميه ... عارفة يعني ايه كسرولة.
هبة : ايوه يا أونكل
سكوب : الحمد لله ... تاخدي بقي كوباية الشاي و ترمي الشاي اللي فيها .. تغسليها كويس و تنشفيها .. و بعدين تمليها مرتين و نص دقيق زيرو زيرو و ترميهم جوا الماجور .. كوبايتين و نص يا هبة .. لا شوية زايد و لا شوية ناقص ... ماشي ...
هبة : ماشي يا أونكل
سكوب : و بعدين علي جنب ابتدي حضري كوباية ميه ...و معلقة و نص شاي خميرة بيرة ...
هبة : يعني كام شاي و كام خميرة بيرة يا اونكل
سكوب : لأ يا ماما ... معلقة شاي يعني معلقة صغيرة زي اللي بتاكلي بيها الزبادي ...
هبة : آآآه فهمت ... حاضر
سكوب : يحضرلك الخير يا اختي ... كنا بنقول ايه ... كوباية ميه ... معلقة و نص شاي خميرة بيرة .... ربع كوباية ميه دافية و تدوبي فيها معلقة صغيرة سكر .... اوكيه ؟؟
هبة و هي تكتب : معلقة صغيرة سكر .. اوكيه يا عمو
قرنفل : انتي بتكتبي ايه يا هبة يا حبيبتي .. بعد ما يخلص ابقي اطبعي المداخلة دي ..
هبة : آه صحيح ... ربنا يخليكي يا طانط ...
قرنفل : طانط ؟؟؟ طانط دي تطلع ايه يا اختي ... شايفاني بشيل الباروكة و لا بركب طقم سنان .. ده انا لسه متخرجة السنة اللي فاتت
هبة : سوري يا حبيبتي ... والله ما بقصدش
احمد : يا ابني اخلص بقي انا نشفت من البرد
سكوب : خلوا الكلام ده لبعدين يا جماعة .. خليني اخلص ... شوفي يا هبة .... تاخدي الخميرة بيرة و تدوبيها في ربع كوباية الميه الدافية و تسيبيها شوية تتخمر ... الدقيق اللي محطوط في الماجور تضيفي عليه شوية ملح .. قد معلقة صغيرة كده ... و تقلبيهم كويس خالص مع بعض .. و بعدين تفحتي حفرة في النص
سي السيد : تفحت حفرة ... دي عايزة تعمل عيش يا ابني مش تتاوي ميتين ...
سكوب : يا جدع خليك في حالك .. ده ايه اليوم المهبب ده .... ثم ملتفتآ لهبة : تعملي حفرة صغيرة يا هبة في وسط الدقيق تحطي فيها ربع كوباية الميه ام خميرة و كوباية الميه اللي من غير خميرة ... و بعدين بشويش تفضلي تقلبي و بعدين تعجني فيهم لمدة عشر دقايق كده ...المهم تعجني لغاية لما الميه تختفي تمامآ ... فاكرة بقي كسرولة الميه اللي كنا حطينها علي جنب ... اهو كل شوية تدبي ايدك فيها تبليها و ترجعي تعجني تاني ,,, لغاية ما الماجور و لا الحلة اللي بتعجني فيها يبقي انضف من الصيني بعد غسيله .. يعني ما تلاقيش علي جوانبه و لا حتت عجينة ملزقة .. و لا شوية دقيق متنطورين ... بعد كده تروحي تجيبي وعاء بلاستيك و تسخنيه شوية يعني من بعيد لبعيد عالنار احسن يسيح ... و تبلي ايدك مرة أخيرة و تمسحي العجينة و تحطيها فيه .. و تغطيه بكيس بلاستيك الأول و فوقيها قماشة أو كوفرتة .. بطانية ...
احمد من الداخل : و تحكيله حكاية قبل النوم و تغنيله نيننا هو...
سكوب يتناول بصلة من كيس البصل المعلق في البلكونة و يقذفها بغِل جهة الداخل .. ثم يعود للحديث مع هبة ...
تسيبي بقي الكلام ده كله يتخمر لمدة ساعة .. لا دقيقة أكتر و الا أقل ... عشان الوقت مهم جدآ في التخمير ...لو زادت يبقي طعمه شوية حامض .. و لو قل يطلعله نمش و مش نفس اللون ... خلال الفترة دي و قبل ما تخلص الساعة ابتدي تولعي الفرن و حطي الصاج فيه علي اقرب رف للسطح ... و تقفلي الفرن لما الصاج و الفرن يسخنوا خالص .. و لو عندك فرن كهربائي حطيه علي 300 ...
عدت الساعة ... تقومي واخدي العجينة و اقلبيها علي الرخامة اللي جنب الحوض ... و ابتدي اعجني تاني .. بس عجن خفيف عشان تطلعي بس الهوا ... و بعدين تقسميها لأجزاء متساوية حسب حجم الرغيف اللي عايزاه ... و بعدين تكوريهم و يترصوا علي صينية و ترشي عليهم شوية ميه زي المكوجية ما بيعملوا ... مش تبخي ميه .. يعني بلي صوابعك و رشي عليهم ...
سي السيد : بس تكون رشة جريئة ... احسن بعد العجن ده كله حيبقوا خرمانين طحن ...
تختفي بصلة أخري من الكيس
سكوب : تغطيهم تاني بكيس بلاستيك قد 10 دقايق بس .... متابعاني يا هبة
هبة : آه و النيعمة يا أونكل
سكوب : ينعم عليكي و يهديكي يا بنتي و يرزقك بأبن الحلال من بتوع البرج .... نرجع بقي لترابيزة المطبخ اللي بقت فاضية دلوقتي .. رشي عليها شوية دقيق بس خفيف خالص .. عشان لو زودتيه العيش حيطلع ناشف .... تحطي بقي كور العجين و ابتدي افرديهم علي شكل دائري ... و بعدين تكوني محضرة ورق المطبخ .. اللي بنستعمله علشان يمص الزيت ده ... و تحطي ورقة و عليها العجينة المفرودة .. و بعدين ورقة تانية ..و فوقيها عجينة مفرودة تانية تانية .. و افضلي كده راق ورقة راق عجينة لحد ما تخلصي كل اللي عملتيه ...نسيبه يرتاح قد 10 دقايق تانية ...و لو كان الجو حر كفاية عليه 5 دقايق ...و لو الجو بارد نسيبه 20 دقيقة ... متابعاني يا هبة ...
هبة : يا اونكل متابعاك واللهي ...
سكوب : اسم الله عليكي ... نيجي بقي للجد ... البسي جوانتي المطبخ و ابتدي تطلعي الصاج من الفرن و خدي بالك قوي احسن تتلسعي و ذنبك يفضل في رقبتي ... و ابتدي حطي العجينة فيه .. بس حذاري يا هبة حذاري .... اوعي تلمسي العيش بأيدك و لا صوابعك تقرب منه .. لأن اي خدش صغير عمره ما حيتنفخ منك ...
احمد : ابقي خليها تبعته لأمن الدولة و هو حيتنفخ لوحده ...
اختفي جميع البصل المتواجد في الكيس ....
سكوب : انتي تمسكي طرف الورقة اللي تحت كل عجينة و ترفعيها بشويش و تحطي ايدك تحتها و تقومي قالباها مرة واحدة في الصاج .. لغاية ما تملي الصاج .. عادة كل صاج بياخد من 3 ل 4 ارغفة ... و بعدين تحطيه تاني في الفرن في الرف العلوي .. و افضلي مراقباه لأن العملية ما بتاخدش وقت كتير .... حتلاقي في الآول شوية فقاقيع .. و بعدين الفقاقيع دي حتبتدي تكبر .. لو الفرن بتاعك فيه مروحة داخلية ولعيها و حتلاقي الرغيق بيتنفخ بسرعة ... مجرد ما يتنفخ اقفلي المروحة و استني لما يتحمر ... لو مافيش مروحة عادي مافيش مشكلة .. اول ما يتحمر طلعيه من الفرن و قدامك حتلاقي اول رغيف من صنع ايديكي وحياة عينيكي ...
شفتي بقي العملية سهلة ازاي .... فهمتيها يا هبة ؟
هبة : ايوه يا أونكل ربنا يخليك
سكوب : محتاجة حاجة تاني ؟
هبة ك لآ متشكرة .. ربنا يخليك .. ثم استدارت و صاحت في عم فرج البواب ...
هبة : عم فرج .. يا عم فرج .. و حياتك لو روحت الفرن ابقي اشتريلي معاك 5 ترغفة ....

و من الداخل تسمع تصفيق حاد و زغاريد و بصل يتطاير .....
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:41 pm

إيزيس
تاريخ المشاركة 22 February 2008 - 04:21 PM
تلاتة بالله العظيم مانا شايلة ولا بصلة

قلت لك م الأول هي تجيب العيش من عند أم هبة أنضف وأوفر وأطعم

مفيش غدا من قبل ما تلم البصل يا سكوب وإلااااااااا :sad: ا
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: رجالة في المطبخ

مُساهمة  Scorpion في الجمعة أكتوبر 03, 2014 9:42 pm

~Heba~
تاريخ المشاركة 22 February 2008 - 06:21 PM
ربنا يخليك لينا يا اونكل سكوب بس مش فايتك حاجة :sad: :happy:
انا طول عمرى بساعد والدتى فى عمل العيش و اصناف و انواع مختلفة و منه النوع اللى حضرتك قلته يعنى لامؤاخذة انا معايا دكتوراه فى الخبيز انما حضرتك يدوب بكالريوس Smile :roseop:
و بالنسبة لاقتراح حبيبتى القرنفلة ام البهارات فأنا فكرت فعلا فى كدة بس حيبعتوه ازاى انا فى اسيوط و اهلى فى اسوان و مش حسافر الا بعد 9 شهور او يمكن اكتر لما يخلص الكورس
عموما انا فكرت فكرة بس لسة مش واضحة
فيه ناس هنا بيدفعوا اشتراك للمحافظة خمسة جنيه فى الشهر و يوصلهم كل يوم بجنيه عيش فأنا فكرت نشترك فيه انا و زميلاتى فى السكن (4 بنات) بس لسة مش عارفين نروح فين و نسأل مين و خايفة يكون الموضوع مش حقيقى
و شكلى فى الاخر حقبل بالسياحى :sad: :sad: :sad: و انا بقيت بكره الكلمة دى
avatar
Scorpion

المساهمات : 1712
تاريخ التسجيل : 30/09/2012
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 2 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى