الأقباط و المشاركة السياسية

Om Zayd
تاريخ المشاركة 22 October 2010 - 11:32 AM
'Scorpion', on 22 Oct 2010 - 10:16 AM, said:
أعلم ان شيئآ مماثلآ يزعج الكنيسة نفسها فلقد تعودت .. او تم تعويدها ان تكون الممثلة لنا في كل احوالنا .. و لكننا لم نعد نملك رفاهية هذا الترف .. آن للصبي ان يغادر بيت ابوه .. آن للمسيحيين الآن ان يبتعدوا بمظاهراتهم عن نطاق الكنائس و ان ينظموها مع باقي المصريين بكل اطيافهم و عقائدهم في سبيل مستقبلنا جميعآ معآ ...

"بيتي بيت صلاة يدعي " هكذا تكلم السيد المسيح له المجد عن الكنيسة .. فلنجعلها هكذا فقط .. بيت صلاة ... اما همومنا فلنشارك الجميع فيها واضعين همومهم هم ايضآ نصب أعيننا ... فقط هكذا لن نصبح "الآخر" الذي يهاجمه البعض باحثآ عن صمام تنفيث لمشاكله و همومه ...

للأسف الشديد نفد رصيدي
bv:-
يا ريت الكل يضع مصلحة بلده نصب عينيه

لسة حالا كاتبة عن مخاطر التمييز الإيجابي "مقالة علاء الأسواني

اغابي
تاريخ المشاركة 22 October 2010 - 12:46 PM

مرحبا بعودتك يا استاذى

دلوقتى عاوز تفهمنى اننا لو اتكلمنا بعيدا عن اسوار الكنيسة حيبقى لينا صوت مسموع

يعنى داه حقيقي ولا هو فى الاحلام - هل انا كمسيحية برغم
كل الاحداث اللى فى الشارع المصري والتصادمات بين المسيحيين والمسلمين حاخد حقى
بعد انتشار الافكار الغير بناءة والدخيلة على المجتمع المصري

لازم ما ننكرش ان فى جرح كبير وشرخ بين المسلمين والمسيحيين يمكن انا مش حاسة بكدا ولا المجموعة اللى خارج مصر لكن لما تسمع من الناس جوة مصر مش بصدق اللى بيحكوه - بفتكر انهم بيتكلمو عن بنجلادش او قرية متخلفة فى الهند اواى بلد غير مصر وغير متحضرة كمان

انا بنزل مصر اجازة شهر كل 3 سنين
فاكيد انا معتمدة على القصص اللى بسمعها من هنا وهنا وكلها بتاكد ان المسيحيين لو خرجو برة اسوار الكنيسة حيضيعو وحتضيع حقوقهم كلها اللى بتحميها الكنيسة يا استاذى

انا اتمنى صدقونى اتمنى يا استاذى ان الكنيسة تشيل ايدها خالص من امرنا لانى بحس انهم برضوه ارهقو جدا كاباء كهنة ومطارنة واساقفة هما كمان تعبوا اوى وبقت دخولهم
اقسام البوليس لفض المشاكل - اكثر من دخولهم الكنيسة للصلاه - هما مساكين جدا

لكن الاول اضمن ان المسيحي فى مصر ياخد حقوقه زى المسلم وما يبقاش فرق فى التعامل
لكن فى مواقف كتير انا حاحكيها فى موضوع حارة النصارى - واحكموا كلكم فيها
لو مكان المسيحيين حتتصرفوا ازاى وكلها من الشارع المصري

ايه الضمان للمسيحي انه حيبقى بامان وان القانون حينصفوا وما تنساش القضاء ما بقاش نزيه اوى - وعندك قضية نجع حمادى عمالة تتاجل وتتاجل واخر حاجة طلعو ان الاولاد الضحايا كانو سكرانيين المهم ان يطلع الجناه براءة
بمعنى ان دم المسيحيين ما لهوش اى تمن او دية فى نظر القانون المصري
ياريت يا استاذى تفتكر الحاجات دى وتعمل حسابها - هل احنا امام القانون والقضاء الغير شريف بالمرة
حنتساوى مسلم مع مسيحي ؟؟؟


اغابي

masraweya
تاريخ المشاركة 22 October 2010 - 02:32 PM
'اغابي', on 22 Oct 2010 - 11:46 AM, said:


انا بنزل مصر اجازة شهر كل 3 سنين
فاكيد انا معتمدة على القصص اللى بسمعها من هنا وهنا وكلها بتاكد ان المسيحيين لو خرجو برة اسوار الكنيسة حيضيعو وحتضيع حقوقهم كلها اللى بتحميها الكنيسة يا استاذى


آسفة يا أغابي .. لكن شهادتك مجروحة بسبب كلامك ده

قالولي مينفعش يتبني عليها حكم

اللي بيحكي ممكن يركز على حاجات معينة بس .. مش هيقولك بس فيه واحد مسلم قام لي في المواصلات او خلصلي شغل من غير ما يفكر انا ديني ايه

Quote
كهنة ومطارنة واساقفة هما كمان تعبوا اوى وبقت دخولهم
اقسام البوليس لفض المشاكل - اكثر من دخولهم الكنيسة للصلاه - هما مساكين جدا

هو ده اللي بيزود احساس المصريين العاديين ان فيه تمييز

هل المشايخ بيروحوا اقسام البوليس؟

اللي بيخلص المشاكل عادة "معرفة" .. و اعتقد الطبيعي الواحد يجيب مخامي مش رجل دين

اغابي
تاريخ المشاركة 22 October 2010 - 03:07 PM
'masraweya', on 22 Oct 2010 - 1:32 PM, said:
'اغابي', on 22 Oct 2010 - 11:46 AM, said:



انا بنزل مصر اجازة شهر كل 3 سنين
فاكيد انا معتمدة على القصص اللى بسمعها من هنا وهنا وكلها بتاكد ان المسيحيين لو خرجو برة اسوار الكنيسة حيضيعو وحتضيع حقوقهم كلها اللى بتحميها الكنيسة يا استاذى


آسفة يا أغابي .. لكن شهادتك مجروحة بسبب كلامك ده

قالولي مينفعش يتبني عليها حكم

اللي بيحكي ممكن يركز على حاجات معينة بس .. مش هيقولك بس فيه واحد مسلم قام لي في المواصلات او خلصلي شغل من غير ما يفكر انا ديني ايه


لا بالعكس لما يكون الشخص اللى حصل معاه الموقف اختى الكبيرة ووالدى - يبقى اكيد مش مجروحة وعن يقين لانها حصلت من ناس انا باثق فيهم وحكولى وهما منفعلين جدا موقفين احب اضيفهم فى توبيك حارة النصارى - ابقى اتفضلى مشكورة تابعيه
Quote
كهنة ومطارنة واساقفة هما كمان تعبوا اوى وبقت دخولهم
اقسام البوليس لفض المشاكل - اكثر من دخولهم الكنيسة للصلاه - هما مساكين جدا

هو ده اللي بيزود احساس المصريين العاديين ان فيه تمييز

هل المشايخ بيروحوا اقسام البوليس؟

اللي بيخلص المشاكل عادة "معرفة" .. و اعتقد الطبيعي الواحد يجيب مخامي مش رجل دين

واحنا امتى بنثق فى حد غيرهم - انت تقدرى تخليني اثق فى الحكومة
وانا موافقة انى اكون اول من يبدأ المبادرة الحقيقية وتخفيف هذا العبء عن كاهل الكنيسة والكهنة
لكن هل انت تضمنين لى الحكومة اختى الفاضلة - اعطيني الضمانات اللى موجودة عندك انا اثق فى رجال الدين اكثر من رجال الشرطة والقضاء

masraweya
تاريخ المشاركة 22 October 2010 - 03:59 PM
'اغابي', on 22 Oct 2010 - 2:07 PM, said:
واحنا امتى بنثق فى حد غيرهم - انت تقدرى تخليني اثق فى الحكومة
وانا موافقة انى اكون اول من يبدأ المبادرة الحقيقية وتخفيف هذا العبء عن كاهل الكنيسة والكهنة
لكن هل انت تضمنين لى الحكومة اختى الفاضلة - اعطيني الضمانات اللى موجودة عندك انا اثق فى رجال الدين اكثر من رجال الشرطة والقضاء [/b][/color][/right]

الشعب المصري كله محتاج ضمانات على كده
هل المعاملة السيئة و الظلم مقتصر على المسيحيين؟
اعتراضي ان رجل الدين ليس من المفروض ان يكون له تأثير على مجريات تحقيق أو هو الضامن لعدم بهدلة مواطن
انت محامية .. هل المنطقي ان من يتعرض لمشكلة يستعين برجل دين أم محامي؟؟
و لم عندما يتدخل رجل الدين تستجيب الشرطة؟

Quote
واحنا امتى بنثق فى حد غيرهم

هو ده اساس المشكلة

اغابي
تاريخ المشاركة 22 October 2010 - 05:28 PM
'masraweya', on 22 Oct 2010 - 2:59 PM, said:
'اغابي', on 22 Oct 2010 - 2:07 PM, said:


واحنا امتى بنثق فى حد غيرهم - انت تقدرى تخليني اثق فى الحكومة
وانا موافقة انى اكون اول من يبدأ المبادرة الحقيقية وتخفيف هذا العبء عن كاهل الكنيسة والكهنة
لكن هل انت تضمنين لى الحكومة اختى الفاضلة - اعطيني الضمانات اللى موجودة عندك انا اثق فى رجال الدين اكثر من رجال الشرطة والقضاء [/b][/color][/right]

الشعب المصري كله محتاج ضمانات على كده
هل المعاملة السيئة و الظلم مقتصر على المسيحيين؟
اعتراضي ان رجل الدين ليس من المفروض ان يكون له تأثير على مجريات تحقيق أو هو الضامن لعدم بهدلة مواطن
انت محامية .. هل المنطقي ان من يتعرض لمشكلة يستعين برجل دين أم محامي؟؟
و لم عندما يتدخل رجل الدين تستجيب الشرطة؟

Quote
واحنا امتى بنثق فى حد غيرهم

هو ده اساس المشكلة[/size]

انا محامية وبقولك مفيش ثقة فى القضاء

وبقولك يا مصرية انت كمصرية برضوه ما عندكيش ثقة فى الحكومة كمنظومة كاملة لا تحمى الا حقوق طبقة معينة من الناس فالنراجع الاحداث الاخيرة لفساد رجال الاعمال وبعض نواب مجلس الشعب

المسلمين فى مصر مظلومين جدا برضوه - بسبب الفقر والمحسوبية والواسطة اللى بتقتصر على ناس وناس
مصراوية اوعى تفتكرى انى بفكر بمنطق انى مسيحية وااننا اقلية
لا - انا بفكر كمان بمنطق اننا كلنا - كمصريين بقينا اقلية

لكن فى التوبيك داه برد على مطلب لاستاذ سكوربيون
فى اننا نعتمد على انفسنا ونطلب من الكنيسة ان مهامها تقتصر فقط على الجانب الديني دون السياسي

وانا بقولك وبكرر وبقوله هو برضوه
احنا تعبنا من ان الكنيسة عليها العبء داه
وان دل يدل على ان منظومات الدولة لا تستطيع التعامل بنزاهة بالقانون ولا يوجد ثقة فيها

حكومة فى انهيار
وشعب تحت ضغوط التيارات المختلفة
ماذ تكون النتيجة فى رايك

اكيد الاقلية المسيحية بتلاقائية شديدة سوف تحتمى داخل اسوار الكنيسة
هذا لا شك فيه ومنطق مقبول وغير مرضي - لانه لا يوجد بديل لديهم

اغابي

أشرف حليم
تاريخ المشاركة 22 October 2010 - 05:39 PM
أستاذ سكوربيون العزيز .... حمدلله على السلامة

برغم تقصيرى الشديد بالمشاركة من فترة طويلة حتى أن عدت من شهر فات

و لكننى لم أنسى سكوب العزيز و لا جميع الأفاضل القائمين على هذا المنتدى الفاضل

أتمنى ألا تكون نسيتنى أو عاتب على نتيجة تقصيرى

و لك منى أفضل تحياتى
'أشرف حليم', on 05 Jul 2005 - 11:56 AM, said:
أنا فى حيرة و إن كان أحد يستطيع أن يفيدنى فى هذا الخصوص فيما يخص من كشف الشخص لهويته الدينية هل هذا ضرورى بالرغم من تعارضه مع مبدأ الحكم على الفكر مجردا" بغض النظر عن صاحبه أم أن أى رأى شخصى كما قال السيد يسين قائم على إتجاه ( أيديولوجيا ) و معرفة و عامل ثالث لا أتذكره ... هذه العوامل هى التى تؤثر فى تفكير و رأى أى شخص فهل يجب الحكم و تقييم الفكر على المبدأ الأول بشكل مجرد أم على المبدأ الثانى بعد معرفة الخلفيات التى وراء الفكر المطروح السيد ناصر طرح الآتى
Quote
لو كنت قلت هذا من البداية , كنت وفرت علي و علي نفسك نقاش لا فائدة منه خاصة و أني سألتك أكثر من مرة إذا كنت مسلماً أم لا !
السبب الأول : كنت أود أن يكون التقييم على أساس جدارة الفكر أو منطق العقل فى ما يعرض بغض النظر عن ماهية ديانة صاحب هذا الفكر و حتى لا يكون هناك تمييز و حجر مسبق.أما السبب الثانى : أنك كنت تطرح السؤال فى نظرى على الأقل بشكل إستفزازى و فيه إتهام أن ما يقال كفر يكون مقبول إذا كان صاحبه غير مسلم و غير مقبول لو كان مسلم ... و بسب رفضى لهذا الطرح لذلك لم أرد.السبب الأهم : عند إختيارى للإسم لم تكن هناك نية للهرب من هويتى بالرغم من أن إسمى الثنائى مشترك لكننى إخترت أسم جدى الغير مشترك كثيرا" برغم كرهى لتصنيف المتحاورين كل حسب هويته الدينية لسبب أنا ذكرته من قبل و هو وزن الأمور حسب العقل و المنطق بدون تحيز فكرى.الأخ الفاضل محمد فؤاد : أعتقد من التفسيرات السابقة و بسبب سوابق الحوار بالسابق مع الأخ ناصر أعتقد أنك فهمت لماذا كان لدى الهاجس للتعبير عن رأى معين يكشف هويتى أولا" قبل الدخول فى تفاصيل العزوف السياسى للأقباطو فى رأيى بالنسبة لمشاركة الأقباط السياسية1- فيما يتصل بالمشاركة عموما" هم يشتركوا مع شركائهم المسلمين فى سلبية عدم المشاركة عموما" حيث كانت غير ذات جدوىو أعتقد أن هذه النقطة سوف تتغير كليتا" فى المرحلة القادمة حيث أن أصوات المسيحيين سوف تكون مرجحة لكفة مرشح ما عن باقى المرشحين خاصة فى حالة تعدد المرشحين ... و أعتقد أن بعض المرشحيين سوف يزايدوا على كسب تعاطفهم و إستمالتهم ... و إن كنت أرفض هذه الطريقة إلا أنها سوف تحدث فى بدايات التجربة حتى يتم نضوجها ( إذا كتب لها أن تنضج ) و يكون التصويت على البرامج السياسية بشكل متطور سياسيا" غير موجود الآن2- المسيحيون فى مصر يتميزون عن الآخرون فى دول أخرى ... لبنان مثلا" بأنهم غير موجودين و متكتلين فى أماكن بعينها ... لذلك تجدهم أقلية فى معظم الدوائر و أغلبية فى حالات نادرة فى الصعيد مثلا" لذلك يسقط مرشحوهم بغض النظر عن شرعية تصويتهم لمرشح ما فقط بسبب أنه مسيحى ... لكن بسبب أنهم يحسون بالظلم فإنهم سوف يضطروا لذلك أيضا" فى البدايات حتى نضوج التجربة ثم فى المستقبل ممكن أن يكون التصويت على أساس برنامج الأحزاب .. نرجو ذلك

و فى رأيى بالنسبة لمشاركة الأقباط السياسية ]]



1- فيما يتصل بالمشاركة عموما" هم يشتركوا مع شركائهم المسلمين فى سلبية
عدم المشاركة عموما" حيث كانت غير ذات جدوى

و أعتقد أن هذه النقطة سوف تتغير كليتا" فى المرحلة القادمة حيث أن أصوات المسيحيين سوف تكون مرجحة لكفة مرشح ما عن باقى المرشحين خاصة فى حالة تعدد المرشحين ... و أعتقد أن بعض المرشحيين سوف يزايدوا على كسب تعاطفهم
و إستمالتهم ... و إن كنت أرفض هذه الطريقة إلا أنها سوف تحدث فى بدايات التجربة حتى يتم نضوجها ( إذا كتب لها أن تنضج ) و يكون التصويت على البرامج السياسية بشكل متطور سياسيا" غير موجود الآن

2- المسيحيون فى مصر يتميزون عن الآخرون فى دول أخرى ... لبنان مثلا" بأنهم غير موجودين و متكتلين فى أماكن بعينها ... لذلك تجدهم أقلية فى معظم الدوائر و أغلبية فى حالات نادرة فى الصعيد مثلا" لذلك يسقط مرشحوهم بغض النظر عن شرعية تصويتهم لمرشح ما فقط بسبب أنه مسيحى ... لكن بسبب أنهم يحسون بالظلم فإنهم سوف يضطروا لذلك أيضا" فى البدايات حتى نضوج التجربة ثم فى المستقبل ممكن أن يكون التصويت على أساس برنامج الأحزاب .. نرجو ذلك]]


ده كان ما رجوته من أكثر من خمس سنوات

إتجاه مشاركة المسيحيين السياسية

و لكن يبدو لى للأسف أنه بعد الأحداث الأخيرة أصبحت غير متفائل بنضوج التجربة كما كنت بالسابق

حيث إن اللى زايدوا على أصوات المسيحيين ليسوا أعضاء مجلس شعب و لكنهم الريس و إبنه


مع التنويه إلى أنه إتضح لى بخصوص إنتخابات الرئاسة إن تأييد المسيحيين و البابا مش هيفرقوا

حيث أن مرشح الوطنى أيا" كان إسمه سوف ينجح غصب عن كل من المسلمين والمسيحيين

masraweya
تاريخ المشاركة 22 October 2010 - 05:45 PM
'اغابي', on 22 Oct 2010 - 4:28 PM, said:
مصراوية اوعى تفتكرى انى بفكر بمنطق انى مسيحية وااننا اقلية
لا - انا بفكر كمان بمنطق اننا كلنا - كمصريين بقينا اقلية

أخيرا اتقابلنا .. الحمد لله
لكن فى التوبيك داه برد على مطلب لاستاذ سكوربيون
فى اننا نعتمد على انفسنا ونطلب من الكنيسة ان مهامها تقتصر فقط على الجانب الديني دون السياسي

وانا بقولك وبكرر وبقوله هو برضوه
احنا تعبنا من ان الكنيسة عليها العبء داه
وان دل يدل على ان منظومات الدولة لا تستطيع التعامل بنزاهة بالقانون ولا يوجد ثقة فيها

حكومة فى انهيار
وشعب تحت ضغوط التيارات المختلفة
ماذ تكون النتيجة فى رايك

اكيد الاقلية المسيحية بتلاقائية شديدة سوف تحتمى داخل اسوار الكنيسة
هذا لا شك فيه ومنطق مقبول وغير مرضي - لانه لا يوجد بديل لديهم

بس الحل السهل ده هو اللي مولع الدنيا .. هو اللي خلى ناس تتكلم باسم المسيحيين كأقلية

صدقيني .. انا كممان بدور على الحل .. يمكن مشاركتي في المنتدى راجعة لكدة بشكل كبير .. لكن اللي متأكدة منه ان الحلول الفردية هي المشكلة و لا يمكن أبدا ان تكون الحل
اغابي
[/b][/color][/size][/right]

تحياتي