عندما يصبح بيع الذات ثمنآ للهجرة

هشام الكندي ان شاء الله
تاريخ المشاركة 19 February 2008 - 06:01 AM
بسم الله الرحمن الرحيم
الاستاذ سكوربيون, موضوعك اكثر من رائع و كلامك منطقي الي ابعد الحدود و هو دعوه لحوار حضاري مفتوح اود ان اشارك فيه بعد اذن حضرتك
الموضوع عنوانه بيع الذات ثمنا للهجرة, ارجو تعريف الذات كي نبدا نقاشا صحيحا.
"نعلم ان الاكثرية ....تلجأ للدين ...(( هروبا وليس ايمانا ))." سلوي
هذه احدي المشكلات الحيويه بالفعل الا و هو نسيان الواقع و الهروب منه لعدم القدره علي المواجهه
انا اري يا استاذه سلوي خطر كبير علي الدوله المصريه و الشعب نظرا لاستفحال حاله من الغيبوبه!
اللامبالاه
التوهان
و انا مالي! هيا دي, دا شعار معظم الناس دلوقتي
و انا مالي, مش انا كويس يبقي خلاص ماليش دعوه باي حاجه تانيه
مش انا ساكن في الرحاب و بيفرلي هيلز و فيها سكيوريتي بيمر في الشوارع
و فيها نوادي و حمامات سباحه و مدارس للاولاد فيها مدرسين اجانب
و عندي شاليه في الغردقه
يبقي انا مالي
انا صاحب فرن و ببيع الدقيق كل يوم علشان اكسب قرشين يعينوني علي العيشه الغاليه دي,
يبقي انا مالي ببقيه الناس,. يتصرف.... الجيش قالك اتصرف
حتي الان الموضوع يناقش افكارا بدون شخصنه
"انا من رأي ان القسوة برضو بيبقى ليها وقت" سامح
"انت عارف مين طبعا) ويعرض نفس الآراء مش فاهمة لية هل بيحاول يقنع نفسه واللا ده حب لفت الأنظار" قرنفل
"هوا فعلا كل يومين كدا

والاربع او خمس مواضيع نفس الفكرة" سامح
"خسارة بس ليست ذات اهمية والمفروض ما تشغلناش بال لانها خسارة تافـ....." سامح
الكلام تحول الي مواقف شخصيه مجددا
لن ارد حتي لا يتحول الموضوع الي موضوع شخصي و حرب اهليه كالمعتاد
الاخت قرنفل تتحدث بموضوعيه كبيره عن رفض الاستماع للفكر الاخر و مدي خطورته عندما عبرت بتشبيه الجدار الذي يكبر
كلامك صحيح 100 بال 100 و اؤيد دعوتك للتحاور مع الرافضين لفكرة مصر الوطن
فكما ذكرت هناك من يذهب لاسرائيل
و هناك المترجمين بالمارينز في العراق و هم مصريين
و هناك المهندس المصري المتطوع في الجيش الامريكي الذي ينفذ عمليات عسكريه لا يقدر المريكيين ذاتهم علي تنفيذها
كل هذا بسبب ماذا؟
بسبب هذا الجدار العازل الذي ساهم الجميع في بنائه
المجتمع اذنب حينما حرم هؤلاء من ابسط حقوقهم
الافراد مثلي و مثلك اذنبوا حينما لم يصغوا لهؤلاء و قالوا عليهم مجانين
هؤلاء انفسهم مذنبين لانهم باعوا دينهم في سبيل المال
الان, يوجد جيل و كثيرين يحملون فكرة رفض الجنسيه و القوميه المصريه
منهم من سيهاجر و يترك الموضوع كليه و لا يكون مع او ضد
هناك من سيكون ضد مثل المحاربين في الجيوش الاجنبيه من اهل البلد الاصليين
هناك من سيكون مع باللسان مثل مصر سنه 1967 او العراق سنه 2003 و انتهت بهزائم ساحقه
هناك من سيكون مع بالفعل و هو من كان مع الله و سيثبت في سبيل الله دفاعا عن الاسلام و ارضه
انا لا انكر وجود الجدران بل و تطاولها
انا اوجه لك و لكل العقلاء رساله
تعالوا نكسر الجدران حتي يري كلا منا الاخر فقد يكون اي من الجانبين هو الصواب
ليس عيبا ان تخطأ و لكن عيبا ان تستمر في الخطأ
"لذلك فالبتر قد يكون افضل كثيرا من الكي" ناش
الاخت ناش تريد بتر المختلف في الرأي, مش عارف اقولها ايه بصراحه
"هل تتوقع ان واحد يحمل التفكير دا والاسلوب دا وطريقة التعبير دي هايتقبل النصيحة

اولا : زي ما قالت استاذتى ناش دا كبير مش صغير علشان نرشدة"
لو الانسان عاقل و ديمقراطي هيتقبل النصيحه اذا كانت صح
بعدين السن ليس له اي علاقه فالانسان يتعلم حتي الموت و قد يتعلم ممن هو اصغر منه سنا

"من دفع بهؤلاء الشباب إلى هذه الحالة؟

ومنذ متى بدأت خيوط هذه الحالة تنسج؟

ومتى كان التقاعص على حل هذا النسيج العنكبوتي؟

هل هذه الحالة تقتصر على الشباب؟ "
ماده خصبه فعلا لموضوع جديد
دفع بهؤلاء الشباب الي هذه الحاله تسفيه جيلهم باكمله و اعتبارهم تاف........ زي العضو ما قال
دفع بهم اعتبارهم عضو فاسد يجب بتره و ليس علاجه مما دفعه الي التاكد من انه ليس جزءا من هذا الجسد اصلا
دفع بهم الفقر و البطاله و قله الدخل
دفع بهم تعري الكثير من الفتيات في ظاهرة غريبه جدا علي المسلمين و هو غير قادر علي الزواج و ان فكر في هذا يكون انتحار بالبطئ
دفع بهم الدش و القنوات الاجنبيه و تعلمهم للغات مما جعلهم يعرفون ان الحياه في مصر هي وفاه مقنعه لان هناك ما يسمي بالحياه في دول اخري
دفع بهم الي هذه الحاله طوابير العيش و طوابير تذاكر مترو الانفاق و طوابير التعليم اللي مش تعليم
دفع بهم الاستبداد الذي يمارسه مواطنون ناهيك عما تمارسه حكومات متعاقبه
دفع بهم عدم احترام ادميتهم في كثير من الاماكن
منذ متي؟ ليس هناك تاريخ دقيق لكنها بدات تقريبا من الستينات بنسب قليله جدا و النسب في ارتفاع ملحوظ خاصه في القرن الواحد و العشرين
اما التقاعس, فهو منذ بدات المشكله حتي هذه اللحظه و هو اخطر ما في المشكله
الحاله لا تقتصر علي الشباب كما ذكر الاخ في مثال المراه العجوز
هناك كبار و صغار يعيشون حلم واحد و هو الخروج من مصر و عدم العوده لها مطلقا
لكن النسبه الاكبر في الشباب لانه الاقوي و صاحب الاحلام في بدأ حياه جديده
الفكرة تكمن في جيل ينتمي الي مصر ساعه الفوز بكاس الامم يخرج منه الملايين تعبيرا عن الفرحه
المثقفين يحللوا اسباب و نتائج الفوز
طيب الدنمارك نشرت الرسوم المسيئه مرة تانيه, اين الملايين و المثقفين؟
يمكن مش سامعيين اصلا عن الموضوع
طيب الملايين اللي خرجت منهم ساعه الماتش فيهم اكتر من 50% بطاله و اكتر من 60% تحت خط الفقر, طيب ما خرجوش ليه يقولوا لا للفقر و البطاله
يكونوش مش عارفين انهم في حاله بطاله و فقر و لا ايه؟
الملايين دي هيا اللي بتسفه افكار الناس التانيين و بتتهمهم بالخيانه و الهرطقه في اللاهوت
الملايين دي بتبني جدار مش بس بينها و بين الناس التانيين لكن بينهم و بين العالم الخارجي
رافضين تماما اي فكرة او راي اخر
لسان حالهم ان هذا ما وجدنا عليه ابائنا و لا نقدر علي مجرد نقاشه
يا جماعه مصر بقت عده مجتمعات
مجتمع الرحاب و ملحقاته من ناس معاها فلوس و مش عارفين او مش عايزين اصلا يعرفوا بقيه الناس عامله ازاي
بيركبوا عربيات اخر موديل
بيشجعوا مانشستر يونيتد و برشلونه
بياكلوا برجر و سوسيس
مجتمع وسط البلد و فيه بقايا المثقفين و معظمهم كبار في السن من ايام الملك ايام ما كان فيه مصر
فيه القهاوي و المباني القديمه اللي فيها عراقه مصر زمان
فيها اختلاف في الراي و مساحه للتحاور فتجد المطاعم الحديثه و الفول و الطعميه
مجتمع الطبقه الوسطي و هو اخر جيل من الموظفين و المتعلمين شويتين و هم اكثر الناس عناءا
بيسكنوا في شقق ايجار و كل همهم ان الشهر يعدي علي خير
المجتمع العشوائي
و هو للاسف غالبيه الشعب المصري, و يضم مدينه نصر و المهندسين و الحواري و العشش و مساكن الصفيح
هذه الاماكن تجمعها العشوائيه الفكريه
هم لا يعرفون هما عايشين ليه اصلا, و لا الهدف مما هم فيه
بتوع العشش مش معاهم فلوس لكن بتوع مدينه نصر و المهندسين معاهم لكن كلاهما عشوائي يعيش بلا تخطيط لحياته, بلا مراعاه لمشاعر الاخرين
بلا اعتبار لقيم الانسانيه,
يعيش للفت الانظار سواء بالاغاني الاجنبيه و السيارة او المتوسيكل الريس
او بالاغاني العشوائيه زي العنب و حط النقط علي الحروف يا برنس و ركوب العجل
مجتمع تحكمه الشهوات
اظن سمعه شارع جامعه الدول غنيه عن التعريف, ناهيك عن الشقق اللي في الحي العاشر
فيلم حين ميسرة ليس ببعيد عن الاحياء العشوائيه
الامثله المذكوره لا تعبر كن كل سكان هذه المناطق و لكن نسبه كبيره منهم
العشوائيه اصبحت تحكم فكر و سلوك الكثير من الناس
هذه العشوائيه واضحه في اخلاقيات و اغاني( العنب) و مسلسلات و افلام(اللمبي) و نكت و الفاظ(يا برنس)
بل و حياه

نداء الي جميع العقلاء
تعالوا نحاسب انفسنا اولا علي هذه الصفحه ثم نحاسب بعضنا البعض
تعالوا نهدم هذا الجدار الذي نبنيه بايدينا و نعليه يوم بعد الاخر
تعالوا نعالج بدل البتر الذي سيخسر فيه الجسد و العضو
اخوكم
هشام

اريخ المشاركة 29 March 2008 - 04:30 AM
seeem كتب:
Quote
أسئلة بسيطة ...

من دفع بهؤلاء الشباب إلى هذه الحالة؟

ومنذ متى بدأت خيوط هذه الحالة تنسج؟

ومتى كان التقاعص على حل هذا النسيج العنكبوتي؟

هل هذه الحالة تقتصر على الشباب؟

عزيزي seeem
لم تتداخل مناقشاتنا من قبل .. لذا انا في غاية السعادة أن أبدأ معك الآن .. فقلم حضرتك من الأقلام التي أحترمها جدآ و يسعدني وجودها في مكان يضمني فيه ....
حضرتك كتبت 4 اسئلة في غاية البساطة و لكن في نفس الوقت في غاية الأهمية ...بهم كل مشاكلنا الحياتية في مصر .... فالبحث بأي ثمن عن الهجرة هو جانب واضح جدآ للحالة السيئة التي وصلت اليها بلدنا ....

Quote
من دفع بهؤلاء الشباب إلى هذه الحالة؟
اذا نظرنا حولنا في أي اتجاه سنجد الف سبب لذلك
اذا نظروا امامهم و لم يجدوا غير ظلام دامس فهذا ايضآ سبب ...
اذا نظروا الي رموزنا سواء سياسية أو اجتماعية بل و حتي دينية .. فسيجدوا أسباب أخري
لم يعد لدينا جميعآ ما نلتف حوله في ايمان فعلي بتحقيقه ...
فليس هناك أي مشروع صادق أو عمل قومي يجبرنا ان نضحي من أجله عن اقتناع ...

Quote
ومنذ متى بدأت خيوط هذه الحالة تنسج؟
أعتقد انك تتفق معي ان الرغبة في السفر موجود في داخلنا جميعآ بصورة أو بأخري .. بسبب أو لآخر .. و لكنه لم يكن أبدآ له كل تلك الأهمية التي بدأت تتصاعد في العقدين الآخيرين .. الي أن وصل الي ذروته الآن ...

Quote
ومتى كان التقاعص على حل هذا النسيج العنكبوتي؟
التقاعص في رأيي الشخصي يعود الي السنوات الأولي من الثروة .. منذ أن سلبت الدولة جذوة المنافسة و البحث و الطموح من جيلها لتضع مكانها الأب المهيمن الذي يتكفل بكل شيء نازعآ أي مسئولية عن ابنائه ... و مع الوقت ظهر عجز هذا الأب و فساده و لكن بعد فوات الآوان .. بعد ان فقد الأبناء تلك الجذوة التي هي اساس تقدم اي دولة ...

Quote
هل هذه الحالة تقتصر على الشباب؟
تلك الحالة أكتشفت للأسف انها تنتشر انتشار النار في الهشيم .. و لم تعد قاصرة فقط علي مرحلة معينة .. بل و لا حتي مستوي مادي معين...فحتي المقتدرين هؤلاء الذين يستطيعون الوصول الي آخر الشهر بدون مشاكل بل و يفيض معهم ما يمكن ادخاره .. انضموا هم ايضآ الي طابور الراغبين في الهروب ...

تحياتي و احتراماتي

magedghonim
تاريخ المشاركة 29 March 2008 - 01:32 PM
انا طبعا شدني العنوان جدا لاني من الحالمين بكندا
وشدني اكتر اسلوب الحوار الهاديء البنااااء
وهو بينم عن ثقافة المحاورين هنا
وعندي استفسار :
هل انا لو بسعى لتحسين وضعي يبقى انا ببيع ذاتي؟؟؟؟؟؟
الانتماء المفروض بيبقى للديانة وليس للوطن
دة طبعا رأي مش هيعجب ناس كتيرة
بس الائمة كانو بيبقو من بلاد فارس وبيعلمو في العراق وبيموتو في مصراو في بلاد الشام
ودول طبعا كتييير في القرن الخامس او السادس الهجري
التقسيم الجغرافي دة مصطنع
انا قرأت بعضا من كتب السلف الكريم امثال ابن القيم وخلافه
عمري ملقيت حد بيمجد في وطنه
الرسول الكريم( صلى الله عليه وسلم ) اذاب الفروق بين العرب والعجم وابقى المقياس بالتقوى
ومنح النسب لاهل البيت لسلمان الفارسي وطبعا عندنا صهيب الرومي وبلال الحبشي
العرب لما كانو معتزين بدينهم سادو العالم وفتحو بلاد كتيرة ومنها طبعا مصر وأخيرا الاندلس وعاشو هناك لان الاسلام دين عالمي
يريت الي بيتكلم عن الوطنية او القومية يقنعني بدليل من كتاب او سنة وانا اقتنع
وتقبلو جزيل الشكر وفائق الاحترام
صيدلاني بيحلم بكندا

هشام الكندي ان شاء الله
تاريخ المشاركة 30 March 2008 - 03:03 AM
كلامك وفي و كفي يا ماجد غنيم يا حالم بكندا,
مش لاقي بجد كلام اقوله غير كلامك دا
ربنا يوفقك و تهاجر بسلام

تاريخ المشاركة 30 March 2008 - 03:51 AM
الفاضل magedghonim
سبب هذا الموضوع أساسآ لم يكن أعتراضآ علي من يرغب في الهجرة .. او اتهام اي منا ببيع الذات في سبيل هذا الهدف .. فمن أضاف أول سطور فيه مغترب و مهاجر هو أيضآ .... و لكنه كان لمناقشة ظاهرة غير معتادة ناقمة علي بلدها لدرجة مبالغ فيها .. و متبرأة من مصريتها حتي من قبل أن تطأ قدماها ارض المهجر ... لذا كان هذا الموضوع و كل ما ناقشناه حتي الآن كان لعلاج هذه النقطة ...

نأتي للنقطة الثانية في موضوعك :

Quote
الانتماء المفروض بيبقى للديانة وليس للوطن
دة طبعا رأي مش هيعجب ناس كتيرة
بس الائمة كانو بيبقو من بلاد فارس وبيعلمو في العراق وبيموتو في مصراو في بلاد الشام
ودول طبعا كتييير في القرن الخامس او السادس الهجري
التقسيم الجغرافي دة مصطنع
انا قرأت بعضا من كتب السلف الكريم امثال ابن القيم وخلافه
عمري ملقيت حد بيمجد في وطنه

الأراء يا عزيزي قد تعجب و قد لا تعجب ... و لكنها في النهاية حق أصيل لكل منا يعرضها بشرط الا تكون شاذة او ضد اخلاق مجتمعنا و علي من يقرأها أن يقتنع بواحدة أو بعكسها .. لذلك سمي بالحوار ... لذا تلك النقطة التي عرضتها حضرتك و ان كانت تمس جانبآ دينيآ و لكن سأسمح لنفسي بعرض رأي شخصي بحت آخر ...فأكثر هذه الأراء التي ذكرتها يخاطب عالمآ غير عالمنا الذي نعيشه الآن ...فهي تتحدث عن عصور غابت فيها فكرة الوطن الذي يضم بشرآ متعددي ا لأديان و الأصول العرقية... عالم لم يكن فيه قانون دولي و لا منظمات دولية ...الأمر الذي كان مقبولآ معه أن يجتهد الفقهاء في صياغة علاقة دار الإسلام بالآخرين .... و لكن دار الأسلام تلك التي يتحدث عنها الفقهاء نجدها فقط في كتب التاريخ للأسف ...و أراضي المسلمين صارت موزعة بين اوطان عديدة ... باتت حتي اسماءها مرتبطة بالأجناس و القوميات .. بل و بأسامي أسر و عائلات ! .. فدار الحرب مثلا ( و التي في وضعنا الحالي تشمل جميع الدول الأوربية و الأمريكية بما فيها كندا ) التي كان يتم التحذير منها لم تعد واقعة في مربع الآخرين من غير المسلمين بالضرورة ... بل الأمر المحزن و المفجع ان اكثر حروب بلاد المسلمين باتت في أراضي الأسلام ذاتها .. مدي هذا التغيير في واقع المسلمين لم يخطر منطقيآ علي بال الفقهاء الأقدمين.. فلم يتصوروا حربآ بين مسلمين و مسلمين بغض النظر علي المسببات و المؤمرات ...
لذا في هذه الحالة أصبح الوطن بالنسبة للفرد منا ملاذه و انتماؤه اليه لم يعد ينفي انتمائه الي دينه .. بل يعضده في هذا الأنتماء ...

تحياتي ....

magedghonim
تاريخ المشاركة 30 March 2008 - 09:50 PM
اشكر القائمين على هذا المنتدى على اتاحة الفرصة لمن هم مثلي ان يتداخلوا مع من هم في مكانة " سكوربيون " الادبية والثقافية
وغيرهم ممن أثروا صفحات هذا المنتدى بأقلامهم وأرائهم فلهم مني جزيل الشكر والتقدير
واقتبس من أستاذي العزيز (سكوربيون):
"لذا في هذه الحالة أصبح الوطن بالنسبة للفرد منا ملاذه و انتماؤه اليه لم يعد ينفي انتمائه الي دينه .. بل يعضده في هذا الأنتماء ..."
هل هذه العبارة تنطبق على وطننا الحبيب مصر
هل مصرنا هي فعلا ملاذا لنا؟
والملاذ كما هو معلوم الملجأ الأمن عند الازمات والكروب
وكيف لنا ان نلوذ بمصر؟
وهل الجنسية المصرية تحمي حاملها او على الاقل تضمن له قدرا كريما من الحقوق؟
الاجابة بالطبع معلومة للقاصي قبل الداني
وأيضا عندما غزا العراق الكويت ؟؟؟؟
ما هي مرجعية المواطن والجندي العراقي؟؟؟؟؟
لو كانت مرجعية وطنية فهو ينطلق ليقتل ويسفك دم اخيه الكويتي تحت شعار وطني وعروبي عتيد
اما لو كانت دينية فلا يوجد دين على وجه البسيطة يحلل العدوان والقتل ناهيك عن السلب او الغدر
وفي هذه الحالة نصل الى محور الانتماء بمعنى:
كيف يعضد انتمائي الى بلدي انتمائي الى ديني؟؟؟؟
وهذا ليسا جدلا مني ولكن رغبة مني في تصحيح مايعتليني من افكار ان كانت خاطئة
تحياتي وتقديري
صيدلاني بيحلم بكندا

م.سامح المصرى
تاريخ المشاركة 31 March 2008 - 08:33 AM
ياااااااااااااااة انا فاتنى جزء كبير وجميل جدا


استاذى seem العزيز

انهى وضع كان متدهوراً

ايام الحرب والظلم والجواسيس

ولا دلوقتى

بمعنى ايام حرب 73 ونكسة 67 مش كانوا هما اولا انهم يقولو احنا نهاجر ونسيب البلد

بس حصل العكس لية لانهم مصريين وعندهم ايمان ويقين ان مصر هاتستقل ودا الى حصل والحمد لله

انما الى احنا فية دا احنا الى عملناه فى نفسينا ساكتين وفى الاخر بنشتكى

كان فى راجل كبير بيقولى مش هاتقتدر تعترض يبقي تسكت

بس بجد رأى حضرتك يهمنى فى النقطة دى انهى اولا الايام الى ذكرتها ولا الايام دى

----------------------------------

استاذ ماجد غنيم

برحب بحضرتك طبعا معانا

بس حضرتك ما زكرتش ان اهل مكة طردوا الرسول واهانوة وكانو بيضربوة كمان وكان من الاطفال

ما قالش لية انا هاسيبهم دى بلدى بس اتهانت فيها

لا الرسول رجعها حاكم دا اكبر دليل على ان الواحد يبقي عندة زرة انتماء لبلدة دى اقل حاجة

بلاش علشان احنا اتولدنا فيها

علشان احنا بناكل من خيرها وبنشرب من ميتها (طبعا هاتقولى ان الحاجات دى ملوثة وجابتلنا المرض )

هل بقي مصر هيا الى عملت كدة ولا سكاتنا هوا الى عمل كدة

لو مصر شخص ادامنا كدة وطالبنا بخيرة الى احنا كلناه وشربناه وكل حاجة هانعمل اية

لو قسمت العدل يبقي نقطع من جسمنا الى كبر على خير مصر

انما الى بيحصل العكس اننا بننكر خيرها واحنا الى لوثناه بننكر كرمها واحنا الى اهنا نفسينا

وبنستنكر منها كأنها كلب عليل الواحد حتى ما بيرضاش يبص علية

انما الواحد مش بيبيع زاتة لما بيحسن وضعة بالعكس دا بيحافظ على زاتة

انما ما توصلش ان انا اروح الحس تراب بلد ما يعرفوش معنى الطهارة

وارمى بلدى الى فيها خير جند الارض والى فيها نسب الرسول صلى الله علية وسلم

اقل حاجة اننا بس نتبع نقطة ولو صغيرة فى دينا بدل ما انا بقول حاجات فى الاساس مش بعملها

بس

وتقبلو منى كل تحية وتقدير

م.سامح المصرى
تاريخ المشاركة 31 March 2008 - 12:04 PM
Quote
بس الائمة كانو بيبقو من بلاد فارس وبيعلمو في العراق وبيموتو في مصراو في بلاد الشام
ودول طبعا كتييير في القرن الخامس او السادس الهجري

الى اعرفة يا استاذى العزيز

ان الأئمة ماتو متغربين فى بلاد غير بلادهم (بلاد عرب مسملة) لانهم كانوا بينشروا العلم والأسلام

Quote
التقسيم الجغرافي دة مصطنع

ما اعتقدش انه مصطنع

لان مصر زكرت فى القرأن ومكة

والرسول وصف القدس وغيرهم فما اعتقدش انه تقسيم مصطنع بس هوا يمكن احنا عملنا تعديلات فى خريطتها

Quote
انا قرأت بعضا من كتب السلف الكريم امثال ابن القيم وخلافه
عمري ملقيت حد بيمجد في وطنه
الرسول الكريم( صلى الله عليه وسلم ) اذاب الفروق بين العرب والعجم وابقى المقياس بالتقوى

استسمح حضرتك فى توضيحها لانى فعلاً مش مستوعبها شوية


Quote
ومنح النسب لاهل البيت لسلمان الفارسي وطبعا عندنا صهيب الرومي وبلال الحبشي
العرب لما كانو معتزين بدينهم سادو العالم وفتحو بلاد كتيرة ومنها طبعا مصر وأخيرا الاندلس وعاشو هناك لان الاسلام دين عالمي

اولا هوا حضرتك يعنى لايما مش عارف قصه الصحابة الى حضرتك ذكرتهم لايلا سمعت عنهم مجرد سمع

اولا سلمان الفارسى ساب بلدة وحالة ومحتالة وراح يدور على دين الأسلام فى بلاد تانية يعنى اتغرب من بلادة علشان

يروح بلاد الاسلام والمسلمين

وصهيب الرومى ضحى من اجل كل شئ علشان يلحق بالرسول ما لحقش بحاقجة تانية

انا بس حبيت اوضح لحضرتك حاجات ما كانتش واصلة لحضرتك

-----------------------

مين قال كدة ان العرب اتغربو امال مكة كانت مقر لاية

فى فرق بين الفتوحات وبين الاغتراب

فتحوا البلاد لأجل نشر الدعوة الاسلامية ما اتغربوش


Quote
يريت الي بيتكلم عن الوطنية او القومية يقنعني بدليل من كتاب او سنة وانا اقتنع

غريبة  :blink:  

يعنى حضرتك ذكرت سلمان وصهيب رضى الله عنهما

وما ذكرتش ان النبى اهل مكة الى هما اهلة طردوة منها وقال (ولولا أن اهلك أخرجوني منك ما خرجت)  :happy:

وبعد كدة دخلها تانى رجع لوطنة وطنة وطنة تانى بس رجع حاكم

تعرف حضرتك وقتنا دلوقتى

بقينا نعمل كل حاجة كأنها عادى وممكن نضل بيها ناس واحنا مش واخدين بالنا

زى الاية الكريمة الى كل واحد دخل وفسرها على مزاجة علشان يحللها لموضوع الهجرة

والى بيذكر حاجات وما بيجبش دليلها

بالزبط زى ناس بتمشى بالاية الى بتقول ( ولا تقربوا للصلاة )

ويقولو اية دا ربنا سبحانة وتعالى امرنا ما نصليش ...... سبحان الله ..... والعجيبة ان تلاقى ناس واقفة تهلل وتقول الله يا شيخ دا انا بحب

كلامك اوى دى شغلتها

هوا لية الرسول عمل كل دا .... لية غزا الغزوات لية مات اقرب اقرباءه واحباءه

لية كانت حياته فى خطر ما بين قرية بحالة بيتربصو لية .... وما بين ناس بتسمملة الاكل

لية ثبت على الحق واهله واهل بلدة كرهوة وكانوا عايزين يقتلوة

علشان نيجي دلوقتى اقرب حاجة اننا ما نعملش بحاجة من الى هوا حافظ عليها علشان توصلنا دلوقتى ونقول لا دا انا اى حاجة الدين

بيقول على حاجة لاء ما بعملهاش واحنا غير كدة خالص

وتنطبق علينا الاية الكريمة (ويقولون ما لا يفعلون)

او ممكن يكون الرسول صلى الله علية وسلم حافظ لنا على دينا لغاية دلوقتى علشان نفسرة احنا بقي على مزاجنا

او ممكن نحلل حاجات بسيطة بس علشان نرضى بيها نفسنا ... نفسنا الامارة بالسوء

حضرتك طلبت دليل من القرأن او السنة يكون فيها وطنية للبلد وانا زكرتها لحضرتك مثال واحد ولو حضرتك عايز تانى تفضل واطلب

اذكرلى بقي حضرتك دليل من القرأن او السنه بيقول ان الواحد ما يديش انتماءة للوطن


...... بالزبط زى ما زكر استاذى ابو محمد بس فى معنى اخر

كاننا ضيوف على مصر بناكل من بيتها وبنشرب منها وفى الاخر نعيبها وننكر جميلها ونسيئ ليها

دا العادى مصر شايلة من الناس دى كتيييييييييييييييييييييييييييييييييييييييييير اوى

magedghonim
تاريخ المشاركة 31 March 2008 - 08:23 PM
م.سامح:
اولا: اهلا بيك وارجو ان يكون النقاش اهدى من كدة وبلاش طعن ولا لمز ولا تلميح رجاءا حتى لايخرج الموضوع عن مساره
ثانيا:لما انا قلت مصطنعة كان واضح جدا ان قصدي ليس على الاسماء ولكن على الحدود الرسمية بما فيهانظم الجنسيات المعمول بيها دلوقتي ودة علشان اوصل لنقطة محورية
في مداخلتي وهي جوهر الانتماء بيكون للدين وليس للوطن
والغريب انك اكدت من غير ماتقصد النقطة دي لما حكيت قصص الصحابة؟(الي انا سامع بيهم زي مابتقول ساعتك)الى تركو الدنياكلها وراهم
ثالثا:بالنسبةلحادثة اخراج الرسول (صلى الله عليه وسلم)بأبي هو وامي:
انا على ماأذكر انك استشهدت بنصف الحديث الشريف مع انك انكرت على الي بيعملو كدة (ولاتقربو الصلاة)
يريت تراجع الحديث من الاول وهتلاقي فيما معناه ان مكة احب الارض الى الله وبالتالي هي احب الارض الى قلب رسولنا الكريم صلى الله عليه وسلم
رابعا:انا لا افسر أيات القران وحاشاي ان افعل ذلك غير اني اطلب ولازلت اطلب ادلة حتى اقتنع بفرضية الانتماء للوطن
خامسا:انا لا انكر فضل مصر عليا ولا أجرؤ ولا أذكر متى اساءت اليها في اي من مداخلاتي ولكني ناقم على وضعها الحالي وقيم شعبها التي تغيرت
وماعادت تحترم البشر ولا حقوقهم فهل هناك غضاضة او حرج ان اجد لنفسي مكانا افضل وهل يعتبر هذا بيعا للذات؟؟؟؟؟؟؟؟؟؟؟

هشام الكندي ان شاء الله
تاريخ المشاركة 01 April 2008 - 05:34 PM
م.سامح المصرى, on Apr 1 2008, 03:36 PM, said:
هل كندا بلد الرسول mft: ولا بلد يسودها حتى الاسلام
كندا بلد يسودها الاسلام بالطبع,
يكفي ان المساجد مفتوحه 24 ساعه بينما في بلاد الاسلام تغلق بعد الصلاه مباشره
يكفي انها بلد العدل و الامن و الامان و الديمقراطيات و الحريات الشخصيه و عدم التعذيب في اقسام اونتاريو و كيبك و احترام الانسان و الاحسان للفقير و العطف علي الكبير و الكثير من الحقوق التي دعا اليها الاسلام من اكثر من 1400 سنه و لا يطبقها المسلمين اليوم و طبقتها كندا
كندا بس ناقصها تطبيق الحدود, لكن كاسلام فهو منتشر بين غير المسلمين في كندا كما هو منتشر بين المسلمين هناك

م.سامح المصرى
تاريخ المشاركة 04 April 2008 - 12:53 AM
السلام عليكم ورحمة الله وبركاتة

استاذ هشام الكندى ان شاء الله

مع احترامى لك

إلا اننى لا اصدقك إطلاقا وهذا ما ترتب على ما سبق من مواضيع ومواقف

ومع العلم كلامك مبالغ فيه

ولكم يؤسفنى ان انسحب من هذا الموضوع الجميل لكى يسرى الموضوع مثلما يريد صاحب الموضوع

حتى لا يحدث اختلافات اخرى ونبعد كل البعد عن لب الموضوع

وتنتهى مداخلاتى فى هذا الموضوع عند هذه الوردة لكل عضو شارك بالموضوع

Toronto
تاريخ المشاركة 22 April 2008 - 03:01 AM
هشام الكندي ان شاء الله, on Apr 1 2008, 04:34 PM, said:
م.سامح المصرى, on Apr 1 2008, 03:36 PM, said:
هل كندا بلد الرسول ولا بلد يسودها حتى الاسلام
كندا بلد يسودها الاسلام بالطبع,
يكفي ان المساجد مفتوحه 24 ساعه بينما في بلاد الاسلام تغلق بعد الصلاه مباشره
يكفي انها بلد العدل و الامن و الامان و الديمقراطيات و الحريات الشخصيه و عدم التعذيب في اقسام اونتاريو و كيبك و احترام الانسان و الاحسان للفقير و العطف علي الكبير و الكثير من الحقوق التي دعا اليها الاسلام من اكثر من 1400 سنه و لا يطبقها المسلمين اليوم و طبقتها كندا
كندا بس ناقصها تطبيق الحدود, لكن كاسلام فهو منتشر بين غير المسلمين في كندا كما هو منتشر بين المسلمين هناك
المساجد تغلق مابين الصلوات في كندا,و تغلق بعد صلاة العشاء حتي صلاة الفجر.ماعدا المركز الاسلامي فهو مفتوح من الساعة التاسعة حتي السادسة مساءا.

capitshino
تاريخ المشاركة 22 April 2008 - 07:22 AM
بعض الاخوة والاخوات بيحسوسونى انى لو رجعت مصر هادخل الجنة .. يا اخوانى واخواتى الملتزم ملتزم فى اى مكان .. هناك مسلمسن فى هولندا وملتزمين لدرجة انهم لو كانو بمصر لكانو راحو ورا الشمس زى ما بيقولو
والعكس .. فهناك فى بلاد الاسلام من يزنى ويشرب الخمر يسرق . الموضوع يختلف من واحد لواحد وحسب الشخصية ..
بالنسبة للاخ الذى علق على هشام الكندى ان شاء الله ارجو ان لا يعلق على شخصيته انما يعلق على كلامه لانى اعتقد انه الافضل .. طبعا الكلام ده مع اختلافى الكبير مع هشام الكندى فى فاكاره
ولكم جزيل الشكر

jgeorge
تاريخ المشاركة 22 April 2008 - 11:19 AM
الالتزام بالصلاة و الصوم يكون من المصريين الجيل الاول

اللى فيكم لسه اولاده صغيريين لا يستطيع ان يحكم الا بعد بلوغ الاولاد و دخولهم الجامعة ثم استقلالهم عن الاهل فى الاقامة او التفكير و كلاهما

يعنى احنا بنبوص على النتيجة على الجيل الثانى بعد 10 او 20 او 30 سنة

ايوه الغرب احسن من مصر، و الاولاد بيتعلموا انجليزى من المنبع و لكن يدسوا السم فى العسل و يؤثروا على طريقة تفكير الاولاد، و يقولولهم انتم مسلمين فقط لانكم ولدتم لعائلة مسلمة، و لكن لابد ان تكونوا مقتنعيين بالدين الذى تختاروه عند الكبر، و هذا فى حد ذاته يؤدى الى اتجاه الاولاد للعلمانية و من بينها التخلى عن الصوم والصلاة و تنتهى بالاسواء

لا يمكن تربية ولد او بنت فى مدرسة او جامعة كلهم زناة و مخمورين، و هدا هو الثمن، تأخذ حاجة و تفقد حاجة،

كيف احط صور على الموقع و انا اوريك اللى بيحصل فى المدارس و الجامعات

الطريقة الوحيدة لحامية الاولاد من الافكار الشاذة هى ارجاعهم مع امهم الى مصر عند سن البلوغ و الوقاية خير من العلاج، ده كمان مفيش علاج لانه زى الايدز.

SEMSEMS
تاريخ المشاركة 25 April 2008 - 09:22 PM
Scorpion, on Feb 17 2008, 05:51 PM, said:
موجة جديدة اراها تتصاعد في محاورات المصريين .... موجة غريبة عن مشاعرنا كمصريين ... و لكنها للأسف جانب سلبي طبيعي تمخض عن واقع سيء نعيشه جميعآ ....

لم يعد الغضب و الحزن و اليأس قابعآ في النفس فقط ... او مثلما نريد توظيفه جميعآ هنا و توجيهه لفعل ايجابي يغير و لو جزء يسير من سلبيات عديدة و يضيف خطوة لمجتمعنا جهة هذا النور القابع في أخر النفق....

أخي الفاضل سكوربيون

اسمح لي في ثاني مشاركاتي في هذا المنتدي بتوجيه التهاني والتباريك لكل اخواني المسيحيين بمناسبة أعيادهم

يا اخي العزيز يعلم الله اني كنت أقول مثلما تقول وأهاجم كل من تسول له نفسه ان يفكر في ترك بلاده لكن اعلم اخي الكريم ان بعض الشباب الذين تلومهم (وأعلم انك تعاتبهم عتاب الاخوة ) قد فاض بهم الكيل وان منهم أطباء وصيادلة ومهندسين أمثالي قد رأوا مالم تراه انت او معظم اعضاء وشباب هذا المنتدي .

وعليه فاني علي اتم استعداد الأن أن أترك هذا الوطن الذي نشأت وترعرعت فه وبلا رجعة وأبذل قصاري جهدي لاتمام ذلك ف القريب العاجل..

اللهم أخرجنا منها سالمين مرفوعي الرأس يارب

أخي الفاضل اعذرني علي كلامي المبهم لكن (كلك مفهومية )

aimen
تاريخ المشاركة 02 May 2008 - 01:52 AM
فيما يبدو حضرتك عايش فى المريخ ؟ يعنى لازم اسافر دولة اوربية علشان اتعرف على بنات واصاحب ؟؟؟ أخ jgeorge مش عارف حضرتك بتتكلم جد ولا بتهزر وبعدين عاوز تقولى ان الفضيلة والعفة والشرف فى مصرفقط وان الشر كله فى الغرب أو فى اى مكان تانى طيب ما احنا هنا فى مكه أو المدينة اللى هما اطهر بقاع الأرض بنسمع عن حاجات مش معقولة

jgeorge
تاريخ المشاركة 02 May 2008 - 10:17 PM
فيه فرق بين اصاحب او اتعرف، فى الغرب كلمة Dating، معناها ان الواحد يأخذ معاد من واحدة ، يأكلها عشاء او غذاء و يشربوا خمره و بعدين يروحوا ياما البيت عنده ياما البيت عندها و بعدين يتجوزوا عرفى، و كل مرة يخرجوا سوا تنتهى الامر بالجواز العرفى

يعنى مفيش تدرج فى المعرفة او كلام فى التليفون او ماسجات او سيما، هى اوروبا كلها كده، كله بيخش على الغويط من او يوم، و بعدين مفيش هناك صلح غلطتك، لان اكلام ده مش غلط اصلا ده هو الصح

بص على امك و اختك و زوجتك و بنتك عتعرف ان مصر لسه بخير