رجالة في المطبخ

تاريخ المشاركة 23 December 2013 - 11:48 AM
عندك حق يا استاذ ابوحودة .. الجو العام خنق الضحكة الصافية جوانا .. حتي ضحكنا دلوقتي بقي سياسي .. ساعات كتير اقرر اني اكتب قصة كوميدية من بتوع زمان .. و افكر و اعصر دماغي و في الاخر و لا الهوا .. أنا اللي كان اول تعيين ليا في المحاورات مخزنجي و مشرف باب الأبتسامات .. يااااه
عالعموم دعوة للجميع اننا نخف الشد شوية ... نسيب نفسنا من فترة للتانية لضحكة صافية .. لفرد الوش .. و ربنا يسهلها ان شاء الله ..

علي جنب بقي .. الواحد لازم يعمل طلب رسمي لمشرفين المحاورات بضم الموضوع ده بما يحوي من وصفات هامة للمسقعة الرجالي و الهيلي هيلي بتاع عبده .. الي أخواته في الموسوعة المطبخية المتواجدة في موضوع " رجالة في المطبخ" شاكرين اهتمامكم ..

صوت عم سيد الفراش : ما تنساش الدمغة و الختم .. و خلي اتنين موظفين يمضوا عالطلب ... و الشاي بتاعي

- يادي النيلة يا دي النيلة ... حتي هنا ..




آدي الدمغة 655420093.jpg



و آدي الختم small_1287471003.jpg






و آدي امضا اتنين موظفين ما يقلش مرتبهم عن 67 جنية و ستة ساغ

0.jpg

3s.jpg


أما نشوف طلب النقل حيوافقوا عليه و الا لأ ..

عبير الشرقاوي
تاريخ المشاركة 23 December 2013 - 12:01 PM
1505105_10201637837085062_398320703_n.jp

روح يا افندي على مكتبك دلوقت


و حندرس الطلب و نبقى نبلغك في يوم 31 منه

تاريخ المشاركة 06 January 2014 - 09:00 PM
عبير الشرقاوي, on 23 Dec 2013 - 11:01 AM, said:

1505105_10201637837085062_398320703_n.jp

روح يا افندي على مكتبك دلوقت


و حندرس الطلب و نبقى نبلغك في يوم 31 منه


e5e328d0943f10caa0953871fcd1f00b_1235119


31 منه عدا يا حاجة عبير و بقينا 6 من اللي بعده .. فيه اخبار عن الطلب بتاعي ؟؟ هه

تاريخ المشاركة 06 January 2014 - 10:21 PM
ماحدش ييجي في باله اني حطيت اي مبلغ في درج الحاجة عبير .. انا بس قمعت كام بامياية من الكيس اللي قصادها ..

عبير الشرقاوي
تاريخ المشاركة 06 January 2014 - 10:24 PM
دي بسلة يا سكوب

يا نهار اسود

أقول للافندي بتاعي ايه

بسلة مقمعة

:cry1:

تاريخ المشاركة 06 January 2014 - 11:16 PM
يعني انا كل ده كنت عمال اقمع في بسلة ... و انا اقول البامية في مصر اتسخطت كده ليه و قلت بركتها ..

suma
تاريخ المشاركة 06 January 2014 - 11:24 PM
الموضوع أكتر من جميل ومبهج بجد أخذني من المرض والتعب شوية.

ما عليه انا بقى كنت محتاسة في موضوع الدقة دي كله عادي لدي حتى الشطة بنتي بتسويها كويس وتبعتهالي احتفظ بها .

شكرا على وصفة الدقة وشكرا على الضحكة الجميلة اللي انا كنت محتاجاها .

سومه

تاريخ المشاركة 06 January 2014 - 11:34 PM
يادي الهنا يادي السعد .. مدام سومه كمان انضمت لينا ...

طيب علشان المناسبة الجميلة دي .. حوصفلك طريقة عمل الكيكة اللي كنت بعملها ايام العزوبية و بفطر بيها يوم العيد لما بكون وحدي .. او بعافية شوية ..
شوفي حضرتك ...

المقادير :
كيك جاهز
سكينة
أطباق بلاستيك


الطريقة :
يتم تقطيع الكيكة بالسكينة ثم يتم وضعها في الاطباق البلاستيك
و بالهنا و الشفا






ملحوظة . يفضل شراء كيك مقطع